Njetrjebawša poražka za Sokołow

Dienstag, 20. Oktober 2020 geschrieben von:

Motor Kumwałd

– Sokoł Ralbicy/Hórki 1:0 (1:0)

Zestawa hosći: Schöne – M. Matka, Wałda, Bejma, Rawš, Šołta, Šewc, Gloxyn, Janca (56. Bejmak), G. Kurjat (72. Šiman), M. Kurjat (64. Materna)

Trenar Ralbičanskich koparjow Chrystof Gloxyn warnowaše hižo cyły tydźeń, zo njebudźe hra w Kumwałdźe lochka, byrnjež Sokoljo přeco něšto ličomneho do Delan sobu wzali. Někotři hrajerjo drje pobrachowachu, ale kader je w šěrokosći tak sylny, zo stejachu přiwšěm dosć hrajerjow k dispoziciji.

Lochkoatletiska sezona na SGB so nachila

Dienstag, 20. Oktober 2020 geschrieben von:

Budyšan Elias Kummer z 9. lětnika doby­ na sportnišću Serbskeho gym­nazija Budyšin (SGB) z 309 dypkami lochkoatletiski třibój. Druha najlěpša lochkoatletka bě Sarah Bretšnajderec z Budyšina z 266 dypkami před Xeniu Koberec ze Sernjan z 264 dypkami.

Tradicionalne nazymske wubědźowanje w lochkoatletice njebě tónraz korony dla na Budyskej Młynkec łuce móžne. Tak zwěsćichu mjez wjac hač 400 šule­rjemi na ležownosći Serbskeho šulskeho a zetkawanskeho centruma Budyšin najkmańšich sportowcow w běhanju, dalokoskoku, mjetanju bulika a kulostorku. A jenož abiturny schodźenk měješe z wjedrom zbožo.

Lochkoatletiski třibój 12. lětnika doby pola holcow Greta Čórlichec z Kulowa ze 162 dypkami. Slědowaše Fabienne Wjacławkec z Ralbic ze 130 dypkami a třeća najwuspěšniša bě Joelina Taschke z Komorowa ze 118 dypkami. Pola muskeje sparty přesadźi so Paul Säuberlich z Bórka pola Budyšina z 234 dypkami, kotryž wuwojowa sej šesty najlěpši wuslědk­ šule. Slědowaše dalši aktiwny kopar Steve Schröder z Wulkeje Dubrawy ze 185 dypkami před Antonom De­muthom z Budyšina ze 170 dypkami.

Ze zbožom w chribjeće k dobyću

Dienstag, 20. Oktober 2020 geschrieben von:

ST Sachsenwerk Drježdźany

– SJ Chrósćicy 0:1 (0:0)

Zestawa hosći: Králíček – L. Zahrodnik, Sentivan, Mark, Zynda, F. Zahrodnik, M. Zahrodnik, G. Zahrodnik, Matješk, Runt (90. Handrik), Vokáček (81. Bogusz)

Z dwěmaj dobyćomaj w zaku podachu so koparjo Chróšćanskeje SJ do Drježdźan, a to na hru přećiwo cyłkej Sachsenwerk Drježdźany. Trenarski cyłk wokoło Pavela Runta a Miroslava Sentivana dyrbješe zestawu někotrych wupadow dla trochu improwizować a cyłk SJC trochu defensiwnišo wusměrić.

Po pjatym hrajnym dnju w krajnej lize je Budissa Budyšin njeporaženy načolnik. Budyšenjo su wšitke partije dobyli, tež w Drježdźanach-Laubegasće. Tam přesadźi so mustwo trenarja Tomaša Henčla z 2:1. Tu dyrbi wrotar Max Höhne (srjedźa, Budyšin) bul z powětra šćipnyć. Höhne bě ze swojimi paradami w Drježdźanach muž dnja w škiće. Foto: Torsten Zettl

Wuslědki (20.10.20)

Dienstag, 20. Oktober 2020 geschrieben von:

Kopańca, krajna liga

Přezjednota Niska – Kamjenc wupad

Mittweida – Großenhainski FV  3:1 (2:1)

Markkleeberg – Marienberg wupad

Pirna-Copitz – Lipsk0:1 (0:0)

Wilsdruff – Markranstädt 1:5 (1:2)

Taucha – Rabenstein5:2 (2:0)

Drježdźany-Strěžin – Lößnitz 0:5 (0:3)

Nowosólc-Hródk – Freital 2:3 (0:3)

Nowe Město – Riesa1:3 (1:1)

Glauchau – Radebeulski BC  1:1 (0:1)

