ST Zemicy-Tumicy – ST Marijina hwězda 2:1 (1:0)

Zestawa hosći: B. Czapik – D. Leppers, R. Cyž, K. Pakoßnick, B. Zynda, Fr. Bulank, A. Eldor, Ch. Cyž, E. Bulank, P. Seiler (67. F. Hejduška), F. Nagmatov

W zašłej pokalnej sezonje běchu so koparjo z Pančic-Kukow hakle w štwórćfinalu po hrě přećiwo wokrjesnemu wyšemu ligistej z Hnašec-Dobruše po třělenju jědnatkow rozžohnowali.

Tutón raz pak dźěše za Pančičanow cyle spěšnje. Hižo po prěnim kole běše kónc. Z małym kadrom – jenož dwanaće muži steješe k dispoziciji – běchu hosćo hižo po 120 sekundach w zastatku. Z rjanym bulom Joe Wenzel swojeho nadběhowarja Paula Grobu posłuži, kotryž bul do dołheho róžka přetwori. Wobaj staj w zašłej sezonje hišće za ST Drohotku Ramnow hrałoj. Samsny hrajer so po zamjeće lesćiwje přesadźi a kulu wolej w prawym róžku zaměstni (82.). Christof Cyž so w 90. min. wo přizamknjenske wrota postara. Z wólnym kopom ze zdalenosće sydomnaće metrow zbudźi hišće škričku nadźije, kotraž pak bu z wothwizdanjom partije mało wokomikow pozdźišo skoku zaso zničena.