„Skónčnje zaso dźiwadło“ – wuspěšna premjera z wulkim zapozdźenjom
Budyšin (SN/bn). „Skónčnje zaso dźiwadło! Po abstinency wjacorych měsacow so jara wjeselimy, prěnju serbsku premjeru hrajneje doby předstajić směć. A hdyž hižo na wsach w korčmach hrać njemóžemy, smy scomt korčmu do Budyšina přećahnyli“, postrowi zastupjerka intendanta za serbske dźiwadło NSLDź Madleńka Šołćic předwčerawšim něhdźe 80 wopytowarjow na wulkej žurli Budyskeho Dźiwadła na hrodźe.