Najprjedy tole: Nichtó nochce pyrotechniske akcije na kromje koparskich hrow. Zo pak so sportowe towarstwa za kóžde jednotliwe kontrolowane zapalenje pyrotechniki, kaž tydźenja w Aachenje składnostnje 59. narodnin towarstwa FC Energija Choćebuz, z pjenježnymi pokutami chłostaja, njemóžu zrozumić. W tym nastupanju je chwalobne, zo su so nětko někotre towarstwa třećeje a štwórteje ligi w tutej naležnosći zetkali, zo bychu žadanje za wotstronjenjom chłostanjow za zasadźenje pyrotechniki přesadźili.