Dobyće krótko do kónca misnyli
FSV Bretnig-Hauswalde –
SJ Chrósćicy 1:1 (0:1)
zestawa hosći: Škoda – Cyž, Kral-Zahrodnik, Dźisławk, Zynda, Zelnak (63. L. Zahrodnik), Hawš, Žur, Rätze (70. Handrik), Šiman (74. G. Zahrodnik), Bogusz
Njedźelu běchu Chróšćenjo z hosćom pola postupnika Bretnig-Hauswalde. Po perfektnym oktobrje, w kotrymž su wšitke štyri hry dobyli, chcychu Chróšćenjo z pozitiwnej seriju pokročować. Domjacy běchu sej dotal 17 dypkow nazběrali. Z tym stejachu w hornim dźělu tabulki.
Najebać sylnu hru podleželi
TSV Połčnica –
SJ Njebjelčicy 4:1 (1:0)
zestawa hosći: Weclich – Hanuza, Hrjehor (86. Herrmann), Korjeńk, Wjerš, Marticke (75. R. Čornak), Krawčik, Rudolf, Wjacławk, Zarjeńk (75. Lehmann), Plaettner
Tež hdyž běchu Njebjelčenjo derje do sezony startowali, steješe pola njeporaženych Połčničanow sydom dypkow wjace na dypkowym konće. Tuž bě hižo do dypkoweje hry jasne, zo budźe to pola načolnika tabulki najćeši duel za Njebjelčanskich hrajerjow.
Hosćićeljo wot wšeho spočatka pokazachu, zo běchu jako zestupnik a načolnik tabulki faworit. Přiwšěm hosćo najprjedy jara derje sobu dźeržachu. Defensiwnje nastajene mustwo trenarja Daniela Pohlinga měješe sylnu ofensiwu hosćićelow derje pod kontrolu. Tež doprědka so SJN přeco zaso zwaži. Dźakowano spěšnym wonkownym hrajerjam nastachu dobre šansy, kotrež pak wostachu njewužite. Prěnje wrota hry docpěchu tuž hosćićeljo. Róžk suny so płonje přez šěsnatku, skoči njezbožownje do nohi Jonasa Krawčika a wottam dale k 0:1 (36.) do wrotow.
Wuslědki (04.11.26)
wokrjesna klasa stafla III
(wurězk z tabulki)
1. Módro-běli Njeswačidło 8 50: 7 24
2. HZ Běła/Cunnersdorf 8 33: 10 21
3. LSV Hory II 8 34: 8 18
4. ST Ćisk 8 24: 18 11
5. HZ Łaz/Běły Chołmc II 7 20: 25 10
6. Njebjelčicy II/Ralbicy II/Pančicy II
8 16: 23 8
Wolejbulowu sezonu zahajili
Za Worklecy hrajachu: Marko Brězan, Ludwig Eckert, Daniel Gall, Stephan Gedik, Vincent Kuring, Florian Mikławšk, Marko Njek, Marcel Rjelka a Syman Žur. Trenar: Alex Cyž
ST Viktoria Worklecy 92 III – OSSV Kamjenc II
2:0 (27:25, 25:23)
Minjenu sezonu je třeće mustwo muži Sportoweho towarstwa Viktorije Worklecy suwerenje staflowe dobyće we wo-krjesnej klasy Budyšin, stafla sewjer, docpěło. Tola hižo w postupnym kole a we wokrjesnym pokalu Worklečenjo bolostnje zwěsćichu, zo je jich kader na někotrych hrajnych dnjach prosće přemały. Ćim bóle zwjeselace je, zo so na zašłych treningowych jednotkach hač do 15 wolejbulistow wobdźěli, mjez nimi tež žony a nowi młodźi hrajerjo. To budźi nadźiju do přichoda.
Po poražce 0:3 (22:25, 16:25, 21:25) we Wojerecach přećiwo cyłkej ...
Kónctydźenske wuslědki (03.11.26)
Tež wolejbulistki a wolejbulisća su so po nazymskich prózdninach zaso na halowy parket nawróćili. Hrajerjo prěnjeho wolejbuloweho mustwa muži MSV Budyšin dobychu derby přećiwo rezerwje ST Viktorije Worklecy 3:1 (19:25, 25:16, 25:16, 25:23). Najlěpši hrajer w rjadach Budyšanow bě kapitan Stephan Mühl, najlěpši hrajer hosći kapitan Metod Hoza. Prěnje mustwo holcow Viktorije je w Chróstawje 1:3 (25:27, 15:25, 25:19, 22:25) přěhrało. Kapitanku Dianu Hajnec tam jako najlěpšu wolejbulistku hosći počesćichu.
Koparske wuslědki:
W krajnej lize su Biskopičanki z Ralbičankomaj Stellu Pilzec a Laviniju Frenclec z 2:0 (2:0) přećiwo rezerwje Kamjeničanskeho FC dobyli. Koparki Dynama Drježdźany z Radworčanku Johanu Wjeselic přesadźichu so z 5:0 (2:0) přećiwo hrajnemu zjednoćenstwu Lipsk juh.
