Najebać mnohe móžnosće jenož njerozsudny wuslědk docpěli
ST Marijina hwězda
– ST Porchow 2:2 (1:0)
Zestawa domjacych: Matik – Wróbl, Rab, Bělk, R. Cyž, Pjetaš, Ch. Cyž, Jurš, Hawš, Šołta, Pakoßnick
Radworčenjo wyskali
Rakečenjo z dobrej mjezybilancu
Doma znowa přesłapili
Sokoł Ralbicy/Hórki – ST Kinspork/Łužnica 0:3 (0:1)
Zestawa domjacych: Schöne – Matka (65. Budar), Schultz, Šewc, Lešawa, Materna (70. Kobalc), Rawš, Šiman, Janca (82. Ćěsla), Domaška, Kurjat
Přiwisk koparjow Sokoła Ralbicy/Hórki njeměješe w prěnjej połseriji lětsa w domjacym stadionje telko wjesela kaž minjene lěta. K wjacorym poražkam je wčera dalša k tomu přišła, a to přećiwo mustwu z pincy tabulki. Kontrahent z Kinsporka/Łužnicy njebě hrajersce lěpši hač hosćićel, dwuboje pak je nimale přeco dobył. Tak je Sokołow tež zasłužbnje porazył. Přiznać wšak dyrbju, zo pobrachowachu trenarjej Chrystofej Gloxynej tónkróć jara wažni hrajerjo. Bosćij Bjeńš, Michał Matka, Denny Gloxyn, Aleksander Wałda a Gabriel Kurjat njemóžachu runje tak sobu skutkować kaž hižo dlěši čas zranjenaj Křesćan Bejmak a Fabian Korjeńk. Hdyž woni faluja, so to wězo na kwalitu koparskeho cyłka wuskutkuje, kaž bě tež wčera pytnyć.
Janoš Nuk znowa krajny mišter w pool-billardźe
Štyri razy złoto – to je maksimalny wudobytk, kotryž móžeš jako młody hrajer pool-billarda docpěć. W telko disciplinach mjenujcy přewjeduja mišterstwa starobnych klasow U 17 a U 19 na sakskej a němskej runinje.
Widźał, słyšał, napisał (09.12.19)
W minjenych 15 lětach běch čłon w šěsć sportowych towarstwach. Wšojedne, hač su to wolejbul, kolesowanje, billard abo kopańca, hłowna starosć zamołwitych je přeco samsna – woteběraca ličba čłonow a pobrachowacy dorost. Wšelake ideje, tomu trendej zadźěwać, njejsu situaciju zwjetša trajnje polěpšili. Pytajo za přičinami husto słyšiš, zo su mjez druhim telewizija, smartfony a kompjuterowe hry wina. Zawěsće njejsu to cyle wopačne měnjenja, nichtó pak njemóže prěć, zo žiwjenske wobstejnosće dźensnišeje młodźiny hižo z tej před 30 lětami přirunajomne njejsu. Poskitki su wobšěrniše, a digitalizacija zdawna jenož młodu generaciju njepotrjechi.
Wuslědki (09.12.19)
Kopańca, wokrjesna wyša liga
ST Horni kraj – Němske Pazlicy 4:3 (1:2)
Wachau – Germania Budyšin 1:2 (0:0)
Kumwałd – Hory 5:1 (3:0)
Kulow – Połčnica 3:3 (1:2)
Großnaundorf – Ramnow 1:2 (0:1)
Wojerowski FC – Hnašecy-Dobr. 5:0 (1:0)
Pančicy – Porchow 2:2 (1:0)
1. Póst Germ. Budyšin 15 43 : 21 36
2. Drohotka Ramnow 15 40 : 22 35
3. ST Horni kraj-Sprjewja 15 42 : 23 29
4. LSV Hory 15 35 : 24 29
5. Módro-běli Kulow 15 31 : 20 29
6. Sokoł Ralbicy/Hórki 15 29 : 30 23
6. ST Hnašecy-Dobruša 15 29 : 30 23
8. Wojerowski FC 15 40 : 34 18
9. TSV Wachau 15 33 : 31 18
10. SG Großnaundorf 15 27 : 31 17
11. TSV Połčnica 15 28 : 44 17
12. ST Kinspork/Łužnica 15 18 : 23 15
13. ST Marijina hwězda 15 27 : 37 15
14. Natwar Němske Pazlicy 15 21 : 32 13
15. Motor Kumwałd 15 32 : 43 10
16. ST Porchow 15 13 : 43 10
Sport (06.12.19)
Nazymske mišterstwo móžne
Wolejbulisća 1. mustwa Viktorije Worklecy hraja jutře w 14 hodź. wo nazymske mišterstwo we wobwodnej lize, a to w sportowni Wojerowskeho Lessingoweho gymnazija na Pestalozzijowej 1. Tam wočakuje jich ST Kupoj-Nowa Łuka, třeći tabulki. Jeli Worklečenjo přećiwo njemu dobudu, su woni nazymski mišter. W samsnym času hraje Worklečanske dorostowe mustwo holcow pola VV Žitawy II.
