Awtor dźensa

Pětr Šołta

Helaw, lube sportowče a lubi sportowcy. Dźensniša róžowa póndźela sej wězo žada, zo wěnujemy so tónraz skerje žortnym, snano samo směšnym stronkam sportowanja. Sćěhowace parlički sym namakał: W běhanju marathona mamy najwšelakoriše skurilne rekordy, na př. najspěšnišeho Elvisa abo najspěšnišeho běharja w kostimje dinosawrija. Cynthia Lauren Arnold je sej něšto druhe wumysliła a dźerži swětowy rekord w běhu na 42,195 km z dźěćacym wozyčkom. Młoda žona njeměješe při tym jenož jedne, ale tři dźěći sobu! Wozyčk z małymi pasažěrami wažeše něhdźe 85 kg a cyła fóra dojědźe po 3:11 hodź. do cila. Podobne wahi wšak woža tež druzy starši při wulkonakupje kónc tydźenja po parkowanišćach superwikow ...