Po remisu na 8. městno zjěli

Montag, 19. Oktober 2020 geschrieben von:

Hertha BSC II

– FC Energija Choćebuz 0:0

Zestawa hosći: Stahl – Pelivan, Rahn, Koch, Jarosch, Eisenhuth, Hoffmann, Erlbeck, Hoppe, Gladrow (77. Postelt), Brügmann

Wobkedźbowarjo su to hižo zwěsćili a potrjechenych to boli: Po słabym mocyměrjenju bjez wrotow je wotstawk k načolnikej Viktoriji Berlin na 16 dypkow rozrostł. Jenož z wobhonjenym ški­tom­ pokaza so trenar Dirk Lottner w Berlinje-Charlottenburgu spokojom. Z tym wostanje Lottner pola swojeho noweho zjednoćenstwa dale bjez poražki.

Wukon w nadběhu pak so docyła za polěpšenje tabulkoweje situacije njehodźeše. Tak suny so FC Energija po dźělenju dypkow, kotremuž móhł po róžku jenož Matthias Rahn w 82. min. ze sylnym hłójčkowanym bulom zadźěwać, w tabulce ze šesteho městna a z tym tež doskónčnje z kruha požadarjow wo postup do třećeje ligi. Georg Zielonkowski

Wuspěšne treningowe lěhwo

Montag, 19. Oktober 2020 geschrieben von:

Po třoch hrajnych dnjach za sobu přebywachu wolejbulisća Vikto­rije Worklecy na druhim kóncu tydźe­nja we winowcu w rudnohórskim sportowym centrumje Rabenberg, hdźež mějachu naj­lěpše treningowe wuměnjenja. Tež zhromadnosć a bjesada běštej wažny wobstatk kónca tydźenja.

Z lochkim treningom a zwučowanjemi hrajnych situacijow startowachu Worklečenjo hižo pjatk wječor. Sobotu stejachu tři zwučowanske jednotki na programje. Ćežišćo ležeše na nadaćach a přiwzaćach. Runje w tym wobłuku zhubichu wolejbulisća Viktorije Worklecy w zašłosći tójšto dypkow. Běchu to jara napinace zwučowanja. Dalši akcent bě blokowe dźěło polěpšić. Po wječeri a dalšej treningowej jednotce wjeselachu so wšitcy na mustwowe piwko a mjechke łožo. Njedźelu po snědani čakaše hišće testowa hra na nich. Rezerwa Sportoweho zjednoćenstwa Kamjenica/Harthau bě jim witany přećiwnik. W rjadach Viktorije drje wjele eksperimentowachu, přiwšěm so jasnje přesadźichu. Po wobjedźe so spokojom na dompuć nastajichu.

To bě horco-zymna kupjel začućow

Montag, 19. Oktober 2020 geschrieben von:

FC Energija Choćebuz

– BFC Dynamo 3:2 (0:1)

Zestawa domjacych: Stahl – Pelivan (87. Jarosch), Rahn, Koch, Fl. Brügmann (46. Gladrow), Kujović, Eisenhuth, Kremer (90+1. N. Geisler), Hoppe, Fe. Brügmann (90+1 Storb), Postelt (70. F. Geisler)

Po zastatku 0:2 su koparjo FC Energije Choćebuz pozdźišo hišće raz mócnje wotwjertnyli. Mjeńšiny po přestawce bě­chu­ mjenujcy hižo z 0:2 na puću přě­hračka. Z njewšědnym wukonom, kotremuž je hišće žołto-čer­wje­na karta třělca BFC wrotow Andora Bolykija (60.) polěkowała, pak Choćebuženjo wojowachu a přizemichu z dobyćom na 6. městnje tabulki. Wrota třělichu Andor Bolyki (10., BFC), Alexander Siebeck (49. BFC), Tobias Eisenhuth (64., FCE), Felix Brügmann (70., FCE) a Dominik Pelivan (76., FCE).

Trenar FC Energije Choćebuz Dirk Lottner dyrbješe so tónraz stajneju hrajerjow Niklasa Erl­becka a Axela Borgmann wzdać. A k tomu wupadny w běhu hry tež hišće Florian Brügmann, kiž bě so na noze zranił. Georg Zielonkowski

Awtor dźensa Toni Ryćer

Zaměr kóždeho sportowca je, najlěpše rezultaty docpěć, wubědźowanja wuspěšnje wotzamknyć, najlěpje z dobyćom. A kóždy soni tež jónu wo swětowym rekordźe. Ale to zešlachći so jenož­ wubranym atletam. Njezaleži jenož­ na wurjadnym wukonje sportowca. Tež druhe wuměnjenja su wažne, kotrež jednotliwc hustodosć wobwliwować njemóže. Myslu na přikład na wjedro abo, a to je zwjetša rozsudne, wu­konitosć sportoweho nastroja. W motorsporće je to nimoměry wažny aspekt we wubědźo­wanju wo prěnje městna.

