„Ničo za Romow bjez nas“
Najwjetša narodna mjeńšina Europy tema interskupiny EU-parlamenta
W EU-parlamenće, kotryž su wobydlerki a wobydlerjo EU njedawno wuzwolili, njesedźi ani jedyn zastupjer Romow, hačrunjež liči mjeńšina zhromadnje ze swojimi podskupinami wjace hač šěsć milionow čłonow a je tak najwjetša mjeńšina EU. Tole jako fakt hižo mnoho wupraji, měnješe Costel Bercuş po zašłym posedźenju interfrakcionelneje dźěłoweje skupiny tradicionalne mjeńšiny, nacionalne zhromadźenstwa a krajne rěče. Jeho běchu sej čłonki a čłonojo skupiny přeprosyli, zo by wo situaciji Romow w Europje rozprawjał. Costel Bercuş je poradźowar za europske naležnosće 1991 załoženeje rumunskeje strony Romow Partida Romiloe Pro-Europa (PRPE). Tuta je wóndano zastupnistwo w Straßburgu załožiła, zo by zajimy Romow na europskej runinje dale zesylniła.
Mjenje ilegalnych migrantow
Brüssel (dpa/SN). W Europskej uniji je prěnje štyri měsacy lěta widźomnje mjenje ludźi ilegalnje přez mjezu přišło hač samsny čas loni. Ličba je wo nimale 30 procentow na něhdźe 47 000 woteběrała, z datow EU wuchadźa. Najraznišo pokazuje so wuwiće na tak mjenowanej zapadnej balkanskej čarje, hdźež zličichu jenož hišće 3 100 migrantow, minus 58 procentow. Tola tež na druhich čarach ličby migrantow woteběraja.
Kónc sankcijow woswjećili
Damaskus (dpa/SN). W Syriskej su ludźo we wjacorych městach zběhnjenje sankcijow USA woswjećili. Po informacijach swědkow zarjadowachu wobydlerjo swjedźenje na naměstach a awtowe korsa mjez druhim w stolicy Damaskusu kaž tež w Homsu a druhdźe. Prezident USA Donald Trump bě sankcije w sawdiskej stolicy Riadźe zběhnył. W Syriskej maja tole za wažny signal móžneho hospodarskeho rozmacha a lěpšeho žiwjenja.
Znowa rakety na Israel
Z wotmachom sypnjeny Caroliny móst w Drježdźanach dale torhaja. Wot ...
Merz: Hoberske napinanje trěbne
Rubio přińdźe do Turkowskeje
Riad (dpa/SN). Wonkowny minister USA Marco Rubio přijědźe po informacijach prezidenta USA Donalda Trumpa k móžnemu zetkanju ukrainskeho prezidenta Wolodymyra Zelenskeho a ruskeho prezidenta Wladimira Putina do Turkowskeje. Rozmołwy maja so jutře zahajić, najpozdźišo pak kónc tydźenja. Rubio sam je optimistiski, zo docpěja wobdźěleni tam „jara dobre wuslědki“. Dotal njewědźa, hač přijědźe Putin wosobinsce do Istanbula abo hač sćele zastupjerja. Zelensky chce na kóždy pad přilećeć, zo by so z turkowskim prezidentom Recepom Tayyipom Erdoganom k rozmołwam zetkał a na Putina čakał.
Spočatnje chcyše tež Trump do Turkowskeje přińć.
Steinmeier za kónc Gazaskeje wójny
Jerusalem (dpa/SN). Zwjazkowy prezident Frank-Walter Steinmeier je israelskeho ministerskeho prezidenta Benjamina Netanjahuwa namołwjał, zo by za měrliwym rozrisanjom Gazaskeje wójny pytał. Trěbne su po słowach Steinmeiera „politiske perspektiwy za skónčenje wójny, wosebje w dialogu z arabskimi krajemi.“ To zdźěli rěčnica po rozmołwje w Jerusalemje. Steinmeier je wosebje potwjerdźił, zo dyrbja ciwilnu ludnosć w Gazaskim pasmje w dosahacej měrje zastarać. Humanitarne połoženje w pasmje je mjeztym katastrofalne, dokelž Israel mjezynarodne pomocne transporty při mjezy pasma blokuje.
Steinmeier je žadanje organizacije Amnesty International wotpokazał. Wón zetka přiwšěm Netanjaha. Amnesty wumjetuje jemu wójnske złóstnistwa a pokazuje na to, zo předleži ze stron Mjezynarodneho chłostanskeho sudnistwa w Den Haagu wukaz zajeća přećiwo israelskemu ministerskemu prezidentej.
Dźensa wopytaše Steinmeier ze swojej mandźelskej židowske sydlišćo Beeri, kotrež běchu wojowarjo Hamas při nadpadźe 7. oktobra 2023 zničili.
Debata je trěbna
Nuzy w hladar- njach zadźěwaja
Kamjenica (dpa/SN) Po informacijach Klausa-Petera Hansena, šefa Sakskeje agentury za dźěło, faluje w branši hladanja najwjace fachowcow. Wosebje w Sakskej je nuza w chorownjach, starownjach kaž tež w posłužbach za mobilne hladanje wulka. W lěće 2024 su něhdźe 1 160 swobodnych dźěłowych městnow za hladarjow přizjewili. A to byrnjež dochody na polu hladanja w poslednich lětach stajnje stupali. Tak wučinješe přerězna mzda hladarjow w lěće 2019 něhdźe 3 000 eurow wob měsac, w lěće 2023 hižo 3 800 eurow. Nadpadne tohorunja je, su 83 procentow wšěch hladarjow w starownjach a hladarnjach žony a zo dźěła wjetšina z nich jenož podźělnje.
Zwjazk Sahry Wagenknecht chce tutomu zjawej zadźěwać. Situacija njesměła so po jich měnjenju dale pohubjeńšić. Woni warnuja před „stupacym přestarjenjom a před sćěhami hladarskeje nuzy dla wosebje we wjesnych kónčinach Sakskeje“. BSW žada sej nowy hladarski zakoń. Tutón wobsahuje jasne zniženje podźěla, kotryž dyrbi pacient sam płaćić. Z tym chcedźa městna w starowni wjace ludźom spřistupnić.
