Berlin (dpa/SN). Prěni króć po wjace hač 20 lětach dóstanje Berlin politikarja CDU jako noweho knježaceho wyšeho měšćanostu. 50lětny Kai Wegner steješe dźensa w Berlinskim Domje zapósłancow jako naslědnik Franziski Giffey (SPD) k wólbam. Wuslědk wólbow hač do kónca redakciskeho časa hišće njepředležeše. ­Wegner steji na čole knježerstwoweje koalicije CDU a SPD, kotruž běchu po wospjetowanju wólbow w februaru wutworili.

Zetkanje bjez wobzamknjenjow

Berlin (dpa/SN). Wodźacy zastupnicy SPD, Zelenych a FDP su wčera w koaliciskim wuběrku ze zwjazkowym kanclerom Olafom Scholzom (SPD) wuradźowali. Po informacijach powěsćernje dpa njejsu na zetkanju w kanclerskim zarjedźe w Berlinje ničo wobzamknyli. Hinak hač na tři dny trajacym mamutowym posedźenju kónc měrca njerěčachu tónkróć wo jednotliwych temach, ale wo „powšitkownym połoženju“.

Turkojo w Němskej k wólbam