Tež Michael Schumacher njeby swoje dobyća w formuli 1 w tej měrje docpěł, njeby-li w rozsudnych wokomikach najlěpši material měł. Nochcu pak jeho wukony jenož na techniku wobmjezować. Wón bě jónkrótny sportowc, njesměrny pilny dźěłaćer na sebi a na materialu, česćelakomny a zdobom wobdarjeny. Sym jeho přeco jara wobdźiwał, byrnjež ženje přewulki fan Schumachera njebył. Jeho rekor­dy, mjez druhim sydom swětowych mišterstwow a 91 dobyćow w kralowskej disciplinje, su po měnjenju wjacorych ekspertow za wěčnosć.

Wuslědki (19.10.20)

Montag, 19. Oktober 2020 geschrieben von:

Kopańca, regionalna liga muži

Lok Lipsk – Borussia Berlin 4:0 (2:0)

Auerbach – Chemija Lipsk 0:2 (0:1)

Luckenwalde – Biskopičanske KT 2:0 (1:0)

Jena – Kamjeničanski FC 2:1 (0:1)

1. Viktoria Berlin 10 23 : 9 30

2. VSG Altglienicke 9 24 : 10 22

3. FC Carl Zeiss Jena 9 18 : 8 18

4. BSG Chemija Lipsk 10 17 : 9 18

5. Lok Lipsk 10 17 : 14 16

6. Union Fürstenwalde 10 22 : 20 15

7. BFC Dynamo 9 22 : 16 14

8. FC Energija Choćebuz 10 15 : 14 14

9. Berlinski AK 10 20 : 21 14

10. SV Babelsberg 10 13 : 15 13

11. Hertha BSC II 10 11 : 14 13

12. FSV 63 Luckenwalde 10 12 : 17 13

13. SV Lichtenberg 47 10 11 : 14 12

14. Kamjeničanski FC 10 14 : 15 11

15. VfB Auerbach 10 17 : 22 10

16. Tennis Borussia Berlin 10 15 : 20 9

17. ZFC Meuselwitz 10 13 : 20 9

18. Biskopičanske KT 9 11 : 20 7

19. Optik Rathenow 10 11 : 21 7

20. Germania Halberstadt 10 7 : 14 6

Sport (16.10.20)

Freitag, 16. Oktober 2020 geschrieben von:

Kónctydźenska kopańca

Koparjo prěnjeho mustwa Njebjelčanskeje SJ njesmědźa jutře pola HZ Wóslinka/Skaskowa/Kulowa II nastupić, dokelž su hrajerjo poprawneho hosćićela w karantenje. Za to smě ST Marijina hwězda zaso hrać. Za nju je karantena zakónčena.

16.10. 19:00 FV Přezjednota Niska –

  Jednota Kamjenc

17.10. 14:00 VfB Žitawa –

  Rakečanske ST

17.10. 15:00 SV Wesenitzal –

  SJ Chrósćicy

17.10. 15:00 Motor Kumwałd –

  Sokoł Ralbicy/Hórki

17.10. 15:00 Wojerowski FC –

  Módro-běli Kulow

17.10. 15:00 Wóspork/Hrodźišćo –

  SJ Njebjelčicy II

18.10. 14:00 ST Marijina hwězda –

  Biskopičanske KT II

18.10. 15:00 ST Radwor – Rakecy II

18.10. 15:00 ST Hlinowc –

  SJ Chrósćicy II

18.10. 15:00 Drježdźany-Laubegast –

  Budissa Budyšin

Dorostowy turněr

Prěni raz přewjedu jutře we Wojerecach wot 9 do 14 hodź. prěni dorostowy ko­parski turněr Wojerowskeho FC wo pokal ­wyšeho měšćanosty, a to w Friedricha Ludwiga Jahnowym stadionje. Nimo toho poskića tam cyły dźeń zaběru za dźěći.

