Sport (10.07.26)
Testowe koparske hry
Prěnje koparske mustwo Sportoweje jednotki Chrósćicy (wokrjesna wyša liga) a cyłk hrajneho zjednoćenstwa Łaz/Běły Chołmc (wokrjesna liga) startujetej hižo njedźelu z testowej hru do přihotow za nowu hrajnu dobu. Sudnik budźe Jonas Holland.
12.07. 14:00 SJ Chrósćicy – HZ Łaz/Běły Chołmc
18.07. 14:00 ST Großdrebnitz – ST 1922 Radwor
18.07. 14:00 Natw. Němske Pazlicy – Brězk/Zły Komorow
23.07. 19:00 HZ Łaz/Běły Chołmc – Módro-běli Kulow
Dumperowcy w Baćonju
Njedźelu přewjedźe so dumperowe wubědźowanje pola Donatec w Baćonju. Techniske přepruwowanje započnje so w 10 hodź. a hłowny běh w 14 hodź. W Hórkach wubědźuja so dumperowcy njedźelu, 2. awgusta, w 14 hodź. a wulke finale budźe w Ramnowje sobotu, 5. septembra, w 14 hodź.
Satkula we Wotrowje
Satkulabičtura pozastanje póndźelu we Wotrowje. Dalše turněry su 20.7. w Radworju, 27.7. w Chrósćicach, 3.8. w Kulowje, 10.8. w Róžeńće a 17.8. w Miłoćicach (finale).
Hempel w Njedźichowje
Budyšenjo přihotuja so na nowu sezonu
Wot 25. junija steja hrajerjo prěnjeho koparskeho mustwa FSV Budissy Budyšin zaso na trawniku a trenuja. Po oficialnym witanju prezidenta towarstwa Svena Johne staj šeftrenar Steve Dieske a kotrenar Eric Prentki intensitu hnydom zwyšiłoj. Zaměr je jasny: Trenarjej chcetaj mustwo w zbywacych tydźenjach optimalnje na nowu hrajnu dobu přihotować. Prěnje testy, kaž hru přećiwo Dynamu Drježdźany, ma mustwo hižo za sobu. Tola treningowy program wostanje intensiwny, přetož hač do zahajenja noweje hrajneje doby druhi kónc tydźenja w awgusće dyrbi kóžda kročel sedźeć.
Přehlad přichodnych testowych hrow:
njedźelu, 12. julija, 14 hodź.
(Drježdźany):
Drježdźanski SC 1898 –
FSV Budissa Budyšin
srjedu, 15. julija, 19 hodź.
(Budyšin):
FSV Budissa Budyšin –
FC Slovan Liberec B
pjatk, 17. julija, 19 hodź.
(Flöha):
TSV Flöha 1848 –
FSV Budissa Budyšin
njedźelu, 19. julija, 13 hodź.
(Pirna):
VfL Pirna-Copitz 07 –
FSV Budissa Budyšin
pjatk, 24. julija, 19 hodź.
(Drježdźany):
FV Drježdźany 06 Laubegast –
FSV Budissa Budyšin
sobotu, 1. awgusta, 14 hodź.
(Budyšin):
FSV Budissa Budyšin –
FC Rudne horiny Aue U19
Kulowčenjo tež třeći turněr dobyli
Štwórty ze sydom wólnočasnych wolejbulowych turněrow tutoho lěta doby w Budyšinje cyłk Žołto-módrych z Kulowa před šulerjemi Serbskeho gymnazija Budyšin (SGB) a Mustwom 1296.
Dumpersport w Baćonju
Wubědźowanja z legendarnym dumperami su dale kult. Tu su najwažniše informacije za 3. běh wo němske dumperowe mišterstwo, kiž wotměje so njedźelu, 12. julija, pola Donatec w Baćonju.
Dopołdnja wot 10 hodź. přewjedźe so techniske přepruwowanje, w 14 hodź. započnu so hódnoćenske wubědźowanja. Piloća dyrbja wuski, ze zadźěwkami wuhotowany parcours bjez zmylka a spěšnje absolwować. Wot 15.30 hodź. wubědźuja so dźěći z liliputami.
