Koparska młodźina A ze sakskeje stolicy koło dale
FSV Budissa Budyšin A
– SC Borea Drježdźany A 2:4 (2:2)
Zestawa domjacych: Köhler – Haji (75. Pabst), Schröder, Günther, Hantschke (46. Mann), Hanisch, Ričel, Lehmann (85. Gerhardi), Hentsch, Schneider, Küster (75. Noack)
zestawa hosći: Pinkert – Schwalm, Frenzel, Jeong (80. Coulibaly), Bayer, Brühl (78. Seyfert), Frenzel, Orosz (46. Mukthar), Bruck, Bellair (46. Vogel), Harbaum
Tydźenja stej młodźinje A Budissy Budyšin a SC Boreje Drježdźany štwórćfinalnu hru w krajnym pokalnym kole přewjedłoj. Do Budyskeho Humboldtoweho haja přichwata něhdźe 65 přihladowarjow, štož bě tójšto za špatne wjedro.
W prěnim połčasu mějachu hosćo ze sakskeje stolicy wjace hrajnych podźělow. Jim pak so njeporadźi bul w přećiwniskich wrotach zaměstnić. Tak su domjacy wot 26. min. přez wrota Lukasa Hanischa nawjedowali. Šěsć mjeńšin pozdźišo zwyši Mohammed Haji samo na 2:0 (32.). Hrajerjo Boreje Drježdźany pak so wot zastatka wulce wobwliwować njedachu. W 42. min. woni přez wrota Antonija Frenzela a Junho Jeonga w 45. min. wurunachu.
Tři sadźby hosćićelkam za dobyće a tři dypki dosahali
VV Žitawa II – HZ Pančicy-Worklecy II 3:0 (25:21, 25:19, 25:22)
Na zašłym hrajnym dnju běchu sej wolejbulistki druheho zastupnistwa Hrajneho zjednoćenstwa Pančicy-Worklecy do Žitawy dojěli, hdźež nastupichu přećiwo načolnikej tabulki. Hižo w prěnim kole loni w oktobrje podležachu jemu Pančičanki-Worklečanki doma 0:3. Žitawčanki hrajachu w prěnjej partiji dnja na holcy Nysa Wolejs, poslednje tabulki. A spěšnje – hrajny čas traješe jeničce 37 mjeńšin – zawěsćichu sej jasne tři dypki.
W druhej hrě běchu potajkim hwězdźički-micki na rjedźe. Žitawčanki započachu runje tak měrnje kaž w prěnjej hrě. To bě za hóstne hrajerki najprjedy raz z lěpšinu, tak zo z předskokom startowachu. Poněčim pak přećiwnik swój niwow přiměri, wuruna a přewza nawjedowanje. Pančičanki-Worklečanki pak nochcychu sej to lubić dać a wuspěšnje konterowachu. Ze sylnymi nadběhami zamóchu samo dalši raz nawjedować. Domjace wědźachu so wobarać a dobychu prěnju sadźbu z 25:21.
Dypk k zazběhej druheje koparskeje połserije
ST Porchow
– Sokoł Ralbicy/Hórki 1:1 (1:1)
Zestawa hosći: Ch. Gloxyn – M. Matka, Šewc, Bogusz, K. Matka (70. Lešawa), M. Kurjat (86. Nuk), D. Gloxyn, G. Kurjat, Wałda, Bejma, Domaška
Koparjo Sokoła Ralbicy/Hórki bědźa so tučasnje z wjele zranjenjemi a trenar Chrystof Gloxyn běše nuzowany mustwo zaso přestajić. W Porchowje bě šeftrenar sam potrjecheny, dokelž dyrbješe wrotarja Willyja Schönu zastupować.
