Nětko hižo poskićuje šwedske železniske předewzaće jězby po nocach do sewjerneje Europy. Drje nic wšědnje, ale poměr­nje prawidłownje jězdźa ćahi pod mjenom Snälltåget do ­směra na Dansku a Šwedsku. Tež tule maće wšitke lěpšiny jězdźenja po nocach, a tak maće cyły dźeń po přijězdźe hižo za wotkrywanje a wočerstwjenje. Wot meje 2026 potom ­po­skići tež DB w kooperaciji z čěskej a danskej železnicu wšědny zwisk mjez Drježdźanami a Kopenhagenom. Něhdźe dźewjeć hodźin sće přez nóc po puću. DB přilubja na tej ­čarje najmo­derniše železnicy a wulki komfort.
Wot lěta 2026 poskići DB w kooperaciji z Pólskej železnicu (PKP) direktny zwisk mjez Sakskej a Pólskej. Do Krakowa tra­je jězba z Lipska tři a poł, do Wrócławja sydom hodźin. Po puću zastawa ćah we Wojerecach, z čimž je tež serbska Łužica derje do susodneje Pólskeje zwjazana. Dwójce wob dźeń so tak cyle komfortabelnje bjez awta do metropolow južneje Pólskeje dóstawaće. Tam kiwaja wam nimo architektury wězo tež chłóšćenki pólskeje kuchnje a rjana krajina po puću. Tikety hišće na předań njejsu, ale bórze tomu tak ­bu­dźe.