×

Nachricht

Failed loading XML...

Kader Budissy Budyšin za nowu hrajnu dobu rosće

Montag, 26. April 2021
Artikel bewerten
(0 Stimmen)
Pavel Patka (druhi wotprawa, Budissa Budyšin) wostanje dalše lěto w sprjewinym měsće w rjadach krajneho ligista. Dotal je wón za Budyšanow w 192 hrach zasadźeny był a sydom wrotow třělił.  Foto: Torsten Zettl Pavel Patka (druhi wotprawa, Budissa Budyšin) wostanje dalše lěto w sprjewinym měsće w rjadach krajneho ligista. Dotal je wón za Budyšanow w 192 hrach zasadźeny był a sydom wrotow třělił. Foto: Torsten Zettl

Jockusch, Patka a Henčl dale w čorno-běłym trikoće krajneho ligista

Jockusch so w lěću nawróći

Budissa Budyšin wužiwa koronowu přestawku wědomje za to, přichodnu sezonu planować. Tak hodźi so po někotrych podlěšenjach tež transfer naspomnić. Akter za srjedźne polo Paul Jockusch so po třoch lětach pola KST 1990 Nowosólca-Hródka w lěću zaso k Budissy wróći. Mjeztym 21lětny kopar je mjenujcy hižo hač do młodźiny A w čorno-běłym Bu­dyskim trikoće wo dypki wojował a tam nazhonjenja zběrał.

Z kopańcu započał bě Jockusch pola Traktora Malešecy. Tam šnórowaše kopački hač do młodźiny D, prjedy hač so w starobnej klasy młodźina C za stolicu Serbow rozsudźi. W Nowosólcu-Hródku je wón w dohromady 49 partijach krajneje ligi 17 razow sam trjechił a dalše 19 wrotow za sobuhrajerjow spřihotował. Tak běše zdobom wulki garant za wuspěch swojeho mustwa. Pola swojeho noweho-stareho teama chce nětko z podobnej strašnosću před přećiwnymi wrotami wustupować. Wšitcy přiwisnicy so nadźijeja, zo so jemu to poradźi.

Statistika zasadźenjow Paula Jockuscha za jednotliwe cyłki

Veröffentlicht in Sport

Galerie

dalši wobraz (1) Paul Jokusch je prěni nowopřichad krajneho ligista Budissy Budyšin za hrajnu dobu 2021/2022. Foto: Budissa Budyšin/Robert Steinbach
dalši wobraz (2) Tom Henčl, hrajer Budissy a Serbskeje koparskeje wubranki Foto: Torsten Zettl
Bitte anmelden, um einen Kommentar zu posten

Serbska debata

Neuheiten LND