Němscy mužojo w dwojobobje wo sensaciju so postarali
Na jědnatym wubědźowanskim dnju Zymskich olympiskich hrow bě Němska wospjet w lodowym kanalu wuspěšna. Zo němscy mužojo w dwojobobje aktualnje dominuja, pokazachu na podesće, na kotrymž stejachu wospjet jeničce naši krajenjo. Porno tomu so bój wo medalje w nordiskej kombinaciji a w biatlonje bjez Němskeje skónči.
Liški aktualnje najlěpše mustwo ligi
Starbulls Rosenheim – Łužiske liški 1:2 (0:2, 1:0, 0:0)
Łužiske liški su pjatk přećiwo Starbulls Rosenheim 2:1 dobyli, štož bě w minjenych sydom hrach šeste dobyće. Běłowodźenjo koncentrowanje startowachu a hosćićelow zahe pod ćišć stajachu. W 3. min. zhubi wrotar Liškow Anthony Morrone swój bičk, reagowaše pak wobhladniwje a zastatkej zadźěwa. We 8. min. docpě Georgiy Saakyan w fazy z hrajerjom wjac na lodźe nawjedowanje 1:0 za Łužičanow. Ani mjeńšinu pozdźišo Kyle Havlena po třělwje Chrisa Theodore na 2:0 zwyši. Rosenheim prošeše na to hižo zahe wo přetorhnjenje. Liški kompaktnje zakitowachu a dwě chłostani bjez přećiwnych wrotow přetrachu.
W druhej třećinje wostachu Běłowodźenjo ofensiwnje aktiwni, njemóžachu pak dalše wrota docpěć.
W 32. min. trjechi potom Charles Gregory Stretch 1:2 za Rosenheim. W kónčnej fazy hry Anthony Morrone wjacore razy sylnje parěrowaše. Ze snadnym nawjedowanjom dźěchu Liški do druheje přestawki.
Drama štwórteho městna a wjedrowy chaos při superteamje
Dźesaty wubědźowanski dźeń Zymskich olympiskich hrow wobradźi němskemu mustwu sylne wuslědki, předewšěm w lodowym kanalu. W monobobje žonow skomdźi Laura Nolte snadnje olympiske złoto a doby slěbro. Wo wjerški postarachu so runočasnje wubědźowanja w alpinskim slalomje, shorttracku a big air. W nowym, super team mjenowanym formaće pak wobsadźichu němscy sněhakowarscy skakarjo njezbožowne štwórte městno.
Wubědźowanje žonow w monobobje bě w Cortinje d’Ampezzo hač do poslednjeho běha krimi. Laura Nolte z Němskeje je po třoch běhach hišće nawjedowała. W štwórtym přechodźe pak dyrbješe US-Američance Elanje Meyers Taylor tola hišće předstup dać a doby na kóncu slěbro. Jenož 0,04 sekundy jej za złoto pobrachowachu. Bronzu doby Kaillie Armbruster Humphries z USA. Lisa Buckwitz z Němskeje bu njedźakowna štwórta.
Worklečanki doma podleželi
Za prěnje wolejbulowe mustwo žonow Sportoweho towarstwa Viktorije Worklecy so hrajna doba 2025/2026 nachila. Wot cyłkownje 16 dypkowych hrow maja hižo 11 za sobu, dwě wotměštej so do zymskich prózdnin doma we Worklecach.
