Kóžde lěto starterojo z partnerskeho města z Pólskeje wobdźěleni

Minjeny pjatk wubědźowaše so we wobłuku 10. jubilejneho Połčničanskeho strowotniskeho běha na štyrjoch distancach 0,8 / 2,0 km / 5,0 km a 10,0 km cyłkownje 592 sportowcow, mjez nimi 57 lubowarjow walkinga. To běše nowy rekord wobdźělnikow!

Kóždolětnje startuja w Połčnicy tež běharjo a lubowarjo walkinga z pólskeho partnerskeho města Złotoryja pola Legnicy a z wsow Ziemnice, Zagrodno a Pielgrzymka. Lětsa běše jich 40 sportowcow. Naši starterojo běchu hłownje z wobeju Łužicow, z Drježdźanskeho wobwoda, z Lipska, Berlina a Wilhelmshavena. Horstka serbskich atletow so tež zaso sobu wubědźowaše.