Widźał,słyšał, napisał (02.03.26)
Awtor dźensa
Lukáš Novosad
Zamołwity za tule kolumnu swojich awtorow rady napomina, zo maja nimo kopańcy a wolejbula tež na druhe sportowe družiny myslić. Tohodla wužiwam dołho wočakowanu přiležnosć a pisam wo tenisu. Tole so tež hladajo na čas hodźi, wšako je serbske mjeno za měrc nalětnik, štož derje pokazuje, hdźe časowje w běhu lěta stejimy: Zyma so poněčim rozžohnuje a z njej rozžohnuje so tež zymski sport a myslimy hižo na lěćny.
Runje před měsacom je ideja šefa turněra Australian Open Craiga Tileyja kedźbnosć zbudźiła: Wot klětušeho maja žony wot štwórćfinala swoje hry na tři dobyćerske sety hrać. Pozadk jeho ideje je tajki: Finalna hra turněra žonow bě lětsa napinaca, druhe hry pak su na jasne a spěšne wašnje wotběželi. Fanojo so mjerzaja, sponsorojo runje tak. Wšako je so wopokazało, zo čim spěšniša hra je, ćim mjenje zajima ludźo za nju maja. Potajkim dźe kaž přeco wo pjenjezy, a sport steji w pozadku.
Wuslědki (02.03.26)
Wokrjesna wyša liga
Rakečanske ST – Póst Budyšin 2:4 (1:1)
Zeleno-běli Bukecy –
SG Großnaundorf5:2 (3:1)
FV Ottendorf-Okrilla –
TSV Połčnica 0:1 (0:0)
ST Horni kraj-Sprjewja –
TSV Wachau 1:1 (0:1)
LSV Hory – SC Wulke Rědorjecy 1:1 (0:1)
Drohotka Ramnow – Kulow 3:0 (1:0)
Sokoł Ralbicy/Hórki –
SJ Chrósćicy 1:0 (0:0)
Hlinowski SK –
ST Hnašecy-Dobruša 1:1 (1:0)
1. ST Hnašecy-Dobruša 17 40 : 22 39
2. Póst Germania Budyšin 16 38 : 17 35
3. Sokoł Ralbicy/Hórki 16 33 : 22 34
4. SG Großnaundorf 16 40 : 26 31
5. Rakečanske ST 16 38 : 28 27
6. SC Wulke Rědorjecy 16 37 : 26 24
7. LSV Hory 16 46 : 45 23
8. Zeleno-běli Bukecy 16 38 : 33 22
9. Hlinowski SK 1931 16 39 : 47 18
10. Módro-běli Kulow 16 24 : 33 18
11. FV Ottendorf-Okrilla 16 24 : 31 17
12. Drohotka Ramnow 15 20 : 34 16
13. TSV Połčnica 15 18 : 33 15
14. SJ Chrósćicy 16 31 : 31 13
15. ST Horni kraj-Sprjewja 17 20 : 41 13
16. TSV Wachau 16 20 : 37 12
Sport (27.02.26)
Pokalne poł- a finale
Prěnje blidotenisowe mustwo Sportoweho towarstwa Viktorije Worklecy hraje jutře w Čerwjenych Noslicach w pokalnym kole wokrjesneho blidotenisoweho zwjazka. Najprjedy wot 14 hodź. přećiwo SZ 1953 Čerwjene Noslicy a po tym wokoło 15.30 hodź. přećiwo dobyćerjej abo přěhračkej hry TTV 97 Kamjenc – MSV Budyšin 04 IV. Potajkim wo třeće abo prěnje městno.
Tři duele w cuzbje
Druhe wolejbulowe mustwo muži sportoweho towarstwa Viktorije Worklecy nastupi jutře we Wojerecach a hraje tam přećiwo rezerwje Nysa z Kupoje Noweje Łuki. Tež wobě holčacej a žonjacej mustwje Viktorije hrajetej dźensa w cuzymaj halomaj.
