Sport (06.03.26)
Koparski derby w Kulowje
Winowatostna koparska hra w Połčnicy na kumštnym trawniku mjez koparskim mustwom TSV Połčnicy II a prěnim koparskim mustwom sportoweho towarstwa Marijineje hwězdy twori jutře připołdnju zazběh koparskich hrow. Tež Ralbičenjo hraja we wokrjesnej wyšej lize w měsće poprjancow. Přiwisnicy, kiž chcedźa sej hru prěnjeho koparskeho mustwa SJ Chrósćicy přećiwo hosćom z Horow wobhladać, dyrbja sej do Hórkow dojěć. Tam přewjedźe so tež partija rezerwy SJC.
07.03. 12:45 TSV Połčnica II –
ST Marijina hwězda
07.03. 14:00 FC Energija Choćebuz –
Hansa Rostock
07.03. 15:00 TSV Połčnica –
Sokoł Ralbicy/Hórki
07.03. 15:00 Módro-běli Kulow –
Rakečanske ST
08.03. 12:30 SJ Chrósćicy II –
Zeleno-běli Sepicy
08.03. 15:00 SJ Chrósćicy – LSV Hory
08.03. 15:00 ST Radwor –
Wojerowski FC II
Wolejbul kónc tydźenja
Choćebuženjo dale bjez poražki
FC Energija Choćebuz – SC Verl 0:0
FC Energija Choćebuz: Funk – Cvjetinović, Manu, Awortwie-Grant, Straudi, Pelivan (65. Tolga Ciğerci, Borgmann, Lucoqui (65. Michelbrink), Tolcay Ciğerci, Hannemann (77. Moustfa), Engelhardt
Duel načolnika tabulki přećiwo štwórtemu třećeje ligi njeměješe žanoho dobyćerja, dokelž steještej wobě mustwje jara stabilnje w defensiwje. Wostudła pak partija njebě, dokelž pokazaštej Choćebuz a Verl w srjedźnym polu přeco zaso dobre akcije.
Po přestawce měještaj Erik Engelhardt, kotryž hraješe nałamaneho nosa dla z masku, a Tolcay Ciğerci wulkej šansy, kotrejž pak k wuspěchej njewjedźeštej. W přidatnym hrajnym času pak sadźichu hosćo z Verla wšitko na jednu kartku, zo bychu po třoch wonkownych poražkach skónčnje tři ličaki sobu domoj wzali. Tola přeco zaso zamóchu koparjo FC Energije wjelelubjace pospyty SC Verl wotwobarać. Po remisu drje je FC Energija swoju poziciju na čole tabulki zhubiła, tola Choćebuženjo su dale w načolnej skupinje třećeje ligi zaměstnjeni.
VfB Stuttgart II –
FC Energija Choćebuz 1:2 (0:0)
Faworita jasnje porazyli
Posledni test derje zmištrowali
SJ Chrósćicy II –
Módro-běli Kulow II/Wóslink-Skaskow 4:0 (3:0)
Za domjacych hrajachu: M. Mark – Lehmann, Materna, K. Mark, Budar, Sćapan, M. Zahrodnik, Kř. Zahrodnik, J. Donat, B. Donat, Bjeńš, T. Donat, Klemenc, M. Donat, F. Zahrodnik, Špitank, Kola, Brühl
Za hosći hrajachu: Leonhardt – Kral, Jorsch, Paß, Fiebig, Semjank, Richter, Szczepanski, Pjaca, Modsching, Schäfer, Dittrich
Njedźelu je druhe koparske mustwo SJ Chrósćicy swój druhi test do zahajenja druheje połserije přewjedło. Na hrajnišću w Hórkach nastupichu Chróšćenjo přećiwo druhemu mustwu z Kulowa, kotrež twori z towarstwom Wóslink-Skaskow hrajne zjednoćenstwo. Jako wokrjesny ligist chcychu hosćićeljo přećiwo mustwu wokrjesneje klasy swoje zamóžnosće na trawniku dopokazać.
