Prěnja testowa hra Chróšćanow

Dienstag, 23. Juli 2019 geschrieben von:

ST Porchow – SJ Chrósćicy 2:3 (0:2)

Za hosći zasadźeni: Klimant – Püschel, F. Cyž, Sentiwan, L. Zahrodnik, M. Zahrodnik, G. Zahrodnik, Henzel, Bina, Zynda, Bogusz, Špitank, Matješk

Po tym zo běchu Chróšćanscy koparjo tydźenja do noweje hrajneje doby startowali, podachu so zašły pjatk k prěnjemu testej do Porchowa. Byrnjež trenarjej Detlefej Panicej hišće někotři hrajerjo dowola dla pobrachowachu, spytachu koparjo SJC wot spočatka hru kontrolować.

Nurjenje we Łužicy woblubowane

Dienstag, 23. Juli 2019 geschrieben von:
Hórčanska skała přiwabja runje nětko w lětnich prózdninach tójšto lubowarjow nurjenja z cyłeje Němskeje a zdźěla samo z wukraja. Předewšěm na kóncach tydźenjow widźiš mnohich zajimcow nurić. Předewšěm je wodźizna swojeje hłubokosće kaž tež swojeje čisteje wody dla woblubowana. Tak móža nurjacy pod wodu chětro daloko hladać. Hórčan Rüdiger Žur poskića ze swojej nurjenskej šulu „Wódny muž“ zajimcam tež kursy nurjenja. Tež wón chwali sej čistu wodu Hórčanskeje skały. Samo handy, kotryž bě raz do njeje padnył, su při nurjenju zaso namakali. Dobra adresa to tuž wšěm, kiž so za nurjenje horja. Foto: SN/Maćij Bulank

Zhromadny trening přewjedli

Dienstag, 23. Juli 2019 geschrieben von:
Tež mjetarjo LHV Wojerecy su do přihotow na nowu hrajnu dobu startowali a we wobłuku tutych přećiwo koparjam ST Ćisk kopańcu hrali. Mjetarjo drje njeruny duel z 2:9 přěhrachu, dóstachu pak móžnosć wróćohry. Potom pak hraja w zymskej přestawce w hali mjetańcu. Foto: Werner Müller

Mustwo „Mumpic“ so přesadźiło

Dienstag, 23. Juli 2019 geschrieben von:
Kaž kóždu póndźelu w lětnich prózdninach hraješe so tež wčera wječor bičwolejbul. Tutón tydźeń w Pančicach-Kukowje. Na derje wopytanym turněrje wubědźowachu so na dwěmaj hrajnišćomaj 21 mustwow. Turněr Radija Satkula rozsudźi mustwo „Mumpic“ za sebje. Přichodnu póndźelu pozastanu młodźi redaktorojo w Kulowskej lěsnej kupjeli. Foto: Darius Budar

Wuslědki (23.07.19)

Dienstag, 23. Juli 2019 geschrieben von:

Tabulki dorosta Zapadołužiskeho koparskeho zwjazka (WFV)

młodźina E, wokrjesna liga, stafla 3

1. FSV Bretnig-Hauswalde 9 58 : 20 24

2. SC Großröhrsdorf II 9 46 : 22 21

3. Biskopičanske KT 08 II 9 44 : 26 21

4. ST Porchow E1 9 61 : 33 18

5. Bretnig-Hauswalde II 9 38 : 35 15

6. HZ Frankenthal/Postup Großharthau/

ST Seeligstadt 9 35 : 42 12

7. Arnsdorfske KT  9 12 : 22 10

8. Arnsdorfske KT II  9 24 : 50 6

9. ST Demicy-Thumicy 9 15 : 63 4

10. ST Porchow E2 9 25 : 45 2

młodźina E, wokrjesna liga, stafla 4

1. SC 1911 Großröhrsdorf 10 108 : 23 24

2. ST Haselbachtal 10 69 : 19 24

3. Liegau-Augustusbad II 10 60 : 23 23

4.  HZ Liegau-Augustusbad III/

Jednota Radeberg 10 69 : 40 22

5. ST Lomnitz 10 48 : 24 22

6. SZ Großnaundorf 10 33 : 51 12

7. Hermsdorfske ST 10 39 : 38 11

8. TSV Wachau II 10 30 : 64 9

9. TSV Wachau 10 30 : 70 9

10. Ottendorf-Okrilla 05 II 10 29 : 65 3

11. Zeleno-běli Sepicy 10 24 : 122 3

Trofeja steji nětko na lěto w Delanach

Montag, 22. Juli 2019 geschrieben von:

W Njebjelčicach turněr ze štyrjomi serbskimi cyłkami wuhrali

SJ Njebjelčicy: Hahn, Matješk – Kral, Šołta, Haška, Hanuza, F. Domš, Plaettner, Korjeńk, Čornak, Mikławšk, Hrjehor, Göding, Ričel, O. Domš

ST Marijina Hwězda: Hejduška, Matik – Ch. Cyž, Selnak, Melnyk, R. Hawš, Šołta, Rab, Eldor, Pakoßnick, Wróbl, Pjetaš, Langer, Bělk, Šmidt, R. Cyž, Pešmann, O. Hawš, Čornak

SJ Chrósćicy: M. Cyž – Zahrodnik, Mark, Zynda, F. Cyž, Runt, B. Cyž, G. Zahrodnik, Špitank, Bogusz, Sentivan, Matješk, Henzl, Bina, M. Zahrodnik, Püschel

Sokoł Ralbicy/Hórki: Schöne – Lešawa, M. Matka, Janca, Kř. Matka, Šewc, Domaška, Wałda, Šołta, Bejmak, Wowčerk, Korjeńk,­ Rawš, Šiman, Kurjat, Kobalc, Budar