28.02. 11:00 Nysa Volleys –
Viktoria Worklecy (ž)
28.02. 14:00 ST Kupoj Nowa Łuka –
Viktoria Worklecy II
28.02. 14:00 MB Wojerecy II –
Viktoria Worklecy II (ž)
Winowatostne koparske hry
We Wulkej Dubrawje přewjedźe so jutře derby mjez Wulkodubrawčanami a Radworčanami. To je nachwatanska dypkowa hra. Serbski koparski derby Sokoł Ralbicy/Hórki – SJ Chrósćicy we wokrjesnej wyšej lize bu wo hodźinu wot dwěmaj na třoch přepołoženy.
28.02. 13:30 ST 1896 Wulka Dubrawa
– ST Radwor
28.02. 16:30 FC Energija Choćebuz –
SC Verl
Radworscy koparjo posledni test dobyli
ST 1922 Radwor – SZ Drjewnica 5:0 (2:0)
Za Radworske mustwo zasadźeni: Pěčak, Šěrak – B. Grubert, M. Grubert, Šefer, Wjeńka, Hetaš, Wencel, Paška, Mička, Glücklich, Dźisławk, Aldeen, Adam, Dej, Elsner, Wjesela, Buša
Wuslědki (26.02.26)
Kopańca, krajna klasa
Radebeul – Zschachwitz 2:1 (2:0)
DD Strěžin – ST Bannewitz wupad
Póst Drježdźany – Hródk 1:6 (1:3)
Weixdorf – Žołto-běli Zhorjelc 5:2 (3:1)
Němske Pazlicy – Radebergerg1:2 (0:2)
1. 1990 Nowosólc-Hródk 16 61 : 22 34
2. Přezjednota Niska 15 45 : 27 29
3. FSC Wódrjeńca 02 14 43 : 19 27
4. Wojerowski FC 15 29 : 17 26
5. Radebergerske ST 16 45 : 43 26
6. SZ Drježdźany Strěžin 15 38 : 37 23
7. Radebeulski BC 16 26 : 30 23
8. SG Weixdorf 16 28 : 29 22
9. Natwar Němske Pazlicy 16 30 : 33 22
10. Chemie Dohna 15 30 : 39 21
11. Biskopičanske KT II 15 29 : 39 20
12. Póst Drježdźany 16 36 : 42 18
13. ST Wesenitzal 15 24 : 37 16
14. ST Bannewitz 15 25 : 29 13
15. Módro-běli Zschachwitz 16 23 : 53 12
16. Žołto-běli Zhorjelc 15 22 : 38 7
W testowej hrě darikaj rozdawali
ST Natwar Němske Pazlicy II – SJ Chrósćicy II 2:2 (2:2)
Za hosći hrajachu: Mark – M. Donat, Kola, Materna, Budar, Sćapan, M. Zahrodnik, Šiman, J. Donat, B. Donat, Kř. Zahrodnik, T. Donat, Klemenc, Špitank
Rezerwa Chróšćanskeje sportoweje jednotki je so zašłu njedźelu na swoju prěnju testowu do druheje połserije do Kamjenca podała. Špatneho wjedra dla njebě dotal přewjele přihota móžno. Tohodla bě dewiza přećiwo druhemu zastupnistwu z Němskich Pazlic, so najprjedy raz zaso do hry namakać.
Spočatna faza partije bě wurunana. Wobě mustwje nochcyštej so přewulkemu rizikej wustajić, tak zo so hra w prěnich mjeńšinach w srjedźnym polu wotměwaše. W 12. min. prěni króć juskachu. Po přihrawce ze srjedźneho pola wuhibny so Bosćan Donat swojim přećiwnikam, předrě so wotprawa do šěsnatki a z něhdźe sydom metrow wótrje do dołheho róžka wotzamkny. Z tym hosćo 1:0 nawjedowachu. Stajnje zaso pak zašmjatachu so mylne přihrawki w natwarje Chróšćanow, tak zo so Pazličenjo poněčim tež někotre razy přećiwnej šěsnatce přibližowachu.