Najmłódši w Jednoće za bulom honili
Posledni dźeń februara, minjenu sobotu, bě sej Sportowa jednotka Chrósćicy 1981 dorostowych koparjow młodźinow F a E na halowy turněr přeprosyła.
Dopołdnja w 9 hodź. bě zakop młodźiny F. Cyłkownje wosom mustwow hraješe w dwěmaj staflomaj. W předkole dopokazachu młodźi koparjo dobry hrajerski wukon. Za połfinalej kwalifikowachu so na kóncu mustwa Budissa Budyšin, BSW Łužica, Rakečenjo a domjacy cyłk Chróšćanow. Wuslědkaj połfinalow běštej jasnej, tak zo steještej sej w finalu domjace mustwo a BSW Łužica napřećo. Sćěhowaše napjata kónčna hra. BSW hižo 2:0 nawjedowaše, tola Chróšćenjo zastatk z wulkej zasadźitosću nachwatachu a hru w poslednich wokomikach na 3:2 zwjertnychu. Nalada a wjeselo nad dobyćom běštej přemóžacej. Nimo městnow a dobyćerjow bu najlěpši wrotar mytowany. To běše Stani Škoda z Pančic-Kukowa. Najlěpšej hrajerjej turněra běštaj Max Schlimper a Max Nitsche z mustwa BSW Łužica.
Liški dale na prawym kursu
Łužiske liški –
EC Kassel Huskies 3:1 (2:0, 1:0, 0:1)
Łužiske liški su pjatk swoju domjacu hru přećiwo sylnym Kasselskim Huskiejam 3:1 dobyli. Štyri hrajne dny do kónca hłowneho koła sadźichu Liški z tym sylne znamjo w boju wo playoffs.
Kassel startowaše z tójšto wotmachom a wukonješe zahe ćišć na Běłu Wodu. Anthony Morrone we wrotach Łužičanow w spočatnej fazy z wjacorymi paradami zastatkej zadźěwa. W 11. min. trjechi Christopher Theodore 1:0. Wrota sudnicy po widejowym dopokazu wobkrućichu.
W 17. min. zwyši Adam Brady po spěšnym konteru na 2:0. Z tutym nawjedowanjom dźěše do prěnjeje přestawki.
W druhej třećinje Liški porjadnje zakitowachu a Kasselej lědma rumy wostajichu. Anthony Morrone wosta z wjacorymi paradami wěsta zepěra. W 30. min. wuži Lennard Nieleck zmylk Huskiejow za 3:0. Běłowodźenjo kontrolowachu po tym w dalokej měrje hrajne podawki.
Wuslědki (03.03.26)
Wokrjesna liga stafla II
1. Traktor Malešecy 13 38 : 11 31
2. Módro-běli Minakał 13 38 : 21 30
3. ST Lubuš 13 39 : 16 29
4. HZ Łaz/Běły Chołmc 13 34 : 17 22
5. ST 1896 Wulka Dubrawa 12 37 : 19 20
6. ST Kinspork/Łužnica 12 29 : 22 19
7. ST Radwor 12 26 : 29 16
8. FSV Łuty 13 19 : 26 16
9. FC Łužica 13 21 : 31 14
10. HZ Wulke Ždźary 13 28 : 43 14
11. Wojerowski FC II 13 26 : 31 13
12. Zeleno-běli Sepicy 13 13 : 30 13
13. Rakečanske ST II 12 14 : 44 9
14. SJ Chrósćicy II 13 12 : 34 4
Richard Šnajder serbski derby rozsudźił
Sokoł Ralbicy/Hórki –
SJ Chrósćicy 1:0 (0:0)
Zestawa domjacych: Schöne – Wałda, Šewc, B. Heidorn, Šołta, P. Woko, A. Woko (46. Korjeńk), Mikławšk (65. Bejmak), B. Bejma (69. Rachela), Hicka (61. R. Šnajder), N. Šnajder
Zestawa hosći: Škoda – L. Zahrodnik (73. Handrik), Zynda, Cyž, Młynk, Dźisławk, Hawš, Rätze (81. Kral-Zahrodnik), G. Zahrodnik, Wornar (69. Graf), Bogusz (81. Šiman)
Druhi raz w tutej sezonje su Sokoljo z Ralbic po serbskim derbyju přećiwo Sportowej jednotce Chrósćicy „My smy dobyli“ zakantorić směli a znowa běše to hač do poslednjeho wokomika wulki bój. Rjanu kopańcu pak wčera wjac hač 300 přihladowarjow na twjerdym hrajnišću w Ralbicach widźało njeje. Hrajnišćo běše drje mjechke, ale tež najlěpšim technikarjam bul stajnje zaso wotskoči. Tak nasta nerwozna a bojowniska hra z njeličomnymi dwubojemi, dźewjeć žołtymi kartami, mało jasnymi šansami a jenož jednymi wrotami.
