Měšćanske běhi w Budyšinje

Za 32. Budyski měšćanski běh je so dotal nimale 1 800 běharkow a běharjow přizjewiło. Tradicionalne wubědźowanje zahaja jutře dopołdnja w dźesaćich na Młynkec łuce z běhom za swójby a bambinije. Po tym so wobdźělnicy na najwšelakorišich distancach wot 400 metrow hač do 10 kilometrow wubědźuja. Napřemoběhi dźěći a šulerjow wotměja so na 400 m dołhej běžni w stadionje, hłowne běhi pak w sportowym kompleksu Humboldtowy haj. Tež firmy smědźa so lětsa zaso jako zhromadny team přizjewić a startować.

Kristalowe běhi w Běłej Wodźe

Njedźelu wubědźuja so běharjo wot dopołdnja w dźesaćich w Běłej Wodźe. Start a cil budźetej zaso při tamnišej wyšej šuli na Lutherowej dróze 22. Hłowny běh na distancy 10 km započnje so w 10.10 hodź.

Serbski derby w Njebjelčicach

Druhi z cyłkownje dwanaće serbskich koparskich derbyjow we wokrjesnej lize, stafla II wotměje so njedźelu popołdnju w Njebjelčicach.

12.09.  15:00  Módro-běli Kulow –

  Hlinowski SK 1931

12.09.  15:00  SC Wulke Rědorjecy –

  SJ Chrósćicy

12.09.  15:00  Traktor Malešecy –

  Sokoł Ralbicy/Hórki

13.09.  12:30  HZ Njebjelčicy II –

  LSV Hory II

13.09.  13:00  ST Radwor II –

  HZ Halštrow/Hlinowc II