Žane wubědźowanja

Na runinje amaterskeho sporta su hižo wot póndźele wšitke winowatostne dypkowe hry kaž tež treningi w halach a pod hołym njebjom přez cyły nowember zakazane. Zhromadnje sportować hodźi so jenož hišće we wobłuku šulskeho sporta abo pod hołym njebjom indiwidualnje abo po dwěmaj. Dypkowe hry w profijowym sporće su dale dowolene, ale bjez přihladowarjow. Koparske mustwa regionalneje ligi sewjerowuchod, prěnjeje amaterskeje koparskeje klasy w Němskej, njesmědźa hrać a trenować. Potrjechenej stej na přikład FC Energija Choćebuz a Biskopičanske koparske towarstwo.

Dźensa start za liški

Z domjacej hru startuja Łužiske lodohokejowe liški dźensa wječor do sezony 2020/2021. Wot 19.30 hodź. hraja wone přećiwo Bayreuthskim tigram. Přihladowarjo dowolene njejsu. Za to pak wusyła sprade.tv wšitke hry w interneće.

06.11. 19.30 Łužiske lodohokejowe liški – Bayreuthske tigry

08.11. 17:00 Drježdźanske lodowe lawy – Łužiske lodohokejowe liški

13.11. 19.30 Łužiske lodohokejowe liški – EC Kassel Huskies

15.11. 17:00 EV Landshut – Łužiske lodohokejowe liški

20.11. 20:00 Bietigheim Steelers – Łužiske lodohokejowe liški