Zdźerženje klasy perfektne
FC Energija Choćebuz –
SC Verl 1:0 (0:0)
FC Energija Choćebuz: Bethke – Rorig, Kusić, Slamar, Borgmann, Pelivan, Ciğerci (90.+2 Hasse), Möker (68. Hofmann), Copado (78. Tallig), Thiele (68. Engelhardt), Halbauer (46. Krauß).
wrota: 1:0 Krauß (59.)
Přećiwnik bě ze seriju dźesać njeporaženych hrow pospochi do Łužicy přijěł. A runje tak sylnje předstajichu so hosćo w Choćebuzu. Přećiwnik wustupi kompaktnje, wěsće a sebjewědomje w LEAG-stadionje. Tak mějachu hosćićeljo dosć dźěła, wrota derje zakitować. Přiwšěm dóńdźe k dwěmaj šansomaj. Jednu z nich wotwobara Elias Bethke a tu tamnu Timmy Thiele a Lucas Copado.
Mnozy kandidaća a absolutnje zasłuženy dobyćer
Po lětach w prěnjej a druhej zwjazkowej koparskej lize je za FC Energiju Choćebuz kalendrowe lěto 2024 najwuspěšniše w mjeztym 59lětnych towarstwowych stawiznach. Swój wjeršk měješe w prěnim połlěće z postupom do třećeje ligi. Wot awgusta potom postara so FC Energija jako klasowy nowačk w třećej lize wo postupne městno w tabulce.
Zawěsće móžachu so wuspěšne stawizny jenož ze zhromadnosću docpěć. Přiwšěm dawaše tójšto indiwidualistow, a tući so nětko po lětdźesatki trajacej tradiciji w prěnich tydźenjach noweho lěta wuznamjenichu. Kaž přeco běchu to fanojo, kotřiž swój hłós wonym hrajerjam dachu. Hrajerjam kotřiž su so ze swojimi wukonami wo wuspěchi mustwa postarali. Z 9 504 hłosami přesadźi so wrotar FC Energije Elias Bethke. Ofensiwnaj hrajerjej Timmy Thiele a Maksimilian Krauße dóstaštaj 6 233 resp. 2 942 hłosow.
Worklečenjo z njesměrnej dobyćerskej wolu wojowali
W předchadźacych štyrjoch tydźenjach bjez hrow su so Worklečanscy wolejbulisća prěnjeho mustwa na 6. městno tabulki sakskeje klasy sunyli. To měješe so nětko na domjacym hrajnym dnju zaso skorigować.
Viktoria Worklecy –
ST Kupoj-Nowa Łuka 3:0
(25:23, 25:22, 28:26)
Prěni přećiwnik dnja, ST Kupoj-Nowa Łuka, bě w aktualnej sezonje dotal jenož dwě sadźbje dobył a steješe bjez dypkow na kóncu tabulki. Bě hra za Viktoriju potajkim ryzy formalna wěc? Skerje nic!
Domjacym pobrachowaše za prěnju hru ze zwjeselacych swójbnych přičin Sćěpan Wjeńka. Mustwo bu tuž z wjacorymi hrajerjemi młodźiny Viktorije napjelnjeny.
Tak bě hra spočatnje wočakowanjam wotpowědujo trochu kopolata, běhanske puće njeběchu hišće perfektnje wotrěčane. Kupoj-Nowa Łuka wosta přeco w hrě a hač do kónca sadźby z Worklečanami na samsnej runinje. Tola Viktorianojo wobchowachu čuwy a dobychu prěnju sadźbu snadnje 25:23.
Radworscy koparjo w Čěskej trenowali
Wot pjatka do njedźele přebywaše 23 mužow prěnjeho koparskeho mustwa z Radworja w treningowym lěhwje w čěskim měsće Lovosice.
Hnydom po přijězdźe do hotela wotmě so prěnja treningowa jednotka, w kotrejž trenowachu koparjo swoju wutrajnosć. Wězo hrajerjo w połdra hodźinje trajacym treningu tež bul widźachu. Po krótkej přestawce přewjedźechu w fitnesowej rumnosće zwučowanja za stabilizaciju ćěła. Přizamkowacu so wječer w hotelu běchu sej z tym zawěrno zasłužili.
Dźeń zakónčichu z rozmołwu mjez mustwom a trenarskim teamom. Sobotu zahajichu 8 hodź. z rańšim běhom nimale štyrjoch kilometrow. W dopołdnišej treningowej jednotce mužojo zaso wjele běhachu, tak zo jim zdźěla samo muskle zaprajichu. Po dlěšej přestawce dźěše z prěnjej z dweju testoweju hrow přećiwo čěskemu FK Duchkovej dale.
ST 1922 Radwor – FK Duchcov 4:5 (1:2)
Zestawa Radworčanow: Šěrak, Sende – Wjeńka, M. Dźisławk, M. Grubert, Paška, Adam, Schöne, Hetaš, Wróbl, Wenzel, C. Dźisławk, Dej, L. Pěčak, Elsner, Wawrik
Wo planach za ligu starych knjezow so dorozumili
Hižo w nowembrje su so zastupjerjo jednotliwych towarstwow zetkali, kiž hraja we wólnočasnej koparskej lize Zapadołužiskeho koparskeho zwjazka, zo bychu sezonu 2024 wuhódnoćili a so zdobom na nowu hrajnu dobu přihotowali. Hač do kónca lěta dyrbjachu so towarstwa rozsudźić, hač jich mustwo na wulkim abo na małym hrajnišću nastupi. Zdobom mějachu tež móžnosć, so za pokalne wurisanje přizjewić.
