Dr. Irena Šěrakowa mytowana Empfehlung

Montag, 19. September 2016
Artikel bewerten
(0 Stimmen)
Slawistce dr. Irenje Šěrakowej je sakska statna ministerka za wědomosć a wuměłstwo dr. Eva-Maria Stange minjeny pjatk w Kamjenskim sakralnym muzeju, cyrkwi swj. Hany, Myto Zejlerja za serbsku rěč spožčiła.  Foto: SN/Maćij Bulank Slawistce dr. Irenje Šěrakowej je sakska statna ministerka za wědomosć a wuměłstwo dr. Eva-Maria Stange minjeny pjatk w Kamjenskim sakralnym muzeju, cyrkwi swj. Hany, Myto Zejlerja za serbsku rěč spožčiła. Foto: SN/Maćij Bulank

Ministerka Stange Serbow namołwiła prawo wužiwać a mjeno změnić

Kamjenc (SN/CoR). Jako druhej lawreatce je sakska statna ministerka za wědomosć a wuměłstwo dr. Eva-Maria Stange (SPD) minjeny pjatk w Kamjenskim sakralnym muzeju Myto Zejlerja za serbsku rěč slawistce dr. Irenje Šěrakowej za „spušćomne, wutrajne a wobšěrne skutkowanje na dobro praweho nałožowanja serbskeje rěče w najwšelakorišich wobłukach pismowstwa“ spožčiła. Mjez něhdźe sto hosćimi běchu nimo prěnjeho lawreata myta­, fararja Gerata Wornarja, tež zapósłanča zwjazkoweho sejma Marja Michałkowa, zapósłancy Sakskeho krajneho sejma Marko Šiman, Alojs Mikławšk (wšitcy CDU) a Hajko Kozel (Lěwica) kaž tež předsyda Domowiny Dawid Statnik a přichodny direktor Załožby za serbski lud Jan Budar. Z 5 000 eurami dotěrowane Myto Zejlerja je dźěl lěta 2012 wot sakskeho knježerstwa wobzamknjeneho plana naprawow za pozbudźenje a wo­žiwjenje nałožowanja­ serbskeje rěče.

Veröffentlicht in Kultura
Bitte anmelden, um einen Kommentar zu posten

Anzeige