Viktoria Worklecy – TSV Kundračicy 2:3 (25:19, 22:25, 25:22, 21:25, 14:16)
Worklečanki kaž tež Kundračanki chwilu trjebachu, zo bychu rytmus hry přiwzali. Spočatnje so mjez sobu testowachu. Dypkowa taflička wjerćeše so na woběmaj stronomaj. Tola po někotrych hrajnych akcijach móžeše so domjace zastupnistwo přesadźić a snadny předskok 14:9 wutwarić. Slědowaše faza, w kotrejž Worklečanki kóždy bul ze špundowanja škrabachu, zo bychu jón wuspěšnje na dypk přetworili. TSV měješe ćeže, z nadaćemi kaž tež nadběhami wěsće wobchadźeć. Bule dźěchu pak z hrajnišća pak k wjerchej. Prěnje zastupnistwo Viktorije bu dale a wěsćiše. Sebjewědomje zamóchu sej Worklečanki z wótrymi nadaćemi a suwerenymi nadběhami konstantny předskok pjećoch dypkow wobchować. Tutón je hač do kónca sadźby přewodźeše. Worklečanki dobychu prěni přechod 25:19.
Sudnik jasne wrota přewidźał
FC Energija Choćebuz – Waldhof Mannheim 1:1 (1:0)
FC Energija Choćebuz: Funk – Rorig, Awortwie-Grant, Manu, Lucoqui (46. Biankadi), Michelbrink (66. Tolga Ciğerci), Pelivan (82. Moustfa), Borgmann, Hannemann (66. Tattermusch), Engelhardt, Tolcay Ciğerci
wrota: 1:0 Rorig (10.), 1:1 Ba (64.)
přihladowarjo: 10 164
Hinak hač wočakowane wotběžało
Worklečanscy wjesni koparjo wostanu turněrej fanoweho kluba ,,Ći swěrni“, kiž Biskopičanske KT 08 tradicionalnje spočatk kóždeho lěta wuhotuje, tež lětsa swěrni. Spočatk februara namaka dohromady wosom wólnočasnych koparskich mustwow puć do sportownje při Dietricha Bonhoefferowej dróze w Biskopicach. W skupinskej fazy, kotraž bu hižo do turněra wulosowana, nastupichu Worklečenjo na spočatku přećiwo mustwu z mjenom ,,Klopdampf BIW“. Hru dobychu 2:0.
Po tym zo bě Luca Šewc nawjedowanje 1:0 docpěł, sćěhowachu dalše wrota Handrija Jakubaša. Kulowčan Jakubaš bě prěni raz za Worklečanow zasadźeny. W napjatej partiji přećiwo mustwu „DRK-komando“ z Ohorna postara so Šewc ze swojimi wrotami wo druhe dobyće dnja.
W poslednim skupinskim zetkanju so něšto sta, štož žadyn fan kopańcy dožiwić nochce: Nimale dwě mjeńšinje do wothwizdanja, při stawje 5:0 za mustwo ,,Hłowna wěc puls“, so přećiwniski wrotar při dwuboju tak njezbožownje zrani, zo jemu pozdźišo w chorowni złamanu nohu diagnosticěrowachu.
Dypki sprawnje rozdźělene
Rakečanske ST – SJ Chrósćicy 2:2 (0:1)
Zestawa SJ Chrósćicy: Škoda – L. Zahrodnik, Dźisławk, Zynda, Wornar (63. F. Bjeńš), Cyž, G. Zahrodnik, Bogusz (88. M. Zahrodnik), Rätze, Hawš, Młynk
Njebjelčan Tadej Cyž a Róžeńčenjo Kilian Hrjehor, Konstantin ...
Widźał,słyšał, napisał (16.02.26)
Wjeselu so kaž mały hólc, zo směm lětsa skónčnje tajku prawu zymu dožiwić. Dołho trajacy „mróžak“ z dosć sněhom je zmóžnił, zo móžach samo w Drježdźanach při Łobju ze swojimi jednorymi deskami sněhakować. Aktualne prognozy su tohorunja wjele lubjace. Snano dosaha přichodny tydźeń samo za dospołny sněhowy přikryw. A hdyž so dosć sněha njenańdźe, su srjedźne horiny derje docpějomne. W Sakskej skića regiony kaž Rudne horiny, ale tež kroma Sakskeje Šwicy mnohe lojpy a zymske pućowanske šćežki.
