Zdenek Kral z Jawory bě sobotu w Rodecach jedyn z tójšto serbskich ...
Kónctydźenske wuslědki (24.08.26)
Na zwjazkowej runinje kopańcy su minjeny kónc tydźenja prěnje pokalne koło přewjedli a na nišich runinach dalši dypkowy hrajny dźeń. W krajnej lize su Biskopičenjo doma přećiwo hosćom z Rabensteina 0:3 (0:2) přěhrali a winowatostna dypkowa partija Wocl Riesa – Nowosólc-Hródk skónčichu 4:0 (3:0) za domjacych. Leon Šołta z delnich Sulšec bě hižo w 2. min. 1:0 třělił. W krajnej klasy wothwizdachu derby Wojerowski FC – Natwar Němske Pazlicy njerozsudnje 1:1 (0:1). We wokrjesnej wyšej lize docpěchu w Kulowje njewšědny wuslědk: Po 15 mjeńšinach steješe 0:3, po prěnim połčasu 1:6 a na kóncu 2:7. To bě rezultat partije Kulow – Grossnaundorf z wida hosćićelow. Wrota za worjołow při dezastrje třělištaj Syman Kocor a Louis Kreuz. Dalšej wuslědkaj: ST Hnašecy-Dobruša – SJ Chrósćicy 1:2 (0:1). Wrota třělichu za SJC Alwin Graf a Jan Bogusz. A Sokoł Ralbicy/Hórki – Zeleno-běli Bukecy hrajachu 1:4 (0:0). Čestne wrota za Sokoł docpě Aleksander Wałda. We wokrjesnej lize stafla 2 skónčichu hru Njebjelčicy – Minakał wčera 1:1 (1:0). Hru sćěhował bě Njebjelčan Bjarnat Deleńk: „To bě z našeje strony dobra hra, smy so derje prezentowali.
Jasna poražka k zazběhej
ST Marijina hwězda – TSV Połčnica 0:4 (0:2)
Zestawa hosćićelow: D. Matik – Luk. Hoge, K. Pakoßnick (68. D. Leppers), R. Cyž, E. Zynda, E. Bulank, F. Nagmatov (75. F. Hejduška), T. Jurš, Ch. Cyž, J. Pakoßnick, Fr. Bulank (87. Fe. Langer)
Hnydom na prěnim hrajnym dnju noweje hrajneje doby čakaše zestupnik z Połčnicy na domjacym trawniku na koparski cyłk z Pančicy-Kukowa. W prěnjej poł hodźinje so hač na třělwu Simona Heinricha Stirla po flance a wólnym kopje Kimija-Nilsa Jörke, kotrajž wobaj wrota misnyštaj, ničo naspomnjenjahódneho njesta. W 32. min. pak hosćo nawjedowachu. Jonas Mager dósta bul a jón ze zdalenosće 20 metrow směr wrota třěli. Bul padny w chribjeće wrotarja Davida Matika do saka.
Mager so po 43 mjeńšinach z něhdźe 35 metrow znowa lesćiwje pospytaše. W tutym padźe pak Matik kulu wyše łaty wotwobara. Hišće w prěnim połčasu docpěchu Połčničenjo 2:0. Jich nadběh njemóžeše klóšterski škit prawje wujasnić, tak zo běše Simon Heinrich Stirl z wotfalšowanym pospytom wuspěšny (45.).
Widźał, słyšał, napisał (24.08.26)
Po prěnim pokalnym kole minjeny kónc tydźenja zahajichu pjatk wječor w Alianz-arenje nowu hrajnu dobu w prěnjej zwjazkowej lize. Zazběhowa hra mjez Mnichowom a Stuttgartom je duel mjez finalistomaj zašłeje kónčneje hry w pokalnym kole. Tehdy, 23. meje 2026, přesadźichu so Bayerojo w Berlinje jasnje 3:0. Tež tónraz je cyłk trenarja Vincenta Kompanija wulki faworit na mišterski titul. Wulki cil pak je dale triumf w champions league. Ale tež chowancy Hoeneßa su so w zašłych lětach njesměrnje pozitiwnje wuwili. Wosebje konstantnosć trenarja a wjednistwa je wažny faktor za dołhodobne, pozitiwne wuwiće. Tak su woni jedne z mustwow, kotřiž wojuja wo 2. do 5. městno. Tež Borussia Dortmund, Bayer Leverkusen a RB Lipsk chcedźa so w načolnej skupinje tabulki zaměstnić. Towarstwo, kotrež chce a móže tutón slěd snano změnić a tež wo tute městna wojuje je SC Freiburg. Finalist euro league je so w lěće k nětko hižo dwacetemu razej w Awstriskim Schruns na sezonu přihotował.