Drježdźany-Laubegast – Budyšin1:2 (1:2)

čoło tabulki

1. Budissa Budyšin 5 16 : 5 15

2. SC Freital 5 14 : 4 15

3. Jednota Kamjenc 4 13 : 4 10

4. FC 1910 Lößnitz 5 9 : 3 10

krajna klasa

Žitawa – Rakečanske ST 1:1 (0:1)

Běła Woda – Drježdźanski SC  2:0 (2:0)

Wesenitzal – Chrósćicy wupad

Sachsenw. Drježdźany – Rěčicy 1:2 (1:2)

Ćisk – Oderwitz II wupad

Rotacija Drježdź. – Borea Drježdź. 3:2 (1:2)

Ramnow – Sebnitz0:4 (0:3)

Weixdorf – Trjebin0:1 (0:0)

wokrjesna wyša liga

Kumwałd – Ralbicy/Hórki 1:0 (1:0)

Großröhrsdorf – Kinspork/Łužn. 1:0 (1:0)

Wojerowski FC – Kulow 2:2 (1:0)

Hnašecy-Dobruša – Połčnica 4:1 (2:1)

Germ. Budyšin – Łaz/B. Chołmc 1:1 (1:0)

Horni kraj – Großnaundorf  3:1 (2:1)

Hory – Porchow6:1 (3:1)

Marijina hwězda – Biskopicy II 1:2 (0:1)

Němske Pazlicy –Wachau 1:1 (1:1)

1. ST Horni kraj-Sprjewja 6 19 : 4 18

2. Póst Germania Budyšin 6 18 : 7 16

3. Natwar Němske Pazlicy 6 11 : 3 12

4. Wojerowski FC 6 16 : 10 11

5. Biskopičanske KT II 6 9 : 6 10

6. ST Hnašecy-Dobruša 6 13 : 11 10

7. Sokoł Ralbicy/Hórki 6 10 : 9 10

8. TSV Wachau 7 8 : 15 8

9. LSV Hory 5 10 : 8 7

10. SG Großnaundorf 7 10 : 9 7

Po remisu na 8. městno zjěli

Montag, 19. Oktober 2020 geschrieben von:

Hertha BSC II

– FC Energija Choćebuz 0:0

Zestawa hosći: Stahl – Pelivan, Rahn, Koch, Jarosch, Eisenhuth, Hoffmann, Erlbeck, Hoppe, Gladrow (77. Postelt), Brügmann

Wobkedźbowarjo su to hižo zwěsćili a potrjechenych to boli: Po słabym mocyměrjenju bjez wrotow je wotstawk k načolnikej Viktoriji Berlin na 16 dypkow rozrostł. Jenož z wobhonjenym ški­tom­ pokaza so trenar Dirk Lottner w Berlinje-Charlottenburgu spokojom. Z tym wostanje Lottner pola swojeho noweho zjednoćenstwa dale bjez poražki.

Wukon w nadběhu pak so docyła za polěpšenje tabulkoweje situacije njehodźeše. Tak suny so FC Energija po dźělenju dypkow, kotremuž móhł po róžku jenož Matthias Rahn w 82. min. ze sylnym hłójčkowanym bulom zadźěwać, w tabulce ze šesteho městna a z tym tež doskónčnje z kruha požadarjow wo postup do třećeje ligi. Georg Zielonkowski

Wuspěšne treningowe lěhwo

Montag, 19. Oktober 2020 geschrieben von:

Po třoch hrajnych dnjach za sobu přebywachu wolejbulisća Vikto­rije Worklecy na druhim kóncu tydźe­nja we winowcu w rudnohórskim sportowym centrumje Rabenberg, hdźež mějachu naj­lěpše treningowe wuměnjenja. Tež zhromadnosć a bjesada běštej wažny wobstatk kónca tydźenja.

Z lochkim treningom a zwučowanjemi hrajnych situacijow startowachu Worklečenjo hižo pjatk wječor. Sobotu stejachu tři zwučowanske jednotki na programje. Ćežišćo ležeše na nadaćach a přiwzaćach. Runje w tym wobłuku zhubichu wolejbulisća Viktorije Worklecy w zašłosći tójšto dypkow. Běchu to jara napinace zwučowanja. Dalši akcent bě blokowe dźěło polěpšić. Po wječeri a dalšej treningowej jednotce wjeselachu so wšitcy na mustwowe piwko a mjechke łožo. Njedźelu po snědani čakaše hišće testowa hra na nich. Rezerwa Sportoweho zjednoćenstwa Kamjenica/Harthau bě jim witany přećiwnik. W rjadach Viktorije drje wjele eksperimentowachu, přiwšěm so jasnje přesadźichu. Po wobjedźe so spokojom na dompuć nastajichu.

