Styskniwa powěsć je mje w dowolu dosćahnyła: We Waršawje je minjeny štwórtk, 15. smažnika, we 80. žiwjenskim lěće Bohdan Urbankowski zemrěł – wu­znamny pólski basnik, dramaturg, historikar a filozof. Z pjera wuměłca a wědomostnika pochadźeja njeličomne zběrki poezije a prozy, dźiwadłowe hry, po­jednanja a biografije, mjez druhim wo Adamje Mickiewiczu, Józefje Piłsudskim a Janje Pawole II.