Stadion budźe pře- a wutwarjeny

Montag, 19. Juli 2021 geschrieben von:
Krajna stolica Drježdźany dóstanje 770 000 eurow spěchowanskich srědkow z Eu­rop­­skeho fondsa za regionalne wuwiće (EFRE) po spěchowanskej směrnicy „Sporjadkowanje poćeženych płonin“, zo bychu kontaminowane twarske wotpadki w zwisku z pře- a wutwarom Heinza Steyeroweho stadiona fachowsce wotstronili. Měšćanosta za sport dr. Peter Lames dźakuje so Swobodnemu statej Sakskej za spěchowanje. Cyłkowne kóšty wučinjeja něhdźe 960 000 eurow. Zbytk zaruna město Drježdźany. Twarske dźěła započnu so w oktobrje 2021. Foto: Jürgen Männel

Haselbachtalski koparski camp

Montag, 19. Juli 2021 geschrieben von:

W prěnim prózdninskim tydźenju wot 26. do 29. julija přewjedźe Sportowe towar­stwo Haselbachtal w Bischheimje zaso­ koparski camp za holcy a hólcow w starobje šěsć do 16 lět.

Wot 9.30 do 16 hodź. poskića tam kóždy­ dźeń wotměnjawy trening, za kotryž móžachu prominentnych nazwu­čowa­rjow angažować. Připrajili su mjez druhim Tomaš Henčl (Budissa Budyšin, wyša liga), Frank Lippmann (něhdyši hrajer Dynama Drježdźany), Thomas Baron­ (trenar koparskeje młodźiny A FC Hornjeje Łužicy Neugersdorf) a Udo Schmuck (něhdyši hrajer a trenar Dynama Drježdźany). SN

Awtor dźensa Tomaš Faska

Pisamy 19. julij, mjeztym woprawdźe hižo zaso­ 200. dźeń lěta, a to je datum­ z wosebitym wuznamom za najznaćiše a najwoblubowaniše kolesowarske wubědźowanje swěta. Wěnuju so tónraz Tour de France, kotrejež lětu­še wudaće skónči so wčera w Parisu z dobyćom wusahowaceho Słowjenca Ta­de­­ja Pogačara.

Sport (16.07.21)

Freitag, 16. Juli 2021 geschrieben von:

Přihotuja koparski supercup

Sportowa jednotka Njebjelčicy budźe 25. julija w Njebjelčicach hosćićel 4. serbskeho supercupa – turněra ze štyrjomi koparskimi mustwami. Wot 14.30 hodź. přewjedu prěnje połfinale, wot 15.25 hodź. druhe. Hra wo třeće městno za­počnje so potom wokoło 16.25 hodź., finale něhdźe w 17.25 hodź. Kóždy duel je na 45 mjeńšin postajeny, kmótřistwo turněra přewozmje zapósłanc krajneho sejma Alojs Mikławšk (CDU). Wón chce tež wobaj­ semifinalej wulosować. Připrajili su SJ Chrósćicy, SJ Njebjelčicy, ST 1922 Radwor a Sokoł Ralbicy/Hórki. Naposledk mjenowany cyłk pokal zakituje.

6. captainscup w bičwolejbulu

Wolejbulisća Viktorije Worklecy přewjedu 31. julija a 1. awgusta wot 10 hodź. šesty bičwolejbulowy captains­cup. Hrać budu we Worklecach na nowymaj bič­wolejbulnišćomaj za sportowej halu. Nimo turněra na wyšim niwowje z hra­jerjemi sakskeje klasy změja tam lětsa tež turněr za wólnočasne mustwa. Dokładne wupisanje a přizjewjenske modality pod

Bičtura Satkule dale dźe

Nowe stafle NOFV

Donnerstag, 15. Juli 2021 geschrieben von:

Prezidij Sewjerowuchodneho koparskeho zwjazka (NOFV) je po swojim zjězdźe 25. junija 2021 slědowacym zjednoćenstwam přizwolenje wudźělił a rjadowanje staflow za hrajne klasy NOFV za sezonu 2021/2022 wobzamknył.

regionalna liga-žony

1. FFC Turbina Podstupim

FC Viktoria Berlin

1. FC Union Berlin

Steglitzski FC Stern 1900

Módro-běli Hohen-Neuendorf

Türkiyemspor Berlin

FSV Babelsberg 74

Rostockski FC

SC Staaken 1919

FC Phoenix Lipsk

FC Carl Zeiss Jena II

Magdeburgski FFC

1. FFV Erfurt

SV Eintracht Lipsk-juh

Biskopičanske KT 08

RB Lipsk II

DFC Wuchodna Sakska Šwikawa

regionalna liga-młodźina A

Tenis Borussia Berlin

F.C. Hertha 03 Zehlendorf

FC Čerwjeno-běli Erfurt

Berlinski SC

FC Rudne horiny Aue

SC Staaken 1919

FSV Šwikawa

SV Babelsberg 03

1. FC Neubrandenburg

BFC Dynamo

Hornja Łužica Neugersdorf

Fortuna Magdeburg

FC Mecklenburg Schwerin

RSV Eintracht

FSV Wacker Nordhausen

Berlinski AK 07

VSG Altglienicke

1. FC Frankfurt Wódra

FC Spěchowanski kader Rene Schneider

VfL 96 Halle

BSG Chemija Lipsk/SC Borea Drježdźany

JFC Gera/JFC 1.F Juh 012 Eichsfeld

Bičtura Radija Satkula zahajena

Donnerstag, 15. Juli 2021 geschrieben von:
Na póndźelnu prěnju staciju lětušeje bičwolejbuloweje tury Radija Satkula we Wotrowje bě něhdźe 200 ludźi přišło. Třinaće mustwow so tam na hrajnišću wubě­dźowaše. Na kóncu přesadźi so Radworske mustwo přećiwo Satkularjam snadnje z 8:7. Přichodnu póndźelu pojědu młodźi wolejbulisća na swoju druhu staciju bič­tury Radija Satkula, a to do Kulowa. Foto: Konstantin Hrjehor