To bě horco-zymna kupjel začućow

Montag, 19. Oktober 2020 geschrieben von:

FC Energija Choćebuz

– BFC Dynamo 3:2 (0:1)

Zestawa domjacych: Stahl – Pelivan (87. Jarosch), Rahn, Koch, Fl. Brügmann (46. Gladrow), Kujović, Eisenhuth, Kremer (90+1. N. Geisler), Hoppe, Fe. Brügmann (90+1 Storb), Postelt (70. F. Geisler)

Po zastatku 0:2 su koparjo FC Energije Choćebuz pozdźišo hišće raz mócnje wotwjertnyli. Mjeńšiny po přestawce bě­chu­ mjenujcy hižo z 0:2 na puću přě­hračka. Z njewšědnym wukonom, kotremuž je hišće žołto-čer­wje­na karta třělca BFC wrotow Andora Bolykija (60.) polěkowała, pak Choćebuženjo wojowachu a přizemichu z dobyćom na 6. městnje tabulki. Wrota třělichu Andor Bolyki (10., BFC), Alexander Siebeck (49. BFC), Tobias Eisenhuth (64., FCE), Felix Brügmann (70., FCE) a Dominik Pelivan (76., FCE).

Trenar FC Energije Choćebuz Dirk Lottner dyrbješe so tónraz stajneju hrajerjow Niklasa Erl­becka a Axela Borgmann wzdać. A k tomu wupadny w běhu hry tež hišće Florian Brügmann, kiž bě so na noze zranił. Georg Zielonkowski

Awtor dźensa Toni Ryćer

Zaměr kóždeho sportowca je, najlěpše rezultaty docpěć, wubědźowanja wuspěšnje wotzamknyć, najlěpje z dobyćom. A kóždy soni tež jónu wo swětowym rekordźe. Ale to zešlachći so jenož­ wubranym atletam. Njezaleži jenož­ na wurjadnym wukonje sportowca. Tež druhe wuměnjenja su wažne, kotrež jednotliwc hustodosć wobwliwować njemóže. Myslu na přikład na wjedro abo, a to je zwjetša rozsudne, wu­konitosć sportoweho nastroja. W motorsporće je to nimoměry wažny aspekt we wubědźo­wanju wo prěnje městna.

Tež Michael Schumacher njeby swoje dobyća w formuli 1 w tej měrje docpěł, njeby-li w rozsudnych wokomikach najlěpši material měł. Nochcu pak jeho wukony jenož na techniku wobmjezować. Wón bě jónkrótny sportowc, njesměrny pilny dźěłaćer na sebi a na materialu, česćelakomny a zdobom wobdarjeny. Sym jeho přeco jara wobdźiwał, byrnjež ženje přewulki fan Schumachera njebył. Jeho rekor­dy, mjez druhim sydom swětowych mišterstwow a 91 dobyćow w kralowskej disciplinje, su po měnjenju wjacorych ekspertow za wěčnosć.

Wuslědki (19.10.20)

Montag, 19. Oktober 2020 geschrieben von:

Kopańca, regionalna liga muži

Lok Lipsk – Borussia Berlin 4:0 (2:0)

Auerbach – Chemija Lipsk 0:2 (0:1)

Luckenwalde – Biskopičanske KT 2:0 (1:0)

Jena – Kamjeničanski FC 2:1 (0:1)

1. Viktoria Berlin 10 23 : 9 30

2. VSG Altglienicke 9 24 : 10 22

3. FC Carl Zeiss Jena 9 18 : 8 18

4. BSG Chemija Lipsk 10 17 : 9 18

5. Lok Lipsk 10 17 : 14 16

6. Union Fürstenwalde 10 22 : 20 15

7. BFC Dynamo 9 22 : 16 14

8. FC Energija Choćebuz 10 15 : 14 14

9. Berlinski AK 10 20 : 21 14

10. SV Babelsberg 10 13 : 15 13

11. Hertha BSC II 10 11 : 14 13

12. FSV 63 Luckenwalde 10 12 : 17 13

13. SV Lichtenberg 47 10 11 : 14 12

14. Kamjeničanski FC 10 14 : 15 11

15. VfB Auerbach 10 17 : 22 10

16. Tennis Borussia Berlin 10 15 : 20 9

17. ZFC Meuselwitz 10 13 : 20 9

18. Biskopičanske KT 9 11 : 20 7

19. Optik Rathenow 10 11 : 21 7

20. Germania Halberstadt 10 7 : 14 6

Anzeige