Kaž wšitke towarstwa njemóže tež serb­ska­ koparska wubranka młodźiny D tučas­nje trenować a hrać. Po přećelskej hrě loni w septembru chcychu w decembru halowy trening w Ralbicach přewjesć a so na turněrje w Drježdźanach wobdźělić. Wobaj terminaj pak njehodźeštej so koronapandemije dla zwoprawdźić. Tak je so lěto 2020 z wida dźěćaceje wubranki bohužel dočasnje zakónčiło. To wosebje koparki a koparjow přesłapja. Wšako so stajnje wjesela, za serbske barby za bulom honić.