Ralbičenjo w Chrósćicach wuspěšni
Jubilejny 20. Mikławšowy wolejbulowy turněr w Chrósćicach je šěstka Sokoła Ralbicy před Žołto-módrymi z Kulowa a Mustwom 12/96 dobyła. Sydom cyłkow bě nastupiło.
W Radworju pjasćobul hrali
Wuslědki (27.01.26)
Kopańca, 3. liga
30.01. 14:00 Saarbrücken – Osnabrück
30.01. 14:00 Vikt. Köln – W. Mannheim
30.01. 14:00 Choćebuz – Hoffenheim II
30.01. 14:00 Hansa Rostock –
FC Ingolstadt 04
30.01. 14:00 Mnichow – Aleman. Aachen
30.01. 16:30 Schweinfurt – J. Regensburg
01.02. 13:30 SSV Ulm – MSV Duisburg
01.02. 16:30 SC Verl – VfB Stuttgart II
Za nowu sezonu zwučowali
Koparjo prěnjeho mustwa SJ Chrósćicy su zašły kónc tydźenja po zwučenym wašnju zymske treningowe lěhwo w Čěskej přewjedli.
Lětsa mějachu swój kwartěr we wsy Příchovice, něhdźe 30 kilometrow južnje Libereca. Pjatk wječor wočakowaše hrajerjow pod nawodom trenarjow Maksimiliana Krala-Zahrodnika a Feliksa Cyža prěnja treningowa jednotka. Za to běchu sej do bliskeho Harrachova dojěli, hdźež na wuběrnym kumštnym trawniku zwučowachu. Na dwuhodźinskim treningu mjez druhim wšelake systemy a taktiki přeńdźechu a je nałožować zwučowachu. Nimo toho spytachu wěste njedostatki zašłych hrow polěpšeć.
Jubileje – často wokomiki ćicheje hordosće
Jubileje su často wokomiki ćicheje hordosće, w priwatnym žiwjenju, w čestnohamtskim zastojnstwje abo w towarstwje. Aktualnje zetkatej so za mnje měznikaj. 60 lět FC Energija Choćebuz a 50 lět čłonstwo FC Energije. 22. januara budźe tomu 50 lět, zo sym sobustaw FC Energije Choćebuz. Běch a sym přeco hišće čłon čisło wosom, ličba, kotraž skutkuje dźensa njewoprawdźita, irealna, wšako mamy mjeztym wjac hač 6 000 sobustawow. Započało bě so za mnje wšo jako amaterski chronist. Wot 1977 mějach w Stadionje přećelstwa mikrofon w ruce. Smědźach 22 lět hłós a přewodnik kopańcy FC Energije być. Tež po 1999, jako běch hižo dawno jako swobodnje dźěłacy sportowy reporter po puću, zwisk njepřetorhnych. Pola nas w bydlenskim sydlišću w Žylowje bydleše 21 koparjow, kotřiž hrajachu w zwjazkowej koparskej lize. Wosebje sym sej zymske treningowe lěhwa w Turkowskej w pomjatku wobchował. Sydom króć běch pódla, zwjetša w małym reporterskim kole. Tajke jězby ludźi hromadu skowaja a wjele wo towarstwje a wosobach powědaja. Zo swjeći Energija Choćebuz nětko swoje 60. narodniny, je tuž wjace hač jubilej.