Na marathonje w pusćinje pódla był
Serbski wutrajnosportowc Stefan Möller (srjedźa) je wčera, wutoru, w Algeriskej při mjezynarodnym marathonje w pusćinje Sahara druhe městno wobsadźił. 32lětny rodźeny Šunowčan bě při 26. wudaću na distancy 42,195 kilometrow prěni sportowc z Němskeje, kiž doběža mjez prěnimi třomi do cila. Prěnje a třeće městno wobsadźištaj wčera Španičanaj z Baskiskeje. Loni kónc oktobra bě so Stefan Möller hižo w Iraku na marathonowej distancy wubědźował a tam 11. městno wobsadźił.
Foto: Stefan Möller
Liški dočasnje klasu dźerža
EC Bad Nauheim – Łužiske lodohokejowe liški 2:6 (1:1, 1:2, 0:3)
Běłowodźenjo dobychu pjatk pola EC Bad Nauheim jasnje 6:2 a swjećachu šeste dobyće za sobu. Z tutym wuspěchom Łužičenjo pjeć hrajnych dnjow do kónca hižo klasu wěsće dźerža. Bad Nauheim startowaše intensiwnje a docpě we 8. min. nawjedowanje přez Ryana Olsena.
Liški wostachu měrni a wurunachu w 17. min. přez Adama Bradyja po přihrawce Clarke Breitkreuza. Z hrajnym stawom 1:1 dźěše do prěnjeje třećinoweje přestawki.
W srjedźnym wotrězku trjechi Ryan Olsen w hrě z hrajerjom wjac na lodźe znowa k nawjedowanju 2:1 za Bad Nauheim (24.). Jenož mjeńšinu pozdźišo pak Charlie Jahnke po konteru k 2:2 wuruna. W 37. min. docpě Marlon Braun 3:2 nawjedowanje za Běłowodźanow.
Na spočatku kónčneje třećiny zwyši Alexander Dosch po třělwje Kyle Havlena na 4:2 (44.).
Chcedźa zaso horjeka sobu hrać
Sportowy reporter Werner Müller je w zymskej přestawce, kotraž so nětko doskónčnje nachila, čas wužił a so z Peterom Grenzemannom, trenarjom prěnjeho koparskeho mustwa Sportoweho towarstwa 1922 Radwor rozmołwjał.
Sy z prěnjej połseriju sezony 2025/2026 spokojom?
Po ćežkej druhej połseriji zašłeje hrajneje doby smy derje do noweje sezony startowali. Po prěnich hrajnych dnjach smy samo w načolnej skupinje tabulki stali. Přiwšěm njejsmy přeco zdokonjeli, połny potencial mustwa wotwołać. Je to jara młody cyłk, kotryž drje wjele lubi, ale dyrbi hišće nazhonjenja zběrać. W někotrych hrach smy widźeli, što w hólcach tči, ale w druhich wokomikach njeběchmy konstantni dosć. Runje w hrach, w kotrychž zabjerješ tak mjenowanu rólu faworita, je nam druhdy trěbny měr pobrachował. Zwostanje hišće wjele dźěła, zo by so team dale wuwił a wobstajnišo agěrował.
Što běchu wjerški prěnjeje połserije?
FC Energija na čole tabulki
FC Rudne horiny Aue – FC Energija Choćebuz 1:2 (1:1)
FC Energija Choćebuz: Funk – Straudi, Awortwie-Grant, Manu, Lucoqui, Michelbrink (60. Tolga Ciğerci), Pelivan (80. Butler), Borgmann, Tolcay Ciğerci (89. Cvjetinovic), Engelhardt, Hannemann (60. Moustfa)
slěd wrotow: 1:0 Bär (5.), 1:1 Manu (12.), 1:2 Borgmann (87.)
přihladowarjo: 11 774
Zažny zastatk škitar King Manu spěšnje wuruna. Při 0:1 bě so nutřkowny škitar přećiwo třělcej wrotow Marcelej Bärej hišće amatersce zadźeržał. Po 1:1 pak FC Energija Choćebuz duel jasnje dominowaše. Jeničce poslednje přihrawki běchu husto přenjedokładne. Hewak bychu hosćo hižo z jasnym předskokom do kabiny šli.
