Jednota we wosmifinalu

Montag, 16. November 2020
Artikel bewerten
(0 Stimmen)
W prěnim krajnym pokalnym kole přewiny mustwo z Lessingoweho města cyłk FC Hornjeje Łužicy Neugersdorf po třělenju kopow ze zdalenosće dźewjeć metrow. Ke Kamjenskemu cyłkej słušeja tež serbscy koparjo z Ralbic, Njebjelčic a Noweho Łusča. Cil młodych talentow je kónčne koło.  Foto: Tadej Cyž-Njebjelčanski W prěnim krajnym pokalnym kole přewiny mustwo z Lessingoweho města cyłk FC Hornjeje Łužicy Neugersdorf po třělenju kopow ze zdalenosće dźewjeć metrow. Ke Kamjenskemu cyłkej słušeja tež serbscy koparjo z Ralbic, Njebjelčic a Noweho Łusča. Cil młodych talentow je kónčne koło. Foto: Tadej Cyž-Njebjelčanski

Puć do koła 16 najlěpšich dorostowych cyłkow młodźiny w sakskim koparskim pokalnym kole njebě docyła loch­ki­. Nima­le wšitke hry běchu napjate a přez dołhi čas jara wotewrjene.

Do prěnjeho regularneho koła bě koparske mustwo Jednoty Kamjenc­ w před­kole pře­ćiwo druhemu zastupnistwu Soccer for Kids Drježdźany nastupiło. Tamniši koparjo su wosebje technisce přeco jara derje­ wukubłani. Mustwo hraje tež w krajnej klasy, ale w druhej stafli. Po spěšnej a ofensiwnej partiji wobeju cyłkow su so Kamjenčenjo skónčnje ze 7:4 přesadźili.

Dotal najnapjećiši duel za Jednotu bě w prěnim regularnym kole a to w Nowych Jěžercach (Neugersdorf). Mustwo z Hornjeje Łužicy bě w zašłej sezonje mišter­ sakskeje klasy, stafle wuchod. Po zastatku 0:2 hosćo w poslednjej sekundźe wurunachu. Podlěšenju přizamkny so hišće třělenje z dźewjeć metrow. Tam bě zbožo na boku Kamjenskich hrajerjow, kotřiž po poslednjej přetworjenej třělwje wulce wyskachu.

Veröffentlicht in Sport
Bitte anmelden, um einen Kommentar zu posten

Serbska debata

Neuheiten LND