Widźał,słyšał, napisał (26.01.26)
Awtor dźensa
Kilian Hrjehor
„Kitzbühel just hits different!“, z tutej sadu je Marco Odermatt sobotu poprawom hižo wšitko prajił. Posłownje přełožene woznamjenja to telko kaž: W Kitzbühelu je prosće wšo hinak. Jendźelska sada pak wjele wjace wupraja. Wubědźowanje Hahnenkamm na legendarnej pisće Streif njeje normalny sněhakowarski wotjězd. Wone je mytos, jewišćo, hornc z hoberskim ćišćom a fabrika sonow. Štóž tam dobudźe, njedobudźe jenož wubědźowanje, ale pisa sobu sněhakowarske stawizny. Sobotu bu Marco Odermatt po wotjězdźe na Streif druhi. Wo tajkim wuslědku móže nanajwjace sněhakowarjow jenož sonić. Tola při mytowanju ronjachu so trójce dobyćerjam na dobyćerskim podesće sylzy. Maxence Muzaton bě nad třećim městnom přewšo překwapjeny, Italčan Giovanni Franzoni pak jako dobyćer njesměrnje zbožowny. Pola Marca Odermatta běchu to sylzy wulkeho přesłapjenja. A runje to pokazuje, kak Kitzbühel na sportowcow skutkuje.
Sport (23.01.26)
Bulowa nóc při lětanišću
Mustwo starych knjezow SJ Njebjelčicy nastupi dźensa na 23. „Bulowej nocy“ jako zakitowar titula. Wot 18.30 hodź. hraje na halowym koparskim turněrje Natwara Němske Pazlicy 10 cyłkow starobneje klasy Ü35 w sportowej hali při lětanišću w Kamjencu.
Koparske turněry w Radworju
Sportowe towarstwo Radwor budźe posledni kónc tydźenja januara zarjadowar a wuhotowar 7. Radworskich halowych koparskich turněrow. Hrać budźe so w sportowej hali „Slavia“.
pjatk, 30.01.26
19-23 hodź. młodźina A
sobotu, 31.01.26
9-13 hodź. młodźina F
14-18 hodź. młodźina C
19-23 hodź. młodźina B
njedźelu, 01.02.26
9-13 hodź. młodźina E
14-18 hodź. młodźina D
Choćebuženjo zaso doma
Jako nazymski mišter 3. ligi je so FC Energija Choćebuz do zymskeje přestawki rozžohnowała. Choćebuženjo nastupja jutře doma přećiwo 1. FC Schweinfurtej.
24.01. 14:00 FC Energija Choćebuz –
1. FC Schweinfurt
Worklečenjo w Habrachćicach
Liški na lodźe skónčnje zaso wuspěšni
Łužiske liški –
EC Bad Nauheim 5:4 (1:2, 3:1, 1:1)
Łužiske liški su minjeny pjatk napjatu domjacu hru w DEL2 přećiwo EC Bad Nauheimej 5:4 dobyli. Mjez přihladowarjemi běchu wjac hač 50 šulerjow Wyšeje šule Slepo a jich starši. Zamołwići Liškow běchu jim zastupne lisćiki darili, dokelž wobsteji mjez towarstwom a šulu kooperacija. Mustwo Christofa Kreutzera rozsudźi partiju hakle jědnaće sekundow do kónčneje sireny.
Cyłkownje šěsć hrajerjow bě so do zahajenja hry do kadra Běłowodźanow nawróćiło. Bad Nauheim startowaše z tójšto ćišćom a nawjedowaše hižo w 5. min. přez Christophera Fischera. Krótko po tym zo běchu Liški puk zhubili powyši Rik Gaidel na 0:2 (8. min.). Z hrajerjom wjac na lodźe docpě Charlie Jahnke po přihrawce Markusa Freisa w 10. min. prěnje wrota za Łužičanow. W druhej třećinje Liški jasnje lěpje wustupowachu. W 24. min. Alexander Dosch po přihrawce Adama Bradyja 2:2 wuruna.
Lennardej Nieleckej poradźi so w 33. min. po pasu Georgiyja Saakyana nawjedowanje 3:2. Jenož něhdźe 30 sekundow pozdźišo pak Jordan Hickmott 3:3 wuruna. W 37. min. docpě Hannu Tripcke 4:3 a z tym znowa nawjedowanje za domjacych.
