Doma znowa přesłapili

Montag, 09. Dezember 2019
Artikel bewerten
(0 Stimmen)
Foul Filipa Šimana (srjedźa, Ralbicy) wjedźeše k žołto-čerwjenej karće za Nowowješćana a k tomu, zo dyrbjachu sokołscy koparjo poł hodźi ny z mužom mjenje hrać.  Foto: Konstantin Hrjehor Foul Filipa Šimana (srjedźa, Ralbicy) wjedźeše k žołto-čerwjenej karće za Nowowješćana a k tomu, zo dyrbjachu sokołscy koparjo poł hodźi ny z mužom mjenje hrać. Foto: Konstantin Hrjehor

Sokoł Ralbicy/Hórki – ST Kinspork/Łužnica 0:3 (0:1)

Zestawa domjacych: Schöne – Matka (65. Budar), Schultz, Šewc, Lešawa, Materna (70. Kobalc), Rawš, Šiman, Janca (82. Ćěsla), Domaška, Kurjat

Přiwisk koparjow Sokoła Ralbicy/Hórki njeměješe w prěnjej połseriji lětsa w domjacym stadionje telko wjesela kaž minjene lěta. K wjacorym poražkam je wčera dalša k tomu přišła, a to přećiwo mustwu z pincy tabulki. Kontrahent z Kinsporka/Łužnicy njebě hrajersce lěpši hač hosćićel, dwuboje pak je nimale přeco dobył. Tak je Sokołow tež zasłužbnje porazył. Přiznać wšak dyrbju, zo pobrachowachu trenarjej Chrystofej Glo­xynej tónkróć jara wažni hrajerjo. Bosćij Bjeńš, Michał Matka, Denny Gloxyn, Aleksander Wałda a Gabriel Kurjat njemóžachu runje tak sobu skutkować kaž hižo dlěši čas zranjenaj Křesćan Bejmak a Fabian Korjeńk. Hdyž woni faluja, so to wězo na kwalitu koparskeho cyłka wuskutkuje, kaž bě tež wčera pytnyć.

Hra před něhdźe 40 přihladowarjemi bě wot spočatka jara bojowniska z jenož mało wjerškami. Wobě mustwje stej w defensiwje poměrnje derje stałoj. Poslednja strašna třělwa pak njebu ženje prawje hrata, a tak dyrbjachu standardy k šansam dopomhać. Sokoljo kaž tež hosćo­ pak je njewužiwachu, čehoždla so wšitcy hižo z połčasowym remisom wotnamakachu. Po njetrjebawšim foulu Křesćana Matki w srjedźnym polu hosćo bul wysoko do šěsnatki flankowachu. Ral­bičenjo pak njezamóchu so tak prawje wuswobodźić. A tak bě kulowata koža runu smuhu wróćo w šěsnatce, zwotkelž hrajer z Kinsporka samlutki a bjez ćežow do dołheho kuta k 0:1 přetwori.

Po połčasu tłóčachu domjacy na wurunanje, dožiwichu pak šěsć mjeńšin po znowazahwizdanju dalši šok. Młody Filip Šiman zhubi bul w srjedźnym polu. Přećiwnik na to bjez wulkich ćežow na wro­ta Willija Schöne běžeše, bjeztoho zo jeho něchtó chutnje myleše. Tak namaka Kinsporčan do haski běžaceho sobu­hrajerja, kiž na 0:2 zwyši. Wot toho časa za Sokoł scyła ničo wjace njeběžeše, tež dokelž dyrbješe poslednje poł hodźiny z mužom mjenje hrać. Šiman dósta po foulu w srjedźnym polu žołto-čerwjenu kartu. Třeće wrota dnja běchu w 70. min. najrjeńše, jako srjedźopólny hrajer z 20 metrow sokołskeho wrotarja přewiny. Delanscy bulkoparjo móhli wuslědk hišće złahodnić, Syman Ćěsla z Pěskec pak trjechi z pjeć metrow jeničce žerdź. Jako sudnik partiju wothwizda, běchu Sokoljo kaž tež jich fanojo zawěsće wjeseli, zo je skónčnje zymska přestawka.

Na fulminantny start do sezony krótko do hód ničo wjac njedopomina. Na­dźi­­jamy so, zo so zranjeni koparjo po pře­stawce zaso strowi nawróća a tučasni strowi nowe mocy čerpaja, wšako při­jě­dźe póstnisku njedźelu kontrahent z Pan­­čic-Kukowa na serbski derby k za­zběhej druheje połserije. Jurij Bjeńš

Veröffentlicht in Sport
Bitte anmelden, um einen Kommentar zu posten

Anzeige