Nowe stafle NOFV

Mittwoch, 14. Juli 2021 geschrieben von:

Prezidij Sewjerowuchodneho koparskeho zwjazka (NOFV) je po swojim zjězdźe 25. junija 2021 slědowacym zjednoćenstwam přizwolenje wudźělił a rjadowanje staflow za hrajne klasy NOFV za sezonu 2021/2022 wobzamknył.

wyša liga-stafla sewjer

SC Staaken 1919

Greifswaldski FC

Torgelowski FC Greif

RSV Eintracht 1949

FC Hertha 03 Zehlendorf

Steglitzski FC Stern 1900

FC Hansa Rostock II

TSG Neustrelitz

HZ Módro-běli 1890 Berlin

MSV Pampow

Rostockski FC wot 1895

Charlottenburgski FC Hertha 06

SV Victoria Seelow

1. FC Lok Stendal

Braniborski SC Juh 05

Ludwigsfelder FC

BSV Eintracht Mahlsdorf

MSV 1919 Neuruppin

FC Mecklenburg Schwerin

SJ Chrósćicy –

ST Hnašecy/Dobruša 1:1 (1:0)

Za domjacych zasadźeni: Hejduška, Králíček – L. Zahrodnik, Mark, Runt, B. Cyž, Sentivan, Bogusz, Kreuz, Krawc, M. Zahrodnik, Donat, Wornar, C. Handrik, G. Zahrodnik, M. Cyž, S. Handrik, Zynda

Swoju druhu testowu hru přewjedźechu koparjo SJ Chrósćicy přećiwo Hnašecam/Dobruši. Při słónčnym wje­drje bě tež tójšto přiwisnikow wobeju mustwow na Chró­šćanske sportnišćo přišło. Domjacy trenar Pavel Runt měješe nimale cyły kader k dispoziciji, tak zo móžeše znowa młodych hrajerjow testować.

Tradicionalnej wolejbulowej dwubojej na Serbskim gymnaziju Budyšin (SGB) wotměštej so minjeny štwórtk. 29. duel muskeje generacije rozsudźichu maturanća z 3:0 přećiwo swojim wučerjam, rozžohnowace so abiturientki přewinychu wučerki z 2:0.

Tradicionalnej duelej při wysokim saku stej minjeny štwórtk krótko do 14 hodź. mnohich šulerjow wjacorych lětnikow přiwabiłoj, a to do sportownje Serbskeho a šulskeho zetkawanskeho centruma Budy­šin. Wulki fanowy blok našich dwanat­karjow postara so wo porjadnu atmosferu a tworješe tak perfektny ramik wu­bědźowanja. Za musku generaciju SGB bě to mjeztym 29. wolejbulowy duel. 26. meje 1993 běchu so abiturienća přećiwo swojim wučerjam z 3:2 přesadźili. Tež tónraz juskachu woni nad jasnym 3:0, dobywši jednotliwe přechody 25:21, 25:19 a 25:18. W mustwje tči njesměrny potencial, kotryž je wone tón dźeń přeswědčiwje wužiwało. We wurisanjach „Młodźina trenuje za olympiju“ je tónle lětnik 2019 z kapitanom Jakubom Bobku mjez šěsć finalistami 4. městno wobsadźił a lěto pozdźišo so z bronzu do Łužicy wróćił (SN rozprawjachu).

Skónčnje zaso dwě mustwje

Dienstag, 13. Juli 2021 geschrieben von:

25. junija 2017 je druhe mustwo Sokoła Ralbicy/Hórki dotal swoju poslednju dypkowu hru přewjedło. Po tym so mustwo­ mało koparjow dla rozpušći, a wot toho časa eksistowaše w Delanach jenož hišće jedyn cyłk muži. Wot noweje sezony pak změja tam zaso dwej muskej mustwje, kaž je to Jurij Bjeńš wot Chrystofa Gloxyna zhonił.

Wot noweje sezony změje Sokoł RalbicyHórki zaso dwě koparskej mustwje muži. Trjechi to?

Ch. Gloxyn: Haj, cyle prawje. Hižo loni smy wo tym přemyslowali, rezerwu za prěnje mustwo Sokoła znowa załožić, tola­ tehdy mějach hišće trochu brjuše­bolenje. Třo do štyrjo hrajerjo mi tehdy pobrachowachu ...

... a lětsa tu su?

Ch. Gloxyn: Situacija je podobna kaž loni. Mamy něhdźe 30 aktiwnych koparjow, k tomu hišće toho abo tamneho, kiž by hdys a hdys někotre hry přewjedł. Chcu cyle jednorje kóždemu móžnosć skićić, kónc tydźenja jednu dypkowu hru přewjesć móc. Jako trenar běše za mnje minjeny čas stajnje jara ćežko. Wšako dyrbjach hrajerjam zdźělić, zo njejsu w kadrje. Tohodla je nuznje trjeba skónčnje zaso druhe mustwo pola Sokoła měć.

Anzeige