HZ Unterhaching – FC Energija Choćebuz 1:1 (1:0)
FC Energija Choćebuz: Bethke – Rorig (46. Engelhardt), Kaizer, Kusić, Bretschneider, Möker (46. Krauß), Pelivan, Borgmann (46. Proničev) – Ciğerci , Thiele, Copado (71. Halbauer)
wrota: 1:0 Lenn Jastremski (2.), 1:1 Tolcay Ciğerci (90.+2)
přihladowarjo: 4 725 (mjez nimi 1 500 přiwisnikow FCE)
Hižo do hry bě jasne, zo njemóže sej FC Energija Choćebuz hižo žane poražki a remisy dowolić, zo by znajmjeńša třeće městno tabulki zakitowała. Z nim bychu Choćebuženjo w relegaciskimaj hromaj přećiwo předpředposlednjemu 2. zwjazkoweje ligi nastupić směli. Tele třeće městno drje je FCE zakitował, tola 1. FC Saarbrücken je z dypkami hižo wurunał. Zakitowanje ominozneho třećeho městna pak njeměło nowačka z Choćebuza přejara tróštować – přesłaby bě za to wukon na kromje Mnichowa.
Wězo njeběchu zažne napřećiwne wrota po 80 hrajnych sekundach w prěnim połčasu rozsudźace, ale postupny aspirant njebě sam strašny dosć a přećiwnik měješe dobry recept přećiwo Łužičanam spřihotowany.
