TCM koparski turněr přewjedło

Dienstag, 08. Januar 2019
Artikel bewerten
(0 Stimmen)
Křesćan Bejmak (nalěwo, Klumpaki) bu na kóncu sobotneho koparskeho turněra w Chrósćicach jako najlěpši třělc počesćeny. Sportowy wučer na Worklečanskej wyšej  šuli „Michał Hórnik“ bě wosom razow trjechił.  Foto: Jörg Stephan Křesćan Bejmak (nalěwo, Klumpaki) bu na kóncu sobotneho koparskeho turněra w Chrósćicach jako najlěpši třělc počesćeny. Sportowy wučer na Worklečanskej wyšej šuli „Michał Hórnik“ bě wosom razow trjechił. Foto: Jörg Stephan

Tež spočatk lěta 2019 je Towarstwo Cyrila a Metoda tradicionalny halowy koparski turněr wuhotowało. Tak zetka so minjenu sobotu dźewjeć mustwow w Chróšćanskej „Jednoće“, zo bychu wo trofeju wojowali. Lětsa bě prěni króć tež cyłk z Čěskeje zastupjeny.

Dypkownje w 15.30 hodź. zahwizda nawoda turněra Guido Zahrodnik prěnju partiju. W relatiwnje małej sportowej hali­ hrajachu štyrjo přećiwo štyrjom, a to stajnje dźesać mjeńšin.

Po předkole přesadźichu so w stafli A mustwje Zornowc Hórki a Sunshine-elita. Tej nastupištej w połfinalu přećiwo cyłkomaj Klumpaki a Puklot Chrósćicy, kotrejž běštej staflu B na prědnimaj městnomaj zakónčiłoj.

Prěnje semifinale wopokaza so jako jara wurunane. W regularnym hrajnym času njemóžachu sej Hórčenjo kaž tež Klumpaki dobyće zawěsćić, tak zo dyrbjachu třělenje ze sydom metrow přewjesć. Tu mějachu Klumpaki, hrajerjo Chróšćanskeje SJ a Sokoła Ralbicy/Hórki trěbne zbožo a so snadnje přesadźichu.

Veröffentlicht in Sport
Bitte anmelden, um einen Kommentar zu posten

Serbska debata

Neuheiten LND