Horca diskusija wo hospodowanju ćěkancow – rozdźělna situacija tu a tam

Budyšin (SN/mb). Na njedawnym wjerškowym zetkanju zamołwitych na komunalnej, krajnej a zwjazkowej runinje wo temje zastaranje ćěkancow praješe Gerd Landsberg, hłowny jednaćel Němskeho zwjazka městow a gmejnow: „Naše móžnosće, ludźi zaměstnjeć, su wučerpane.“ Komunalni politikarjo so prašeja, kak maja w nalěću ze situaciju wobchadźeć, jeli po dalšim přiwótřenju wójny w Ukrainje zaso sta tysacy jeje wobydlerjow do Němskeje ćeknu.