Awtor dźensa

Tereza Wićazowa

Moja tehdyša profesorka za psychologiju je z nami studentami sporta raz „Karjeru po karjerje: Žiwjenje po profijowym sporće“ w čitanju tematizowała. Wona wuzběhny, zo je wažne, zo sej profijowi sportowcy a sportowče sčasom přemysluja, što chcedźa poprawom „po tym“ činić, zo njebychu po zakónčenju sportoweje karjery „pola nule“ započinali. Mały dźěl ma hižo wotzamknjene wukubłanje abo paralelnje powołanje nawuknje a so po karjerje tutomu wěnuje, kaž bičwolejbulist Jonas Reckermann, kotryž je w aktiwnym času swojeho profisportowanja wučerski studij absolwował a je nětko wučer. Druzy njezamóžachu w młodych lětach studij abo wukubłanje zakónčić, dokelž su so wot wšeho spočatka sem profisportej wěnowali. Tohodla maja tući dwě móžnosći: Pak nachwataja powołanske wotzamknjenje abo přewozmu někajki nadawk w sporće. Za druhu opciju rozsudźichu so mjez druhim biatletka Magdalena Neuner, kotraž je biatlonowe wubědźowanja w telewiziji komentuje, abo koparski wrotar Oliver Kahn, kotryž je nětko předsyda FC Bayern Mnichow.