FC Energija Choćebuz –

Hannover 96 3:1 (1:1)

zestawa FCE: Lotka – Rorig, Manu, Erlein, Zaydan (46. Doumbia), Bittencourt (77. Pelivan), Michelbrink, Ciğerci (83. Borgmann), Copado (46. Butler), Boziaris (46. Hannemann), Engelhardt

wrota: 1:0 Ciğerci (14.), 1:1 Neubauer (28.), 2:1 Ciğerci (71./jědnatka), 3:1 Butler (76.)

přihladowarjo: 18.361

Ambicioněrowani hosćo najprjedy partiju postajowachu. Tola pospyty spěšneho nadběhowarja Bundy a nowopřichada Gindorfa puć do wrotow njenamakachu. Runje w prawym času přetwori Tolcay Ciğerci wólny kop. Z tym bychu so hosćićeljo poněčim do hry namakać móhli. Šansy pak nadźěłachu sej hosćo. Wurunanje Neubauera bě dawno zasłužene. Wón trjechi do dołheho róžka a přewiny z tym wrotarja Marcela Lotku. Energija bě zbožowna, zo steješe jenož 1:1. Hosćo bychu dźakowano swojim sylnym akcijam na lěwym křidle bjeze wšeho 5:1 nawjedować dyrbjeli.