Wuslědki (03.03.20)
Kopańca, wokrjesna wyša liga
Hnašecy-Dobruša – Horni kraj 2:2 (2:2)
Kinspork/Łužnica – Kumwałd 3:1 (2:1)
Germ. Budyšin – Großnaundorf 1:3 (0:0)
Hory – Wachau 1:0 (1:0)
Marijina hwězda – Kulow 0:3 (0:0)
Němske Pazlicy – Ramnow wupad
1. Drohotka Ramnow 16 44 : 25 38
2. Póst Germ. Budyšin 16 44 : 24 36
3. Módro-běli Kulow 17 36 : 21 35
4. LSV Hory 17 40 : 26 35
5. ST Horni kraj-Sprjewja 16 44 : 25 30
6. Sokoł Ralbicy/Hórki 16 30 : 31 24
7. ST Hnašecy-Dobruša 17 33 : 35 24
8. TSV Wachau 17 36 : 34 21
9. SG Großnaundorf 16 30 : 32 20
10. Wojerowski FC 16 42 : 38 18
11. ST Kinspork/Łužnica 17 22 : 26 18
12. TSV Połčnica 16 30 : 48 17
13. ST Marijina hwězda 16 27 : 40 15
14. Motor Kumwałd 17 37 : 48 13
15. Natwar Něm. Pazlicy 15 21 : 32 13
16. ST Porchow 17 17 : 48 11
Wolejbulowa tabulka žonow wobwodneje klasy wuchodneje Sakskeje
1. VV Žitawa 09 II 10 30 : 5 28
2. Schönbachske VV 11 28 : 13 25
3. VV Žitawa 09 III 12 30 : 14 25
4. Módro-běłe Wojerecy II 10 17 : 16 16
5. HZ Pančicy-Worklecy II 10 16 : 17 14
6. MSV Budyšin 04 III 9 13 : 15 12
7. Viktoria Worklecy 11 3 : 30 3
8. Nysa Wolejs II 11 0 : 33 0
Z Abtom dotal hišće njedobyli
VfB Auerbach 06
– FC Energija Choćebuz 3:2 (1:1)
Zestawa hosći: Stahl – Fl. Brügmann, Müller, Koch, Borgmann, Eisenhuth (72. Pelivan), Erlbeck, Rangelow, Taz (65. Gladrow), Broschinski, Fe. Brügmann (87. Yıldırım)
Dorostowa wubranka zahoriła
Hižo dołho přihotujetej so Serbskej koparskej wubrance zhromadnje ze Serbskimi balokoparjemi a koparkami na lětušu europeadu. Europske koparske mišterstwa awtochtonych narodnych mjeńšin wotměja so štwórty raz, lětsa nětko pola Korutanskich Słowjencow w Awstriskej.
Słabši cyłk testowe zetkanje jasnje dobył
HZ Mały Wosyk II/ST Marijina hwězda II – SK Mały Wosyk 6:2 (1:1)
Za HZ SK Mały Wosyk II/ST Marijina hwězda II zasadźeni hrajerjo: P. Cyž – Jehnichen, Fe. Langer, K. Pakoßnick, Hoga, Fa. Langer, L. Langer, Čornak, Melnyk, Ladewig, O. Schmidt, Wjeńka, Qviria
Na Pančičanskim twjerdym hrajnišću zetkaštej so zašły tydźeń Hrajne zjednoćenstwo SK Mały Wosyk II/ST Marijina hwězda II a prěnje mustwo z Małeho Wosyka k treningowej partiji. Po sylnym dešću běše kopanišćo jara přemokane, štož za hraće optimalne njebě, bój wo nimale kóždy bul pak běše ćim wjetši. Justin Ladewig trjechi k 1:0 za domjacych (11.). Njetraješe pak dołho a hosćo wurunachu (14.). Dalše móžnosće w prěnjej połojcy pak na woběmaj stronomaj njewužichu. Tak dźěše z 1:1 do přestawki.