Worklečanki w Žitawje přěhrali
VV Žitawa 09 II –
Viktoria Worklecy 3:1
(25:17, 25:17, 24:26, 25:13)
Za Viktoriju Worklecy běchu zasadźene: Rejzka Deleńkowa, Majka Dźisławkec, Diana Hajnec, Klara Kralec, Christin Opicec, Magdalena Pilzec, Constance Pötschke, Sarah Šnablec, Emma Šustrec, Hannah Šustrec,
trenarka: Daniela Kralec
Terminowy kalender prěnjeho zastupnistwa Worklečankow je w januarje derje pjelnjeny. Nimale kóždy kónc tydźenja maja wolejbulistki hru, kónc januara samo domjacy hrajny dźeń.
Start do noweho kalendroweho lěta bě chětro wužadacy. Worklečanki běchu po hładkich dróhach wěsće do Žitawy dojěli, zo bychu k swojej prěnjej hrě noweho lěta nastupili. Młode zastupnistwo Žitawčankow bě wote wšeho započatka prezentne. Přiwšěm bě prěnja sadźba wurunana. Wobě mustwje pokazaštej wysoki niwow a wojowaštej wo kóždy bul. Tola wosrjedź sadźby započachu Žitawčanki ćišć natwarjeć a jim so poradźi, přez wuspěšne nadběhi krok po kroku wažne dypki zdobyć. Při dypkowym stawje 17:21 wuprosychu sej Worklečanki krótke přetorhnjenje. Žitawčanki pak to njezamyli, a woni prěnju sadźbu za sebje rozsudźichu.
Wuslědki (21.01.26)
Kopańca
3. liga
Jahn Regensburg –
FC Ingolstadt 040:3 (0:2)
1. FC Saarbrücken –
FC Energija Choćebuz 1:1 (0:1)
SSV Ulm – Wehen Wiesbaden 0:1 (0:0)
Hansa Rostock –
FC Rudne horiny Aue 2:1 (1:1)
TSV 1860 Mnichow –
Čerwjeno-běli Essen1:1 (0:0)
SC Verl – Waldhof Mannheim 5:2 (3:0)
TSV Alemannia Aachen –
VfL Osnabrück0:3 (0:2)
VfB Stuttgart II – MSV Duisburg 0:4 (0:0)
FC Schweinfurt – Viktoria Köln 2:0 (1:0)
TSV Havelse – TSG Hoffenheim II 4:0 (1:0)
1. SC Verl 20 49 : 28 38
2. MSV Duisburg 20 36 : 22 37
3. FC Energija Choćebuz 20 43 : 34 37
4. Hansa Rostock 20 33 : 20 35
5. VfL Osnabrück 20 29 : 21 35
6. Čerwjeno-běli Essen 20 37 : 31 35
7. TSG Hoffenheim II 20 40 : 31 31
8. Wehen Wiesbaden 20 26 : 23 31
9. TSV 1860 Mnichow 20 30 : 30 31
10. Waldhof Mannheim 20 34 : 36 29
11. VfB Stuttgart II 20 26 : 30 29
12. Viktoria Köln 20 28 : 27 27
13. FC Ingolstadt 04 20 35 : 30 25
14. Jahn Regensburg 20 28 : 32 24
15. 1. FC Saarbrücken 20 30 : 32 23
16. FC Rudne horiny Aue 20 24 : 30 22
17. Alemannia Aachen 20 28 : 37 21
18. TSV Havelse 20 29 : 40 16
19. SSV Ulm 1846 20 26 : 45 16
20. 1. FC Schweinfurt 20 18 : 50 9
Přichodne hry:
23.01. 19:00 Viktoria Köln –
1. FC Saarbrücken
24.01. 14:00 FC Ingolstadt 04 –
VfB Stuttgart II
24.01. 14:00 FC Rudne horiny Aue –
SSV Ulm 1846
24.01. 14:00 FC Energija Choćebuz –
1. FC Schweinfurt
24.01. 14:00 Čerwjeno-běli Essen –
TSV Havelse
24.01. 14:00 TSG Hoffenheim II –
TSV Alemannia Aachen
24.01. 16:30 MSV Duisburg –
Jahn Regensburg
