SC Verl –

FC Energija Choćebuz 2:1 (0:0)

FC Energija Choćebuz: Funk – Rorig, Manu (88. Butler), Awortwie-Grant (83. žołtočerwjena), Lucoqui (46. Hannemann), Pelivan, Michelbrink (68. Moustfa), Borgmann (88. Boziaris), Ciğerci, Tattermusch (46. Thiele), Engelhardt

wrota: 0:1 Engelhardt (58.), 1:1 Onuoha (79.), 2:1 Onuoha (81.)

přihladowarjo: 2 851 (mjez nimi 500 z Choćebuza)

Po wostudłym prěnim połčasu wotpowědowaše Energija po změnje swojemu mjenu a dźěše połnje do ofensiwy. Tola traješe štwórć hodźiny, doniž zaměnjeny Timmy Thiele z rjanej přihrawku Erikej Engelhardej k tomu njedopomha, zo bul do dołheho róžka suny. Tež po nawje­dowanju bě Energija dominantna, nje­zamó pak sej jasne šansy wuhrać. Jako so kónčna faza započa, poradźi so domja­cemu cyłkej překwapjace wurunanje, dokelž so w šěsnatce nichtó wo škit pře­ćiwniskich hrajerjow njestaraše. Lědma 100 sekundow pozdźišo samsny wobraz: Znowa poskići Henry Rorig přewjele městna a zaměnjeny Onuoha z dwójnym dyrom swobodnje stejo nimale hižo přěhratu hru za SC Verl na dobyće přewobroći.