SJ Njebjelčicy –
Hlinowski SC 0:6 (0:3)
Zestawa domjacych: Hahn – Šołta, Hanusa, Čornak (26. Korjeńk), F. Domš, Hrjehor, Pawlik, Malaškin (68. Rachela), Reinelt (4. Herrmann), Matješk (84. Lehmann), O. Domš
Dwě mustwje stej so k poslednjej hrě sezony 2022/2023 njedźelu w Njebjelčicach zetkałoj, kotrejž rozdźělnišej być njemóžeštej. Na jednym boku hosćo z Hlinowca z nimale perfektnej sezonu a wulce zasłuženym postupom do wokrjesneje wyšeje ligi, na tamnym boku domjacy z Njebjelčic, kotřiž přećiwo zestupej wojowachu.
Do hry běchu na stronje hosći a tež hosćićela někotrežkuli rozžohnowanja. Trenarski team Daniel Ričel a Handrij Krawčik złoži, kaž planowane, swoje zastojnstwo ke kóncej tuteje sezony. Wobaj běštaj team w jara ćežkej situaciji přewzałoj. Stajnje běštaj z połnym zasadźenjom dźěłałoj, spytaštaj to najlěpše docpěć. Dale rozžohnowachu Njebjelčenjo Chrystofa Pawlika, kotryž swoju derje zasłuženu koparsku rentu nastupi. Wšěm třom „dźakujemy so!“