We wokrjesnym pokalnym kole nastupi kaž zwučene mustwo Sokoła Ralbicy/Hórki. Prěni raz wobdźěli so lětsa hrajne zjednoćenstwo SJ Chrósćicy/Zeleno-běli Hórki. Nowačk měri swoje mocy 21. měrca z TSV Wachauom. Sokoljo maja zdobom domjacu lěpšinu, hdyž nastupja přećiwo Hermsdorfej.
Měšany cyłk z Budyšina dobył
Měšane mustwo šulerjow a wučerjow Serbskeho gymnazija Budyšin (SGB) je spočatk februara w Kulowje 8. ptačokwasny wolejbulowy turněr dobyło. Wot cyłkownje sydom wólnočasnych mustwow wubědźi sej SJ Chrósćicy druhe a ST 1922 Radwor třeće městno.
Prěnja stacija wólnočasnych wolejbulowych turněrow serije „top-sydom“ lěta 2025 bě 3. februara w Kulowje w tamnišej sportowni. Předsyda sportoweje jednotki Žołto-módri Kulow Roland Stiebitz wjeseleše so při zahajenju, zo je wšitkich sydom cyłkow na mjeztym 8. ptačokwasny turněr dojěło.
Prěnje blidotenisowe mustwo muži sportoweho towarstwa Viktorije ...
Widźała,słyšała, napisała (17.02.25)
Awtorka dźensa
Halena Jancyna
Wuslědki (17.02.25)
3. koparska liga
FC Ingolstadt – VfB Stuttgart II 1:1 (1:0)
Wehen Wiesbaden – Essen 1:3 (1:0)
Bielefeld – Rudne horiny Aue 2:0 (0:0)
B. Dortmund II – Sandhausen 1:0 (1:0)
Unterhaching – Saarbrücken 2:0 (2:0)
FC Energija Choćebuz – SC Verl 1:0 (0:0)
Dynamo Drježdźany – Mnichow 5:2 (3:1)
Mannheim – Hansa Rostock 5:0 (3:0)
1. FC Energija Choćebuz 24 48 : 26 48
2. Dynamo Drježdźany 24 49 : 29 45
3. 1. FC Saarbrücken 24 34 : 25 41
4. FC Ingolstadt 04 24 49 : 36 39
5. Viktoria Köln 24 40 : 32 39
6. Arminia Bielefeld 24 32 : 25 37
7. SC Verl 24 36 : 31 36
8. Hansa Rostock 24 32 : 32 35
9. Wehen Wiesbaden 24 38 : 39 34
10. Borussia Dortmund II 24 38 : 38 32
11. Sandhausen 24 37 : 38 31
12. FC Rudne horiny Aue 24 34 : 41 31
13. TSV Alemania Aachen 24 23 : 27 30
14. TSV 1860 Mnichow 24 35 : 46 29
15. VfL Osnabrück 24 34 : 41 28
16. Čerwjeno-běli Essen 24 34 : 40 27
17. Waldhof Mannheim 24 28 : 29 26
18. VfB Stuttgart II 24 30 : 42 25
19. Hannover 96 U23 24 28 : 44 22
20. HZ Unterhaching 24 29 : 47 18
Sport (14.02.25)
Prěnje přizjewjenja za běhi
Sobotu, 19. apryla, přewjedu so mjeztym hižo 46. Biskopičanske běhi na dołhich distancach. Jednotliwe čary maja distancu 5,1 km, 10,2 km a 20,3 km. Předšulske dźěći a młódši šulerjo wubědźuja so na 0,8 km. Start a cil wšitkich běhow budźetej při Biskopičanskim stadionje. W 14 hodź. so běhi započnu.
Pokalne finale blidotenisa
We Worklečanskej ćěłozwučowarni přewjedźe so jutře wokrjesne pokalne finale w blidotenisu. Zakitowar pokala su blidotenisća prěnjeho blidotenisoweho cyłka muži Viktorije Worklecy. Wot 14 hodź. nastupja we Worklecach zastupnistwa TTV Kamjenc, SZ Čerwjene Noslicy, MSV Budyšin a ST Viktoria Worklecy.
Druha połserija jutře startuje
Koparjo we wokrjesnej wyšej lize startuja z pjeć partijemi na kóncu tydźenja do druheje połserije.
15.02. 13:00 Rakečanske ST –
TSV Połčnica
15.02. 13:30 Biskopičanske KT 08 –
RSV Eintracht 1949
15.02. 13:30 Ludwigsfeldski KK –
Budissa Budyšin
16.02. 14:00 SJ Chrósćicy –
ST Horni kraj-Sprjewja
16.02. 14:00 Drohotka Ramnow –
Sokoł Ralbicy/Hórki
16.02. 14:00 SG Großnaundorf –
Módro-běli Kulow
16.02. 16:30 FC Energija Choćebuz –
SC Verl
Wolejbulowe hry
