Sokoł Ralbicy/Hórki –

HZ Łaz/Běły Chołmc 0:0 

Zestawa domjacych: Schöne – Matka (68. Šołta) B. Heidorn, Wałda, L. Heidorn (60. Woko), Rachela, Gloxyn, Mjechela (68. Bejmak), Šnajder (72. Rawš), Bejma, Domaška

Zaměr Sokołow bě jasny. Tři dypki dyrbjachu přećiwo poslednjemu w tabulce z Łaza/Běłeho Chołmca docpěć.

Domjacy hrajerjo wot spočatka sylnje wustupowachu a sej w běhu dźesać mjeńšinow tři róžki wuhrachu. Wužili pak je njejsu. Tež dalši dobry nadběh z lěweje strony bě bjez wuspěcha. Michał Matka předrě so hač na zakładnu liniju a třěleše bul Pětrej Domašce, kotrehož pak napřećiwnik w poslednim wokomiku blokowaše. Po tym ofensiwa Sokoła hižo tak efektiwnje njefungowaše. Hosćo nadběham sylnje zadźěwachu. Sami pak sebi tež šansy njewuhrachu. Najwjetšu šansu na wrota měješe w prěnim połčasu Koslowčan Pawl Rachela. Wón steješe samlutki na lěwej stronje a smaleše na wrotarja. Tutón pak jeho pospyt znješkódni. Tak podachu so hrajerjo bjez wrotow do kabiny.