XIV. mjezynarodny festiwal „Łužica“ na zwučene wašnje kulturny a towaršnostny highlight był
Chrósćicy (SN/MiR/mb/MWj/MG/BŠe). Festiwalny kónc tydźenja w Chrósćicach je so dźakowano pilnym hosćićelam po koronapandemiji jako wulke zetkawanišćo wopokazał, na kotrymž su Serbja a jich hosćo zhromadnosć swjećili. Najebać horce wjedro wjeselachu so organizatorojo nad wopytowarstwom w samsnej dimensiji kaž na festiwalu 2019.