Poražka w poslednjej mjeńšinje
Póst Germania Budyšin –
Sokoł Ralbicy/Hórki 2:1 (1:1)
zestawa hosći: Schöne – B. Heidorn, Mjechela, Wałda, Šewc, Hicka, N. Šnajder, R. Šnajder (71. Čóška), Woko, Bulank, L. Heidorn
Na poslednju hru w Budyšinje so Sokoljo rady dopominaja, jako w połfinalu wo-krjesneho pokala domjace mustwo přewinychu a finale doma docpěchu. Předznamjenja pak njeběchu tutón raz tak dobre. Dla wšelakorych přičin njestejachu wšitcy hrajerjo k dispoziciji a start do hry so tež nimokuli.
Flanku Antona Stehra zaměstni Bruno Brückner hižo w pjatej mjeńšinje z hłowu we wrotach. To pak běše prawy signal a Sokoljo nětko lěpje wustupowachu. Po wjacorych stacijach so Ralbičenjo přez srjedźne polo doprědka kombinowachu. A tak zhłójčkowa Richard Šnajder flanku Adriana Woka na wurunanje w 11. min. do dołheho kuta wrotow. Sokoljo spytachu sej z wěsteje defensiwy přeco zaso strašne kontery wuhrać, tola poslednja preciznosć jim stajnje pobrachowaše. Tuž njeje ničo ličomneho za nich wuskočiło. Dokelž sebi Budyšenjo tež žane dobre šansy njewuhrachu, podaštej so wobě mustwje ze sprawnym remisom do kabiny.
Wuslědki (03.11.26)
wokrjesna wyša liga
1. SJ Chrósćicy 10 23: 12 22
2. SG Großnaundorf 10 34: 17 19
3. SC Wulke Rědorjecy 10 18: 7 19
4. Póst Germania Budyšin 10 27: 26 19
5. Bretnig-Hauswalde 10 31: 16 18
6. Traktor Malešecy 10 18: 13 17
7. Zeleno-běli Bukecy 10 21: 21 17
8. ST Hnašecy-Dobruša 10 21: 18 16
9. Sokoł Ralbicy/Hórki 10 18: 11 15
10. FV Ottendorf-Okrilla 10 20: 29 15
11. ST Horni kraj-Sprjewja 10 10: 11 13
12. LSV Hory 10 24: 26 12
13. Rakečanske ST 10 20: 26 8
14. Módro-běli Kulow 10 15: 27 7
15. Hlinowski SK 1931 10 13: 36 7
16. Drohotka Ramnow 10 8: 25 4
wokrjesna liga stafla I
1. Arnsdorfske KT 10 49: 7 30
2. ST Porchow 10 34: 9 26
3. ZSZ Załom-Wopaka 10 34: 12 25
4. TSV Wachau 10 35: 16 21
5. HZ Kubšicy 10 28: 23 16
6. SZ Steinigtwolmsdorf 9 21: 22 13
7. ST 1896 Wulka Dubrawa 9 15: 19 13
8. HZ Huska 10 20: 25 9
9. TSV Wjazońca 10 13: 32 9
10. HZ Wjelećin 9 13: 19 8
11. HZ Póst Germania Bud. II 10 19: 26 8
12. ST Bart 10 13: 27 8
13. TSV Wjernarjecy 10 10: 37 6
14. HZ Frankenthal 9 10: 40 4
wokrjesna liga stafla II (čoło tabulki)
1. TSV Połčnica 10 39: 12 28
2. Zeleno-běli Sepicy 11 32: 18 23
3. HZ Łaz/Běły Chołmc 10 34: 22 21
4. SJ Njebjelčicy 10 25: 17 18
5. Wulke Zdźary / Kulow II 10 23: 17 18
6. ST Lubuš 10 14: 27 15
7. ST Kinspork/Łužnica 10 22: 17 12
8. ST Marijina hwězda 9 17: 22 12
9. FSV Łuty 10 12: 16 11
10. SJ Chrósćicy II 11 10: 25 11
11. FC Łužica 10 18: 23 10
Energija zaso dypki wotedała
FC Energija Choćebuz – VfL Bochum 1:2 (1:0)
zestawa FCE: Lotka – Rorig, Erlein, Manu, Guwara – Bittencourt, Michelbrink (65. Pelivan) – Ciğerci (74. Kinsombi), Copado (65. Boziaris), Hannemann – Butler (74.Bogdanov)
wrota: 1:0 Ciğerci (22./jědnatka), 1:1 P. Hofmann (70.), 1:2 Rasmussen (88.)
přihladowarjo: 16.394
Nětko su po wšěm zdaću psychologojo prašani. Hdyž njemóže nowačk druheje ligi sej nětko hižo šesty raz po nawjedowanju hry tři dypki dobyć, potom tči problem zawěsće we hłowach hrajerjow. Nimo štyrjoch njerozsudnych wuslědkow a poražkow (Fürth 3:4, Bochum 1:2) je mustwo FC Energije Choćebuz 14 dypkow wotedało. Při tym běchu wšitke tute hry znajmjeńša nachwilnje duele na samsnej runinje.
Tak tež pjatk wječor na 10. hrajnym dnju w partiji přećiwo VfL Bochumej. Znowa dominowaše FCE prěni połčas partiju. Tak docpěchu po foulu wrotarja přećiwo Lucasej Copado z pokutnym kopom Tolcayja Ciğerci nawjedowanje 1:0. Dalše wrota skomdźi Justin Butler, kiž měrješe so ze swojej słabšej lěwej nohu ze zdalenosće 18 metrow wobhladanja hódnje na lěwy kut wrotow. Nažel wrotar Timo Horn třěl spektakularnje wotwobara.
