Maturanća SGB we wolejbulu so suwerenje přesadźili

Dienstag, 13. Juli 2021
Artikel bewerten
(0 Stimmen)
Dobra nalada knježeše mjez maturantkami a wučerkami SGB na 13. wolejbulowym duelu, kotryž doby młódša generacija z 2:0. Sobu hrali su Helena Šołćic, Adrienne Matkec, Judith Škodźina, Lavinia Bührdelec, Tereza Wićazowa, Majka Dilsec, Zuzana Rjedźina (zady wotlěwa); Christina Brězanec-Žurowa, Greta Čórlichec, Gabriela Jendrewscyna, Milena Kummerec a Sylwija Šěnowa (prědku klečo).  Foto: Měrko Korjeńk Dobra nalada knježeše mjez maturantkami a wučerkami SGB na 13. wolejbulowym duelu, kotryž doby młódša generacija z 2:0. Sobu hrali su Helena Šołćic, Adrienne Matkec, Judith Škodźina, Lavinia Bührdelec, Tereza Wićazowa, Majka Dilsec, Zuzana Rjedźina (zady wotlěwa); Christina Brězanec-Žurowa, Greta Čórlichec, Gabriela Jendrewscyna, Milena Kummerec a Sylwija Šěnowa (prědku klečo). Foto: Měrko Korjeńk

Tradicionalnej wolejbulowej dwubojej na Serbskim gymnaziju Budyšin (SGB) wotměštej so minjeny štwórtk. 29. duel muskeje generacije rozsudźichu maturanća z 3:0 přećiwo swojim wučerjam, rozžohnowace so abiturientki přewinychu wučerki z 2:0.

Tradicionalnej duelej při wysokim saku stej minjeny štwórtk krótko do 14 hodź. mnohich šulerjow wjacorych lětnikow přiwabiłoj, a to do sportownje Serbskeho a šulskeho zetkawanskeho centruma Budy­šin. Wulki fanowy blok našich dwanat­karjow postara so wo porjadnu atmosferu a tworješe tak perfektny ramik wu­bědźowanja. Za musku generaciju SGB bě to mjeztym 29. wolejbulowy duel. 26. meje 1993 běchu so abiturienća přećiwo swojim wučerjam z 3:2 přesadźili. Tež tónraz juskachu woni nad jasnym 3:0, dobywši jednotliwe přechody 25:21, 25:19 a 25:18. W mustwje tči njesměrny potencial, kotryž je wone tón dźeń přeswědčiwje wužiwało. We wurisanjach „Młodźina trenuje za olympiju“ je tónle lětnik 2019 z kapitanom Jakubom Bobku mjez šěsć finalistami 4. městno wobsadźił a lěto pozdźišo so z bronzu do Łužicy wróćił (SN rozprawjachu).

Veröffentlicht in Sport

Galerie

dalši wobraz (1) Tradicionalny wolejbulowy duel na Budyskim Serbskim gymnaziju dobychu dwanat karjo přećiwo swojim wučerjam lětsa z 3:0. Zady wotlěwa: Ławrjenc Bobka, Maćij Čižank, Paul Säuberlich, Franz Friedrich, Steve Schröder, Hagen Kambach, Jakub Bobka, Metod Šołta; klečo wotlěwa: Dorian Budar, Michał Eiselt, Adrian Mička a Měrko Korjeńk Foto: Měrko Korjeńk
Bitte anmelden, um einen Kommentar zu posten

Anzeige