Sport (21.08.26)
Dwě partiji w Njebjelčicach
Po chětro dołhim času bjez dwójneho hrajneho dnja změja w Njebjelčicach njedźelu zaso raz dwě hrě. Najprjedy poda so hrajne zjednoćenstwo Njebjelčicy II/Ralbicy II/Pančicy II do zhromadneje premjerneje sezony, hdyž nastupi wone doma přećiwo hrajnemu zjednoćenstwu Běła/Cunnersdorf. Po tym hraje prěnje koparske mustwo Sportoweje jednotki Njebjelčicy přećiwo hosćom z Minakała. Wobaj cyłkaj staj tydźenja z njerozsudnym 2:2 do sezony startowałoj. W Radworju kopa so njedźelu tež dwójce.
22.08. 15:00 Módro-běli Kulow –
SG Großnaundorf
22.08. 15:00 ST Hnašecy-Dobruša –
SJ Chrósćicy
23.08. 12:30 HZ Njebjelčicy II –
HZ Běła/Cunnersdorf
23.08. 15:00 SJ Njebjelčicy –
Módro-běli Minakał
23.08. 13:00 ST 1922 Radwor II –
LSV Hory II
23.08. 15:00 ST Radwor –
Zeleno-běli Sepicy
23.08. 15:00 ST Kinspork/Łužnica –
SJ Chrósćicy II
23.08. 15:00 FC Łužica –
ST Marijina hwězda
23.08. 15:00 Sokoł Ralbicy/Hórki –
Zeleno-běli Bukecy
Liški startuja do noweje sezony
Nowačk njekmany za druhu ligu
DSC Arminia Bielefeld –
FC Energija Choćebuz 3:0 (2:0)
Zestawa hosći: Lotka – Rorig (75. Malone), Pelivan, Erlein, Doumbia (55. Borgmann) – Bittencourt, Michelbrink (75. Campulka) – Ciğerci, Kinsombi (46. Hannemann), Guttau (46. Butler) – Copado
wrota:1:0 Grodowski (26.), 2:0 Grodowski (37.), 3:0 Grodowski (76.)
přihladowarjo: 25.304
Fairne dźělenje dypkow po derbyju
FSV Módro-běli Minakał –
ST 1922 Radwor 2:2 (2:1)
zestawa hoći: Šěrak – Wjeńka, Adam, L. Pěčak, Bišof, B. Grubert (62. Elsner), Mička, Buša (91. Franka), Wencel (62. Dźisławk), Schäfer, Glücklich
Direktnje w prěnjej hrě noweje hrajneje doby steješe za ST 1922 Radwor wosebity duel na programje. W derbyju dźěše přećiwo Módro-běłym z Minakała. Něhdźe 150 přihladowarjow nochcyše zazběh sezony skomdźić a postara so wo wotpowědnje intensiwnu atmosferu.
Njebjelčicy 1. serbski supercup dobyli
Generalka njewuspěšna
ST Haselbachtal – SJ Chrósćicy II 2:0 (1:0)
Zestawa hosći: M. Mark – T. Donat, Kola (67. Brühl), Materna, Zahrodnik, Handrik (67. J. Mark), Dyrlich, Klemens, Špitank, Dridiger-Šołta, B. Donat
K poslednjej přihotowanskej hrě do starta noweje hrajneje doby běchu sej Chróšćenjo do Haselbachtala dojěli. Tamniši cyłk hraje we wokrjesnej klasy. Za wobě mustwje skićeše hra tuž hišće raz składnosć, krótko do starta sezony wažne dopóznaća zběrać a so jako mustwo zahrać.
Wurunanje po turbulentnym kóncu
SJ Chrósćicy II –
FSV Łuty 1:1 (0:0)
Zestawa Chróšćanow: Mark – T. Donat, Kola, Materna, Rätze, Klemens, Dźisławk, Handrik, Zahrodnik, Dyrlich (61. Špitank), B. Donat (85. Sćapan)
Po poměrnje słabym přihoće bjez dobyteje testoweje hry startowaše druhe koparske mustwo SJ Chrósćicy minjeny kónc tydźenja do noweje sezony wokrjesneje ligi. K zazběhej čakaše z Łutami njepřijomny přećiwnik, kotryž bě zašłu sezonu sedme městno w stafli 2 wokrjesneje ligi docpěł.
