ST Jednota Kamjenc –

SJ Njebjelčicy 1:0 (0:0)

Zestawa hosći: Hahn – Hanuza, A. Reinecke, Rudolf, Matješk (79. Čornak), D. Kral (46. Herrmann), P. Hrjehor, F. Hrjehor, Lehmann (71. Cyž), Plaettner, O. Domš

K 800. jubilejej města Kamjenc pohosći koparske mustwo muži Jednoty Kamjenc zašłu njedźelu koparjow z Njebjelčic. Tež hdyž bě mišterstwo ličensce hišće móžne, nochcychu hosćo přizamknjenje na druhe městno w tabulce zhubić a mjez prěnimi třomi wostać. Za to dyrbjachu, a to bě wšitkim jasne, zbytk sezony wuspěšnje hrać. Z Kamjenskim cyłkom měješe mustwo trenarja Daniela Pohlinga technisce jara dobry team hrajerjow před sobu, kotryž ma w přichodnych lětach jasne ambicije postupić.