Wuslědki (24.09.26)
wokrjesna klasa stafla III
Jednota Kamjenc – Radwor II 3:0 (2:0)
1. Módro-běli Njeswačidło 4 30:2 12
2. HZ Běła/Cunnersdorf 4 17:5 12
3. LSV Hory II 4 12:4 9
4. HZ Halštrow/Hlinowc II 3 4:8 6
5. ST Ćisk 3 9:7 3
6. Jednota Kamjenc 4 5:9 3
7. HZ Łaz / Běły Chołmc II 2 4:8 3
8. HZ Lubuš II / Bluń 2 2:6 1
9. Njebjelčicy II/Ralbicy II/Pančicy II
4 7:17 1
10. ST 1922 Radwor II 4 1:25 0
W druhim połčasu so stopnjowali
Sokoł Ralbicy/Hórki –
SC Wulke Rědorjecy 1:1 (0:1)
zestawa domjacych: Schöne - Wałda, B. Heidorn, R. Šnajder (76. Čórlich), L. Heidorn, Woko, Schmidt (68. Čóška), Šewc, Mjechela (64. Bulank), N. Šnajder, Šołta
Wědźo, zo maja hosćo spěšnych nadběhowarjow, chcychu Ralbičenjo najprjedy wěsće stać a swójske nadběhi spěšnje doprědka hrać. To pak so najprjedy dospołnje nimokuli. Hižo w 9. min. docpě Pascal Sturm přejednorje nawjedowanje 1:0. Z fintu steješe sam před wrotarjom a wěsće přetwori. W poslednjej mjeńšinje do přestawki nasta wótra diskusija. Nadběhowar Richard Šnajder startowaše nadběh a bu wot poslednjeho muža jasnje foulowany. Wšitcy ličachu z čerwjenej kartu za škitarja, tola sudnik pochłosta akciju jenož ze žołtej kartu.
Přećiwo Kulowčanam jasnje dobyli
SJ Chrósćicy –
Módro-běli Kulow 5:1 (2:0)
zestawa domjacych: Škoda – Mark (79. Cyž), Rätze, Kral-Zahrodnik, Matik, L. Zahrodnik (76. Wornar), Žur, Dźisławk (66. Zelnak), Hawš, Bogusz, G. Zahrodnik
zestawa hosći: Franz – Kochta, Korch, Katzer (77. Zwahr), Koplanski, Kisch (46. Bulang), Wehlan, Kockert, Čórlich, Rettig, Kowalick (70. Semjank)
Na pjatym hrajnym dnju běchu Kulowscy koparjo z hosćom w Chrósćicach. Při dešćikojtym wjedrje bě něhdźe 130 přihladowarjow na derby přichwatało. Chróšćenjo chcychu po poražce před tydźenjom zaso dypkować a z tym zwisk z hornim dźělom tabulki zachować.
Wuslědki (23.09.26)
wokrjesna wyša liga – wujimk z tabulki
1. SG Großnaundorf 5 21:5 12
2. Póst Germania Budyšin 5 14:9 12
3. SC 1911 Wulke Rědorjecy 5 13:5 10
4. Zeleno-běli Bukecy 5 13:10 10
5. SJ Chrósćicy 5 10:9 9
6. ST Horni kraj-Sprjewja 5 6:6 9
7. FV Ottendorf-Okrilla 5 11:13 9
8. Sokoł Ralbicy/Hórki 5 7:5 8
9. Bretnig-Hauswalde 5 11:6 7
Prěnje wolejbulowe mustwo Sportoweho towarstwa Viktoria Worklecy je z ...
Prěnje domjace dobyće sezony
ST Marijina hwězda –
ST Lubuš 6:1 (2:1)
zestawa domjacych: D. Matik – T. Jurš, R. Cyž, K. Pakoßnick (72. J. Clausen), E. Bulank - Fr. Bulank (76. D. Leppers), J. P. Kuring, Ch. Cyž, M. Wróbl (58. Luk. Hoge) - J. Pakoßnick (68. F. Nagmatov), A. Eldor
Jenož štyrceći přihladowarjow bě sej na sportnišćo w Pančicach-Kukowje dojěło. Wjetšina z nich pak njeje wopyt docyła wobžarowała. Klóšterscy koparjo na tutym dnju mjenujcy nimale kóždu šansu na wrota wužichu.
Wrotowy festiwal startował bě Franc Bulank. Po dwójnej přihrawce mjez Maćijom Wróblom a Christofom Cyžom druhi mjenowany bul preciznje k młodemu Wotrowčanej třěli. Bulank na to wrotarja Josepha Schuppana přewiny (24.). Nažel pak jenož štyri mjeńšiny dołho nawjedowachu, dokelž so po róžku žadyn hrajer hosćićela za Dustina Waltera zamołwity nječuješe. Z něhdźe pjeć metrow wón bul do zdaleneho róžka zhłójčkowa. Ali Eldor pak měješe na to w 38. mjeńšinje prawu wotmołwu. Po tym zo běše Franc Bulank duel w powětře za sebje rozsudźił a z tym Jakoba Pakoßnicka posłužił, so Pakoßnik hač k zakładnej liniji přesadźi. Ali Eldor suny přihrawku na to jenož hišće za wrotowu liniju.