Widźał, słyšał, napisał (02.03.20)
Na sportowym dnjowym porjedźe steji tučasnje jenož jedna wulka tema, a to wótra šćuwańca přećiwo Dietmarej Hoppej z Hoffenheima. Štož je so sobotu w Hoffenheimje stało, je nowum. Mała horstka tak mjenowanych fanow by nimale docpěła, zo su hru dočasnje skónčili. Dobry a rozhladniwy sudnik Dingert, hrajerjo wobeju mustwow a wšitcy zamołwići pak wědźachu prawu wotmołwu. Poslednje štwórć hodźiny partije koparjo dohrachu, bjeztoho zo bychu nadběhowali. Sylne to znamjo na trawniku a dobry to protest přećiwo tajkim hłupakam. W dalšej hrě mjez Borussiju Dortmund a SC Freiburgom pokazachu domjacy wospjet skandalozny plakat. A wčera bě wukónc nimale samsny kaž w Hoffenheimje, tónkróć mjez Union Berlinom a Wolfsburgom. Sudnik dyrbješe tež tu hru dwójce přetorhnyć. Prašenje je, kak póńdźe docyła dale abo kak wupada přichodny schodźenk namocy. Němski koparski zwjazk (DFB) je wužadany a dyrbi skónčnje rigoroznje zapřimnyć. Wčera běch w Drježdźanach jako pobóčny sudnik zasadźeny. Tam dožiwich premjeru, bohužel tohorunja negatiwnu.
Sport (28.02.20)
Blidotenisowe hry
Blidotenisća DJK Konjecy nastupja dźensa w 19 hodź. doma přećiwo Lokomotiwje z Kamjenca, a Radworska blidotenisowa šestka wočakuje póndźelu, 2. měrca, w 19.30 hodź. druhe zastupnistwo Módro-běłych z Njeswačidła.
05.03. 19:30 TV GW Bühlau –
DJK Konjecy
07.03. 14:00 Viktoria Worklecy –
ST Horken Ketlicy
Kónctydźenski wolejbul
Prěnje mustwo wolejbulistow Viktorije Worklecy hraje jutře dwójce doma, a to najprjedy přećiwo třećemu wobwodneje ligi a po tym přećiwo sedmemu. Wšitke tři žonjace mustwa nastupja wonka, a to w Žitawje a Lubiju.
29.02. 14:00 Viktoria Worklecy –
Kupoj Nowa Łuka
29.02. 16:00 Viktoria Worklecy –
TSV Niederoderwitz
29.02. 14:00 VV Žitawa 09 III –
Viktoria Worklecy (žony)
29.02. 14:00 VV Žitawa 09 II –
HZ Pančicy-Workl. II (ž)
29.02. 14:00 OSC Lubij –
HZ Pančicy-Worklecy (ž)
Kónctydźenska kopańca
29.02. 14:00 Motor Wilsdruff –
Budissa Budyšin
29.02. 14:00 Módro-běli Lipsk –
Jednota Kamjenc
01.03. 14:00 ST Marijina hwězda –
Módro-běli Kulow
01.03. 14:00 ST Porchow –
Sokoł Ralbicy/Hórki
01.03. 11:00 HZ Rakecy II / Šćeńca –
SJ Chrósćicy II
01.03. 14:00 SJ Njebjelčicy –
Traktor Malešecy
01.03. 14:00 SV Haselbachtal –
ST Radwor
Wobornicy při wysokim saku
Hotuja so na Galand-cup
Serbska koparska wubranka młodźiny D přihotuje so tučasnje na swoju premjeru na halowym koparskim turněrje. Budźe to prěni raz, zo so serbske dorostowe mustwo na tajkim wubědźowanju wobdźěli. Galand-cup wotměje so jutře, pjatk, w sportowni při Kamjenskim lětanišću. Wuhotowar turněra Jednota Kamjenc přewjedźe přez cyły kónc tydźenja dorostowe koparske turněry wot młodźiny F hač k młodźinje A.
Wužadanje za serbski cyłk je wulke, wšako stejitej na wobdźělenskej lisćinje mjez druhim tež mjena mustwow z Biskopic a Drježdźan. Niwow njeda so dokładnje zarjadować a posudźować. Hižo na prěnim treningu dźens tydźenja pak so pokaza, zo su mjez Serbami koparske talenty. Wšitcy běchu z wjeselom, wulkim zasadźenjom a koncentraciju při wěcy. Nimo kopańcy pak je čiła zhromadnosć mjez dźěćimi runje tak wažna. W srjedźišću prěnjeho zetkanja stejachu hrajne formy, technika a wšelakore hry z bulom, zo bychu so wšitcy derje zeznajomili.
