We Wulkej Britaniskej kopja so krizy a rozměry su dale a wjetše
London (dpa/SN). Brexit, koronapandemija, wójnske sćěhi a stajna změna na čole knježerstwa. Britojo so z krizami jara derje wuznaja. Mjeztym so lěto 2022 nachila a ćeže na kupje maja dale a wjetše rozměry.
Hospodarske połoženje je tak špatne kaž hižo dołho nic. Recesija je so oficialnje zahajiła, inflacija wučinja wjace hač jědnaće procentow, realne mzdy spaduja. Financny minister Jeremy Hunt chce z něhdźe 55 miliardami puntow (63 miliardow eurow) přez zwyšenje dawkow a skrótšenje wudawkow tuchwilu prózdnu kasu napjelnić. Přez zymu chce knježerstwo płaćizny za milinu a płun wobmjezować.
