Zo so hrajerjo měšćanskeho wolejbuloweho mustwa Sokoł Budyšin we wokrjesneje klasy, stafla wuchod docyła na zašły hrajny dźeń dopominaja, zaleži na tym, zo su tam jednu hru přěhrali a jednu dobyli. Ale dobyli bjez toho zo su hrali. Prawdźepodobnje je ćežko so na prawy hrajny dźeń dopominać, dokelž prosće předaloko wróćo leži. Wón bě so w domjacej sportoweje hali na Kamjentnej 37 spočatk decembra přewjedł. Přećiwnikaj běštej TSV Wóspork (17:25 a 20:25) a Sportowe towarstwo Budyšin sewjer. Bliski riwala njezamó pak šěsć hrajerjow zestajeć a woteda dypkaj (25:0 a 25:0) na Sokoł Budyšin. Srjedź januara měło so znowa hrać, a to přećiwo wolejbulistam z Wjazońcy a Hnašec-Dobruše. Tónraz pak zjewi so tydźeń do toho mustwowy nawoda Wjazońčanow a prošeše wo přestorčenje hrajneho dnja, falowacych hrajerjow dla. Tomu ze stron Sokoła wězo wotpowědowachu. Nachwatanska hra budźe nětko 3. apryla. Tak spokoji so „Budyskosokołskoškitny“ wolejbulowy cyłk w minjenych tydźenjach z treningowymi jednotkami. To tučasnje njeje zlě, dokelž móža tak nowačkow do towarstwa integrować.