Časopis sej skazać

FC Energija Choćebuz ma třoch nowačkow

Donnerstag, 15. Oktober 2020 geschrieben von:

Na polu personalneje politiki je FC Energija hišće raz pilna była a hnydom třoch koparjow angažowała. Za nich njetrjebaja Łužičenjo ničo płaćić.

Jonas Hofmann (23 lět) přińdźe wot druheho mustwa FC Schalke 04 do Choćebuza. Swoje kwality jako ofensiwny srjedźnopólny hrajer je hižo w třećej lize a w regionalnymaj ligomaj Bayerska a Za­pad dopokazał. Rodźeny Bambergčan je wjacore lěta w dorostowym centrumje kluba 1. FC Nürnberg hrał. Nazho­njenja w třećej lize zběraše 1,74 metrow wulki hrajer pola Sportowych přećelow Lotte, za kotrychž bě 30 razow­ zasadźeny. Po tym je za rezerwu FC Schalke 04 za bulom honił. Jónu bě w zwjazkowej lize zasa­dźeny a hra­ješe někotre mjeńšiny přećiwo Bayer 04 Leverkusenej.

Tež Serb we wubrance Ü 70 hrał

Donnerstag, 15. Oktober 2020 geschrieben von:
Beno Domaška z Hórkow (klečo druhi wotprawa), kopar Zeleno-běłych Hórki, bě na krajnych koparskich mišterstwach starobneje klasy nad 70 lětami w Gröditzu jenički Serb we wubrance Zapadołužiskeho koparskeho zwjazka (WFV). Wobdźěliło bě so cyłkownje dźesać mustwow, mjez nimi běštej tež zastupnistwje z Berlina a Braniborskeje. Wubranka WFV wobsadźi štwórte městno. Na wobrazu widźimy Bena Domašku a jeho domjacy cyłk Zeleno-běłych Hórki, kotryž bě w awgusće na Ü 50-turněrje w Kamjencu wobdźěleny. Zady wotlěwa su to Ronald Schlosser, Stefan Wornar, Klemens­ Bětka, Guido Zahrodnik a trenar Mikławš Dyrlich; prědku wotlěwa Handrij Bjedrich, René Čornak, Beno Domaška a Měrćin Mark. Foto: Konstantin Hrjehor

Skónčnje zaso raz dobyli

Mittwoch, 14. Oktober 2020 geschrieben von:

SJ Njebjelčicy

– HZ Lubuš/Bluń 2:0 (1:0)

Zestawa domjacych: Matješk – Kral, Hanu­za, Šołta, Hoelzel, Haška, Čornak (53. Plaettner), Fl. Domš, Pawlik, Korjeńk (85. Lejnart), O. Domš

Wulke wočakowanja na domjace dobyće su so koparjam Njebjelčanskeje SJ předwčerawšim skónčnje spjelnili. Je to zdobom dotal jenički třidypkowy wuspěch w lěće 2020. Koronapandemije dla su woni doma hakle tři partije wotměli.

Energija so skrótka stróžiła

Mittwoch, 14. Oktober 2020 geschrieben von:

VfB Kśišow

– FC Energija Choćebuz 2:3 (1:1)

Zestawa domjacych: Drangosch – Jesch­ke, Knechtel, Taak, Felgenträger, Hebler, Zurawsky, Lopes (81. Pauling), Dahm (81. Dahm), Gerstmann, Pahlow

zestawa hosći: Stawecki – Pelivan, Jarosch, Storb, Hoppe, Gladrow (85. Ku­jovic), Eisenhuth, Hofmann, F. Geisler (88. N. Geis­ler), Brügmann, Crnički (78. Postelt)

Z napjatosću wočakowany derby we wosmifinalu krajneho pokalneho koła Braniborskeje w jenož 15 km zdalenym Kśišowje mjez tamnišim mustwom a FC Energiju je to spjelnił, štož bě na papjerje přilubił. Hižo tohodla, dokelž wyši ligist swojich hosći skrótka z 1:0 (14.) šokowaše. Choćebuženjo pak namakachu spěšnje swoju liniju, a Felix Geisler wuruna (22.). Energija wotnětka domino­waše. Škit VfB pak bě najprjedy raz njepřewinjomny. Tak dyrbješe pokutny kop pomhać. Mario Crnički bu do jědnatki, kotruž Felix Brügmann přetwori (52.), w šěsnatce połoženy. Nowopřichad Crnički třěli pozdźišo sam 3:1 (75.) a sta so hnydom z „mužom dnja“. Georg Zielonkowski

Anzeige