Łužiske liški dóstanu noweju nadběhowarjow

Donnerstag, 06. Mai 2021
Artikel bewerten
(0 Stimmen)

Kader Běłowodźanskich lodohokejistow za nowu hrajnu dobu 2021/2022 počina rosć

Arttu Rämö a Roope Mäkitalo rěkataj nowaj młodaj nadběhowarjej, kotrajž chcetaj přichodnje w Běłowodźanskej liščej jamje za pukom honić. Lodohokejistaj w starobje 23 a 22 lět přiń­dźetaj z finskeje druheje najwyšeje ligi Mestis do Hornjeje Łužicy.

W Lahtiju rodźeny Arttu Rämö hra­ješe dotal jeničce w Finskej. Lěwicar je 1,77 metrow wulki a waži 79 kilo­gramow. W hrajnej dobje 2017/2018 debito­waše wón w druhej finskej lize a z mustwom Peliitat hnydom zestupi. Wosta pak w tej lize, dokelž dźěše k mustwu Ketterä. Tam dopokaza z dźewjatnaće wrotami a wosomnaće assistami swoju kwalitu. W minjenej sezonje bě samo jedyn z topscorerow swojeho cyłka. Dwaceći wrotow a třiceći přihrawkow w 39 hrach jeho wulkotne wuwiće potwjerdźeja.

Veröffentlicht in Sport
Bitte anmelden, um einen Kommentar zu posten

Serbska debata

Neuheiten LND