Tel Aviv (dpa/SN). Po masiwnym wobtřělenju z raketami z Gazaskeho pasma je Israel minjenu nóc objekty militantneje palestinskeje organizacije Islamski dshihad w Gazaskim pasmje nadběhował. Při tym měrjachu so na wysokorjadneho oficěra organizacije. Při nadpadach su pječa dźesać Palestinjanow morili. Dźesaćo dalši so zranichu. Wojerska akcija w běhu dopołdnja hišće traješe.
Von der Leyen do Kijewa dojěła
Kijew (dpa/SN). Prezidentka komisije EU Ursula von der Leyen je dźensa rano na wopyt w Kijewje dojěła. Němska wodźaca politikarka chcyše zhromadnje z ukrainskim prezidentom Wolodymyrom Zelenskym Europski dźeń woswjećić. Nimo toho běchu politiske rozmołwy planowane. Při tym dźěše wo wojersku pomoc Ukrainje za bój přećiwo ruskim nadpadnikam a wo prócowanja Ukrainy wo přistup k Europskej uniji. Zelenskyj bě wukazał, 9. meju přichodnje jako Europski dźeń woswjećić. 9. meje 1950 běchu prěnje europske zrěčenje podpisali.
China inwestuje dale w Europje