Ralbicy-Hórki supercup dobyli

Montag, 22. Juli 2019 geschrieben von:
Prěnje koparske mustwo Sokoła Ralbicy/Hórki – tule ze Stanijom Šewcom (nalěwo) w scenje z hry přećiwo ST Marijina hwězda – je wčera wječor w Njebjelčicach 3. serbski supercup dobyło. Koparjo z Delan přesadźichu so w finalu přećiwo prěnjemu mustwu Sportoweje jednotki Njebjelčicy z 2:0. Małe finale doby cyłk Sportoweje jednotki­ Chrósćicy – tohorunja z 2:0 – přećiwo koparjam Sportoweho towarstwa Marijineje hwězdy z Pančic-Kukowa. Wčerawše štyri duele w Njebjelčanskim sportowym­ arealu je něhdźe 400 přihladowarjow widźało. Wjace wo 3. serbskim supercupje­ čitajće we wobłuku sportoweho rozprawnistwa našeho wječornika na 3. stronje. Foto: Jörg Stephan

Awtor dźensa Tomaš Faska

Awto je za toho abo tamneho cyle prosće wobchadny srědk, z kotrymž přińdźeš poměrnje jednorje wot A do B. Mnohim pak je awto tež wosebity objekt, za kotryž so hori. Hač wosebje wupikany outfit abo wurjadna wukonliwosć motora, hač rafinowana elektronika abo njewšědny komfort wo­zy­dła – wšo to a wjace zbudźa mjez přećelemi awtomobila zajim a zahoritosć. A nochcu zaprěć, zo słušam tež hižo wot časa, w kotrymž započach so z awtami zaběrać, k lubowarjam dwu- a štyrikolesatych mašinow a korejtow.

Připad chce, zo směm so w tutej prawidłownej kolumnje runje dźensa jubilejej wěnować, z tutym metjejom wusko zwjazanym. Awtomobilowy sport zhladuje dźensa mjenujcy na 125. róčnicu wobstaća. Za tym chowa so historiski podawk 22. julija 1894 w Francoskej.

Na wonym dnju přewjedźechu prěnje awtomobilowe wujězdźowanje w sta­wi­znach čłowjestwa, a to wot Parisa do Rouena. Pariski žurnalist Pierre Giffard bě, z pomocu nowiny Le Petit Journal, tele­ premjerne wurisanje awtomobilow do žiwjenja zwołał.

Wuslědki (22.07.19)

Montag, 22. Juli 2019 geschrieben von:

Tabulki dorosta Zapadołužiskeho koparskeho zwjazka (WFV)

młodźina E, wokrjesna wyša liga

1. FSV Budissa Budyšin 16 123 : 34 45

2. Jednota Kamjenc  16 116 : 36 39

3. ST Kinspork/Łužnica 16 66 : 75 30

4. TSV Połčnica 1920  16 79 : 54 25

5. ST Liegau-Augustusbad 16 73 : 48 25

6. Módro-běli Kulow 16 69 : 65 21

7. FV Ottendorf-Okrilla 16 55 : 73 15

8. Biskopičanske KT 16 42 : 105 10

9. Wojerowski FC  16 23 : 156 4

młodźina E, wokrjesna liga, stafla 1

1. ST Hnašecy-Dobruša II 10 105 : 13 30

2. HZ Traktor Malešecy/

Budissa 08 Budyšink 10 81 : 15 27

3. ST 1922 Radwor 10 88 : 34 24

4. Budissa Budyšin III 10 49 : 34 16

5. Módro-běli Minakał 10 34 : 65 15

6. HZ Bukecy/Kubšicy 10 36 : 54 12

7. ST Wulka Dubrawa  10 28 : 47 11

8. HZ Rakečanske KT II/

Módro-b. Njeswačidło  10 24 : 71 10

9. ST Bart 10 28 : 54 9

10. ST Hodźij 10 32 : 55 5

11. Wóspork/Hrodźišćo 10 12 : 75 3

młodźina E, wokrjesna liga, stafla 2

1. Horni kraj Sprjewja E1 10 110 : 18 30

2. TSV 1859 Wjernarjecy 10 106 : 14 27

3. ST Hnašecy-Dobruša 10 98 : 29 24

4. ST Huska 10 49 : 33 18

5. Póst Germ. Budyšin 10 47 : 41 18

6. FSV Budissa Budyšin II 10 52 : 64 15

7. TSV 90 Wjazońca 10 51 : 80 12

8. Motor Kumwałd 10 41 : 51 9

9. TSV Wjernarjecy II 10 36 : 58 9

Sport (19.07.19)

Freitag, 19. Juli 2019 geschrieben von:

Njedźelu na serbski supercup

Sportowa jednotka Njebjelčicy budźe njedźelu hosćićel 3. serbskeho supercupa – turněra ze štyrjomi serbskimi koparskimi mustwami. W 14.30 hodź. hraja w prěnim połfinalu ST Marijina hwězda – Sokoł Ralbicy/Hórki a wot 15.25 hodź. SJ Chrósćicy – SJ Njebjelčicy. Hra wo třeće městno započnje so něhdźe w 16.25 hodź., finale budźe wokoło 17.25 hodź. Kóždy duel je na 45 mjeńšinow postajeny.

Satkula póndźelu w Pančicach

Bičwolejbulowa tura Radija Satkula wuhraje póndźelu w Pančicach-Kukowje swój štwórty turněr. Cyłki zetkaja so w 17.45 hodź. a hraja wot 18 hodź. Dalše terminy: 29.7. Kulow, 5.8. Worklecy, 12.8. Konjecy a 19.8. Budyšin. Wulke fi­nale budźe 26.8. w Miłoćicach.

1. sakske e-sport mišterstwa

Anzeige