Čerwjene košle derby dobyli
SJ Njebjelčicy – SJ Chrósćicy II 4:0 (1:0)
zestawa domjacych: Hahn – R. Čornak (68. Lehmann), Hanuza, Korjeńk (68. Marticke), Hrjehor, Krawčik (81. Čornak), Rudolf, Statnik (81. Reineke), Wjerš, Zarjeńk (46. Wagner), Plaettner
zestawa hosći: M. Cyž – Zynda, M. Zahrodnik (61. B. Donat), C. Handrik, F. Zelnak (90. Klemenz), Materna, J. Donat, Mlynk, Šiman (68. D. Dyrlich), Bjeńš, T. Donat
Chróšćenjo njezbožownje přěhrali
SJ Chrósćicy II –
HZ Hórnikečanski jězor / Kulow II 0:2 (0:0)
zestawa domjacych: Kola – J. Donat, Cyž (46. Zarjeńk), Młynk, T. Donat, Zahrodnik, Sćapan (59. Šołta), Wornar (46. Hicka), Bjenš, Dyrlich (84. Mark), Klemenc
Na minjenym hrajnym dnju witaše druhe koparske mustwo SJ Chrósćicy hrajne zjednoćenstwo Hórnikečanski jězor / Kulow II. Po poražce 0:4 tydźenja w Njebjelčicach chcychu Chróšćenjo wotpowědnje reagować.
Domjace mustwo startowaše spočatnje derje do hry a měješe tež hižo zahe wulku móžnosć na nawjedowanje. Po foulu w šěsnatce pokaza sudnik na dypk. Pokutny kop pak Chróšćanski hrajer we wrotach njezaměstni. Z tym so hrajny staw najprjedy raz njezměni (0:0).
Po tym wuwi so bojowniska hra, w kotrejž pak běchu jasne šansy před woběmaj wrotami rědkosć. Chróšćenjo spytachu přeco zaso swojich spěšnych hrajerjow z niskimi bulemi posłužeć, tola přeco zaso hosćo tute hišće w prawym wokomiku wotwobarachu. Krótko do přestawki wuhrachu sej hosćo swoju najlěpšu šansu. Nadběhowar třěleše z něhdźe 18 metrow, bul pak skoči najprjedy na žerdź a potom do rukow wrotarja. Tak podachu so wšitcy bjez wrotow do přestawki.
Sylny połčas Njebjelčanam dosahał
FSV Łuty –
SJ Njebjelčicy 0:3 (0:3)
zestawa hosći: Hahn – R. Čornak (81. T. Čornak), Wjerš, Korjeńk (76. Lehmann), Hrjehor, Krawčik, Dennis Vega de Paz (45. Marticke), Rudolf, Statnik (48. Wjacławk), Zarjeńk, Plaettner
W pjatej hrě sezony je mustwo Sportoweje jednotki Njebjelčicy we Łutach přećiwo tamnišemu FSV nastupiło. Z wosom dypkami běchu Łutowčenjo trochu lěpje do sezony startowali. SJN měješe do hry pjeć ličakow. Tuž wobě mustwje do furiozneje partije startowaštej. Traješe jenož 30 sekundow, doniž Ionel Statnik 1:0 (1.) njetrjechi.
Po diagonalnym bulu Jonasa Krawčika wuži třělc wrotow swoje tempo, wostaji zakitowarjow za sobu a połoži bul do dołheho róžka. Dołhi bul bě jara dobry srědk, so do strašnych rumow „zadobyć“. Tuž jón tež Handrij Korjeńk wuži, zo by ze swojej spěšnosću před wrota přišoł. Korjeńk ležernje 2:0 (21.) trjechi. Cyłk trenarja Daniela Pohling bě jasnje lěpše mustwo. Defensiwnje stejachu Njebjelčenjo stabilnje a doprědka wužiwachu tempo ofensiwnych mocow.
Wuslědki (22.09.26)
wokrjesna liga stafla II
1. TSV Połčnica 4 21:8 10
2. Zeleno-běli Sepicy 5 13:11 10
3. HZ Łaz/Běły Chołmc 5 21:17 9
4. SJ Njebjelčicy 5 13:7 8
5. ST Kinspork/Łužnica 5 12:6 8
6. FSV Łuty 5 8:8 8
7. ST Marijina hwězda 5 11:12 7
8. FC Łužica 5 12:12 6
9. ST Lubuš 4 5:15 6
10. Módro-běli Minakał 4 11:9 5
11.Wulke Ždźary / Kulow II 5 10:13 5
12. SJ Chrósćicy II 5 3:12 4
13. Natw. Němske Pazlicy II 4 4:8 2
14. ST Radwor 5 5:11 1
wokrjesna klasa stafla I
1. TSV Wóspork 4 18:3 12
2. ST Demicy-Tumicy 4 14:4 9
3. SZ Drjewnica 05 3 8:1 9
4. HZ Hodźij II 4 12:10 9
5. Zeleno-běli Bukecy II 4 17:6 6
6. HZ Mały Wjelkow 4 8:8 6
7. Hz Mały Wosyk 4 4:9 3
8. ST Horni kraj Sprjewja II 4 3:15 3
9. HZ Arnsdorf II 4 5:9 0
10. HZ Budyšink 3 1:25 0
