Ministerski prezident wčera w Rakecach z wobydlerjemi diskutował

Rakecy (SN/MiP). „MK-Direkt“ rěka rjad zarjadowanjow w kotrymž pućuje sakski ministerski prezident Michael Kretschmer (CDU) po „swojim“ zwjazkowym kraju, zo by so wšudźe z wobydlerjemi do rozmołwy podał. Wčera dojědźe sej do Rakec. Dohromady 120 zajimowanych běše do tamnišeje ewangelskeje wyšeje šule na dwuhodźinske zarjadowanje přichwatało. Kretschmerej poboku steještaj wjesnjanosta Swen Nowotny a krajny rada Udo Wićaz (wobaj CDU).