Kónctydźenska kopańca
Zajutřišim, njedźelu, wot 13.30 hodź. budźe w Radworju serbski koparski derby. ST 1922 Radwor, kotrež steji z 20 dypkami na 7. městnje tabulki wokrjesneje ligi, stafle 2, nastupi přećiwo Njebjelčanskej SJ. Wona ma dotal 23 dypkow a steji na 6. městnje tabulki.
07.12. 13:30 Radebeulski BC 08 –
Jednota Kamjenc
07.12. 13:30 Budissa Budyšin –
SG Taucha 99
07.12. 13:30 Módro-běli Kulow –
TSV Połčnica
08.12. 13:00 Sokoł Ralbicy/Hórki –
ST Kinspork/Łužnica
08.12. 13:30 ST Marijina hwězda –
ST Porchow
08.12. 12:30 SJ Chrósćicy II –
Módro-běli Minakał
Skupinje wulosowanej
Hra hač do poslednjeho wokomika napjata wostała
SJ Njebjelčicy
– SZ 1896 Wulka Dubrawa 2:1 (2:0)
Zestawa domjacych: Hahn – Kral, Hanuza, Gödig, Čornak (76. Ričel), Pawlik, Haška, Plaettner (90. F. Domš), Lejnart, Domš, Wagner (46. Mikławšk)
Prěnje koparske mustwo Njebjelčanskeje SJ bě do poslednjeje domjaceje hry lěta 2019 jara motiwowane. Prěnja wuspěšna akcija přećiwo hosćom z Wulkeje Dubrawy poradźi so po prěnich mjeńšich Dennisej Wagnerej. Wón so přećiwo defensiwje hosća wuspěšnje přesadźi a přetwori k nawjedowanju (19.). Šaltowanska centrala domjaceho mustwa Njebjelčanske nadběhi derje wariěrowaše. Na prawej stronje bě Oliwer Domš přeco zaso na zakładnej liniji, jeho flanki pak sobuhrajerja před wrotami njedocpěchu. Na tamnej stronje je William Plaettner wjacore dobre kombinacije iniciěrował. Tak pósła wón w 36. min. Jurja Hašku na wonkownu čaru. Tón doběža do šěsnatki a přihra bul Wagnerej, kiž pak na přećiwniku zwrěšći. Z druhim pospytom pak Domš kulowatu kožu k 2:0 w saku zaměstni.
Wažne dobyće nad Nysu
CVJM Zhorjelc – Viktoria Worklecy 0:3 (15:25, 17:25, 27:29)
We wolejbulowej wobwodnej lize je so wukristalizował štyribój wo mišterstwo. W fokusu steja Wojerecy, Kupoj-Nowa Łuka, Zhorjelc a Worklecy. Ćim wažniše su nětko direktne hry mjez susodami w tabulce kaž ta minjenu sobotu w Zhorjelcu. Tam wočakowaše cyłk CVJM mustwje z Wojerec a Worklec.
Prěnju partiju dnja dobychu wolejbulisća z Wojerec, byrnjež runje najsylniši kader k dispoziciji njeměli. Poražka 0:3 běše njewočakowana plista hosćićelej, zbudźi pak mjez Worklečanami nadźiju, z dobyćom w druhej hrě wotstawk k Zhorjelcej powjetšić a runočasnje kontakt k Wojerecam dźeržeć. Najebać třoch falowacych hrajerjow mějachu Worklečenjo bohudźak tola hišće sylne mustwo na parkeće. Koncentrowani dźěchu do duela a njedachu Zhorjelčanam žanu šansu. Na kóncu prěnjeje sadźby so hišće stopnjowachu a zdeklasowachu domjacych z dźesać dypkami předskoka.
