SJ Njebjelčicy – HZ Halštrow/Hlinowc II 5:2
Zestawa SJ Njebjelčicy: Hahn – Šram, Schulze (60. Wagner), A. Reineke, Hannusa, Domš (78. Kral), Lehmann (63. Cyž), Korjeńk (85. M. Reineke), Čornak, Rudolf, Bjeńš
Hra započa so wčera popołdnju jara wurunana. W prěnich 15. min. njedóńdźe k žanym wulkim šansam na woběmaj bokomaj. Njebjelčenjo buchu jenož přez kontery strašni, zwjetša přez Tonija Čornaka přez prawu stronu abo Handrija Korjeńka přez centrum. Na to sćěhowaštej dobrej šansy přez wólnej kopaj Stefana Bjeńša. Wotewrěli běchu hosćićeljo nadběhi zwjetša přez daloki wysoki wotkop wot wrotarja do centruma. Tute kopy pak hosćo nimale přeco wotpopadnychu. Njebjelčicy łakachu potom na druhe bule. Bjeńš bu w natwarje hry přeco zaso pytany, kiž potom hrajny nastroj zwjetša na Čornaka abo Korjeńka dale suny.