Widźał,słyšał, napisał (02.03.26)
Awtor dźensa
Lukáš Novosad
Zamołwity za tule kolumnu swojich awtorow rady napomina, zo maja nimo kopańcy a wolejbula tež na druhe sportowe družiny myslić. Tohodla wužiwam dołho wočakowanu přiležnosć a pisam wo tenisu. Tole so tež hladajo na čas hodźi, wšako je serbske mjeno za měrc nalětnik, štož derje pokazuje, hdźe časowje w běhu lěta stejimy: Zyma so poněčim rozžohnuje a z njej rozžohnuje so tež zymski sport a myslimy hižo na lěćny.
Runje před měsacom je ideja šefa turněra Australian Open Craiga Tileyja kedźbnosć zbudźiła: Wot klětušeho maja žony wot štwórćfinala swoje hry na tři dobyćerske sety hrać. Pozadk jeho ideje je tajki: Finalna hra turněra žonow bě lětsa napinaca, druhe hry pak su na jasne a spěšne wašnje wotběželi. Fanojo so mjerzaja, sponsorojo runje tak. Wšako je so wopokazało, zo čim spěšniša hra je, ćim mjenje zajima ludźo za nju maja. Potajkim dźe kaž přeco wo pjenjezy, a sport steji w pozadku.
Wuslědki (02.03.26)
Wokrjesna wyša liga
Rakečanske ST – Póst Budyšin 2:4 (1:1)
Zeleno-běli Bukecy –
SG Großnaundorf5:2 (3:1)
FV Ottendorf-Okrilla –
TSV Połčnica 0:1 (0:0)
ST Horni kraj-Sprjewja –
TSV Wachau 1:1 (0:1)
LSV Hory – SC Wulke Rědorjecy 1:1 (0:1)
Drohotka Ramnow – Kulow 3:0 (1:0)
Sokoł Ralbicy/Hórki –
SJ Chrósćicy 1:0 (0:0)
Hlinowski SK –
ST Hnašecy-Dobruša 1:1 (1:0)
1. ST Hnašecy-Dobruša 17 40 : 22 39
2. Póst Germania Budyšin 16 38 : 17 35
3. Sokoł Ralbicy/Hórki 16 33 : 22 34
4. SG Großnaundorf 16 40 : 26 31
5. Rakečanske ST 16 38 : 28 27
6. SC Wulke Rědorjecy 16 37 : 26 24
7. LSV Hory 16 46 : 45 23
8. Zeleno-běli Bukecy 16 38 : 33 22
9. Hlinowski SK 1931 16 39 : 47 18
10. Módro-běli Kulow 16 24 : 33 18
11. FV Ottendorf-Okrilla 16 24 : 31 17
12. Drohotka Ramnow 15 20 : 34 16
13. TSV Połčnica 15 18 : 33 15
14. SJ Chrósćicy 16 31 : 31 13
15. ST Horni kraj-Sprjewja 17 20 : 41 13
16. TSV Wachau 16 20 : 37 12
