Elias Kummer triumfator na SGB

Montag, 15. November 2021
Artikel bewerten
(0 Stimmen)
Najlěpši třo šulerjo Budyskeho Serbskeho gymnazija w atletiskim štyriboju běchu Jarek Schade z rjadownje 5-3 z 348 dypkami, Elias Kummer z rjadownje 10-2 ze 446 dypkami a Cajus Wićaz z rjadownje 7-1 z 325 dypkami (wotl.).  Foto: Měrko Korjeńk Najlěpši třo šulerjo Budyskeho Serbskeho gymnazija w atletiskim štyriboju běchu Jarek Schade z rjadownje 5-3 z 348 dypkami, Elias Kummer z rjadownje 10-2 ze 446 dypkami a Cajus Wićaz z rjadownje 7-1 z 325 dypkami (wotl.). Foto: Měrko Korjeńk

Tež lětsa je Serbski gymnazij Budyšin (SGB) na spočatku šulskeho lěta zaso sportowe wubědźowanje přewjedł: Šule­rjo 5. do 10. lětnika zwěsćichu swojich najlěpšich w atletiskim štyriboju. Z wulkim předskokom doby šuler 10. lětnika Elias Kummer ze 446 dypkami před Jarekom Schadu z rjadownje 5-3 z 348 dypkami a Cajusom Wićazom ze 7. lětnika z 325 dypkami.

Sakski šulski sportowy dźeń wotmě Budyski Serbski gymnazij w swójskej sportowej hali, a to z nowumom atletiskeho štyriboja. Šulerjo sekundarneho schodźenka I wubědźowachu so w storkanju medicinskeho bula, w trojoskoku, w seklowym běhu a w ćahanju na žerdź.

Jako prěni běchu šulerjo 5. a 6. lětnika na rjedźe. Hnydom štyrjo zaměstnichu so na kóncu w top-dźesać SGB (hlej přehlad). Aktiwny kopar Budissy Budyšin Jarek­ Schade z rjadownje 5-3 docpě w seklowym běhu z 11,6 sekundami wu­rjadne 115 dypkow. W šulskim sporće wotpo­wěduje 64 dypkow znamce jedyn. Jarek je tež talentowany lochkoatlet a běha z nanom hižo dźesaćkilometrowske čary. Njedawno zmištrowa wón tysac­metrowski běh na šulskej ležownosći w grandioznych 3:17 min. Tež to wotpowěduje jedynce w 10. lětniku.

Veröffentlicht in Sport
Bitte anmelden, um einen Kommentar zu posten

Serbska debata

Neuheiten LND