ST 1922 Radwor
– SG Großnaundorf 1:4 (0:2)
Zestawa domjacych: Ch. Šěrak – Zähr, Henka, F. Šěrak, Jendrewski, Wjeńka, Nuk, Kral (83. Hosaini), Mark (53. Schulze), Amar (53. Glücklich), Bauer
Po zasłuženym dypku w Kulowje chcychu sej Radworscy koparjo wšitke tři dypki doma zdźeržeć. Startowachu koncentrowani do hry a spytachu kontrolu w srjedźnym polu zdobyć, zo bychu sej šansy wuhrali. Tak přesadźi so Sandro Kral (10.) w srjedźnym polu a wuhlada wrotarja. Njebě pak koncentrowany dosć stoprocentowsku składnosć přetworić. Jenož někotre mjeńšiny pozdźišo wjedźeše róžk k nawjedowanju Großnaundorfa. Kop bu hišće podlěšeny, a zadnje mustwo domjacych přepozdźe reagowaše. Stefan Kaiser w 13. min. přetwori. Wrota hosćićela znjeměrnichu, čerwjena nitka bě zhubjena. Z dołhimi třělwami nadběhowarjow posłužować so jim zwjetša njeporadźi. Tež kopy z druheho rynka ničo njewuskutkowachu. We 38. min. wuwjedźechu hosćo róžk. Znowa dźěše flanka na prědnju žerdź, a Julien Hirmke trjechi 0:2. Radworčanam bě jasne, chcedźa-li hišće wo dypk wojować, dyrbja spěšnje wrota třělić.