Dubai (dpa/SN). Zwjazkowy kancler Olaf Scholz (SPD) je so dźensa na swětowej klimowej konferency w Dubaiju wobdźělił. Tam chcyše za swój projekt mjezynarodneho klimoweho kluba wabić, w kotrymž su wosebje aktiwne kraje w boju přećiwo woćoplenju zemju zjednoćene. Wot Scholza nastorčeny klimowy klub, kiž měješe dźensa dźěłać započeć, wěnuje so wosebje industrijowej politice a prašenju, kak móhli w tutym wobłuku klimje škodźace płuny lutować.

Podhladny nadpad planował

Hannover (dpa/SN). Policija je w Delnjosakskej 20lětneho zajała, kiž je pječa terorowy nadpad w dohodownym času planował. Muž bě nadpady w zwisku z wulkozarjadowanjemi w adwenće připo­wědźił. Tohodla su jeho prewen­tiwnje zajeli, delnjosakska nutřkowna ministerka Daniela Behrens nowinarjam rjekny. Podhladny, kotrehož běchu 21. nowembra w Helmstedće zajeli, pochadźa z Iraka, ministerka zdźěli.

Planuja dalše zadołženje