Na lisćinje startowacych steja tež lokalni matadorojo Křesćan Grutka, Paul Domš, Frank Domš a Filip Kral. Cyłkowne hódnoćenje nawjedujetaj po dwěmaj běhomaj Maik Schurig (Adelsdorf) a Filip Kral (Lejno). Wobaj mataj 38 dypkow. Třeći je Markus Donat (Baćoń) z 32 ličakami a štwórty amtěrowacy němski dumperowy mišter Paul Domš (Adelsdorf) z 28 dypkami. Kurs w Baćonju pola Donatec je znaty za jeho měšeńcu spěšnych pasažow a wuskich křiwicow a žada sej wot šoferow wjele wušiknosće. Tuž budźe to zaso prawy wjeršk za wšitkich přiwisnikow motorsporta a techniki w Hornjej Łužicy. Jurij Bjeńš
Zhromadnje z Konječanskej wjesnej młodźinu su młodźi ...
Prěnje městno za mustwo SGB
Při sportowym wubědźowanju „Młodźina trenuje za olympiju“ bě so sakske finale w bičwolejbulu 29. smažnika 2026 za šulerjow a šulerki starobneje klasy U14 w sakskej stolicy přewjedło. W tutej starobnej klasy hraja po modusu štyrjo přećiwo štyrjom. Dwě holcy a dwaj hólcaj hraja po regulach wolejbula w pěsku. Sak wisa 2,10 m wysoko. Hra skónči so po dwěmaj dobytymaj sadźbomaj a sadźbu dobudźeš po 15 docpětych dypkach. Tež bičwolejbulowy cyłk Serbskeho gymnazija Budyšin je so w regionalnym finalu za tute wubědźowanje kwalifikował. Štyri dalše cyłki ze Sakskeje su sej tohorunja městno za krajne finale wuhrali. To běchu z Frankenberga Lutherowy gymnazij, gymnazij z Engelsdorfa, gymnazij z Oelsnitza Mosen a z Pirny mustwo Schilleroweho gymnazija, kotrež nažel přijěło njeje.
Wuspěch za „Słónčne róže“
Wojerecy – to bě sportowy kónc tydźenja z tójšto rjanymi hrami, ze swójbnej atmosferu a bičwolejbulom na wysokim niwowje za hrajerce a hrajerjow mustwa „Słónčna róža“. Minjeny kónc tydźenja bě so serbski kwartet na tradicionalnym bičwolejbulowym cupje we Wojerecach wobdźělił.
Hižo 23. raz su woblubowany turněr na hrajnišćomaj we Wojerecach organizowali. Mjeztym, zo bydlenske drustwo „žiwjenske rumy“ z.t. jako hłowny organizator funguje a městno k dispoziciji staja, starachu so nazhonite ruki Wojerowskeho towarstwa Nachbarschaftshilfeverein wo sportowe wuhotowanje. Cyłkownje 21 mustwow z Wojerowskeho regiona přeprošenju sćěhowaše, zo bychu w pěsku wo požadany titul wojowali. Tež serbski cyłk „Słónčna róža“ ze Sernjančanku Xeniju Koberec, Konječanku Klaru Kralec, Hórčanom Janom Zarjeńkom a Budyšanom Eliasom Kummerom bě so prěni raz za turněr přizjewił.
Wolejbulistki přeprošuja na trening
2. zwjazkowa koparska liga – sezona 2026/2027 (07.07.26)
přěhračk z relegacije prěnjeje ligi
VfL Wolfsburg
zestupnikaj ze zwjazkoweje ligi
1. FC Heidenheim
FC St. Pauli
zbytne mustwa ze sezony 2025/2026
Hannover 96
SV Darmstadt 98
1. FC Kaiserslautern
Hertha BSC
1. FC Nürnberg
VfL Bochum
Karlsruher SC
Dynamo Drježdźany
Holstein Kiel
Arminia Bielefeld
1. FC Magdeburg
Eintracht Braunschweig
dobyćer relegacije
SpVgg Fürth
postupnikaj z 3. zwjazkoweje ligi
VfL Osnabrück
FC Energija Choćebuz
Dynamowcy tež w Budyšinje wysoko dobyli
FSV Budissa Budyšin –
Dynamo Drježdźany 0:14 (0:6)
Zestawa domjacych: Herrmann, Kiefer, Schröder, Zech, Kloß, Häfner, Mo. Noack, Schäller, Böhme, Henning, Orosz, Käppler, Weiß, Sobe, Haustein, Ma. Noack, Mende, Hoferichter, L. Schmidt, M. Schmidt, Bagusch
Zestawa hosći: Bethke, Mesenhöler, Rapp, Lemmer, Muhamedbegović, Rossipal, Oehmichen, Hauptmann, Boeder, Daferner, Straudi, Vermeij, İnanoğlu, Ezeh, Fröling, Wagner, Sterner, Müller
