Zašły tydźeń dojědźe sej 48 młodych lodohokejistow z cyłeje Němskeje do Běłeje Wody. Druha němska lodohojekowa liga bě tam camp za dorostowych hrajerjow organizowała, kotřiž maja perspektiwu, raz wyše hrać a so z profijom stać. Pod wjednistwom nazhonitych trenarjow steješe za dorost tójšto treningowych jednotkow na lodźe kaž tež zwonka liščeje jamy na planje. Fitnes, spěšnosć, koordinacija, ale tež technika a kreatiwita běchu w jednotliwych jednotkach prašane.

Tež z Běłeje Wody běchu młodźi aktiwni a trenarjo na camp přeprošeni, tak na přikład Arthur Schwabe, Elias Schenk, Paul Kuczera a Dominik Krawža. Naposledk mjenowany wuknje na Wyšej šuli „Dr. Marja Grólmusec“ Slepo.